2 Timote 1:1 - Tshwa Bible

¹ Paule, a mupostoli wa Kristu Jesu hi kuranza ka Nungungulu, a rumelweko a ku kanela a xitsumbiso xa wutomi legi gi nga ka Kristu Jesu, Joh. 5:24, 39, 40; Rom. 5:21; Tit. 1:2

2 Timote 1:1 Referans Kwoze

Maheberu 9:15

Hi kota ya lezo yena mutlhanganyisi wa vanhu ni Nungungulu xivumelwaneni xiswa, kasi vona lava va vitanilweko va fela ku kuma a tshomba ya pinzukelwa leyi va tsumbisilweko yona, kota lezi ku humeleko a kufa loku ku va tirulako ka zihambuko lezi zi nga mahiwa lahasi ka xivumelwano xo ranga. Rom. 3:25; 1 Tim. 2:5

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

2 Va le Korinte 1:1

Mina Paule, nzi nga mupostoli wa Jesu Kristu hi kuranza ka Nungungulu, na Timote a makabye wa hina, ha losa a bandla ga Nungungulu legi gi nga le Korinte, zinwe ni vobasa vontlhe lava va nga le Akaia gontlhe, hiku: Kol. 1:2

Johani 10:28

Nza ti nyika a wutomi ga pinzukelwa; cima ti nga tafa, ni kambe, a nga kona loyi a ta nga ti wutla canjeni ga mina. Xip. 6:37; 17:11, 12; 18:9

Titusi 1:2

hi ku tsumba a wutomi ga pinzukelwa, legi Nungungulu loyi a nga hembiko a nga tsumbisa hi kaleloko ka matiko; 2 Tim. 1:9

Va le Efesusi 3:6

lezaku ngalo: A vamatiko zigatshomba zinwe na hina, vava miri munwe zinwe na hina, va hi zihlengelikulori za xitsumbiso ka Kristu Jesu hi ivangeli, Gal. 3:14

Johani 6:40

Hakuva kuranza ka Dadani lezaku ni wihi loyi a cuwukako Nʼwana, a kholwa ka yena, i fela kuva ni wutomi ga pinzukelwa; ni lezaku nzi mu vuxa hi siku go gumesa. Xip. 3:15, 16; 4:14

1 Johani 2:25

A xitsumbiso lexi a nga hi tsumbisa xona hi lexi, a wutomi ga pinzukelwa. Joh. 17:3

1 Timote 6:19

lezaku va ti veketela a tshomba leyi yi ta ngava a xiseketelo xi nene a xikhatini xa ha tako, lezaku va fela ku kuma wutomi legi gi nga wutomi hizinene.

2 Va le Korinte 1:20

Hakuva hambu loku a zitsumhiso za Nungungulu zi ngava zingani, a Ina wa zona ku kona ka yena; hi kota ya lezo hi wula Amen ha yena, lezaku Nungungulu a dumiswa ha hina. Rom. 15:8, 9

1 Va le Korinte 1:1

Paule loyi a vitanilweko hi kuranza ka Nungungulu a kuva mupostoli wa Jesu Kristu, na Sostene a makabye wa hina, Miti. 18:17

Va le Roma 6:23

Hakuva a hakhelo ya kuonha hi kufa, kanilezi a xinyikiwo xa Nungungulu hi wutomi ga pinzukelwa ha Jesu Kristu a Hosi ya hina. Gen. 2:17; 1 Ped. 1:4

Va le Roma 5:21

lezaku kota lezi a kuonha ku nga fuma kufeni, lezo kambe a tipswalo ti fela ku fuma hi kululama ku yisako wutomini ga pinzukelwa ha Jesu Kristu a Hosi ya hina.

Va le Roma 1:1

Paule, a nanza ga Jesu Kristu, nzi vitanilweko a kuva mupostoli, nzi bambanyiselwa ku kanela ivangeli ya Nungungulu, 1 Tim. 1:11; Miti. 9:15

Johani 6:54

Loyi a gako a nyama ya mina, anwa a nkhata wa mina, i na ni wutomi ga pinzukelwa; nzi ta mu vuxa hi siku go gumesa.

Johani 5:24

Hizinene, nziku ka nwina: Loyi a zwako a mhaka ya mina, ni ku kholwa loyi a nzi rumileko, i na ni wutomi ga pinzukelwa; zonake a ngati kulamulweni, kanilezi i humele kufeni, a enghena wutomini. Xip. 3:16, 18; 6:40, 47; 1 Joh. 3:14

Va le Galatia 3:26

Hakuva nwina nwentlhe mu varisanyana va Nungungulu hi kukholwa ka Kristu Jesu. Joh. 1:12

Va le Galatia 3:28

A ka hi kona muJuda hambu muGreki, a ka hi kona khumbi hambu a tlhatlhekileko, a ka hi kona wanuna hambu wasati; hakuva nwina nwentlhe mu munwe ka Kristu Jesu. Joh. 10:16; 17:21; Rom. 10:12

2 Timote 1:9

loyi a nga hi hanyisa, ni ku hi vitana hi kuvitanwa ko basa, na ku nga hi kota ya mitiro ya hina, kanilezi hi kuxuva kakwe, ni tipswalo leti hi nyikilweko tona ka Kristu Jesu hi kaleloko ka matiko, Rom. 8:28; Efe. 1:4; 1 Tes. 4:7; Tit. 3:5

2 Timote 1:10

kanilezi makunu ti wonekelisilwe hi kuwoneka ka Muhanyisi wa hina Kristu Jesu, loyi a nga hetisa kufa, a wonekelisa a wutomi ni kungafi hi ivangeli, 1 Kor. 15:54; Efe. 1:9; Kol. 1:26; 1 Ped. 1:20

2 Timote 1:13

Khomisisa hi kukholwa ni liranzo leli li nga ka Kristu Jesu a timhaka leti ti nene, leti u ti zwileko ka mina, lezaku tiva xikombiso ka wena. Rom. 2:20; 6:17; 1 Tim. 6:3; Tit. 1:9; Maheb. 10:23

2 Timote 2:1

Wena-ke, nwananga, ngha uva ni ntamu tipswalweni leti ti nga ka Kristu Jesu. Efe. 1:19; 3:16; 6:10; Kol. 1:11; 1 Tim. 1:2

2 Timote 2:3

Xaniseka zikaratweni zinwe na mina, kota a sochwa go saseka ga Kristu Jesu.

2 Timote 2:10

Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8

2 Timote 3:15

ni lezaku a kusukela wuhlangini ga wena u tivile a mitsalo yo basa, leyi yi nga ni ntamu a ku ku maha u tlhariha, u kala u hanyiswa hi kukholwa loku ku nga ka Kristu Jesu. Tis. 119:11; Joh. 20:31; Rom. 10:17

Titusi 1:4

Mina Paule nza rungula Titusi, a nwananga hizinene a kukholweni loku hi nga nako hi wumbiri ga hina, nziku: A tipswalo ni kurula a zive na wena, na zi huma ka Nungungulu Dadani na Kristu Jesu a Muhanyisi wa hina. 2 Kor. 2:13; Gal. 2:3