2 Samueli 7:8 - Tshwa Bible

⁸ Hikwalaho u ta mu byela lezo Davida, a nanza ga mina, uku; Jehova wa tiyimpi i ngalo: Mina nzi ku tekile lomu wuriselweni, ni xikari ka tiyivu kasi wena u fela ku maha murangeli wa vanhu va mina, va nga vona va ka Israeli.

2 Samueli 7:8 Referans Kwoze

2 Samueli 12:7

Zonake Natani i te ngalo ka Davida: A munhu loye hi wena! Jehova Nungungulu wa ka Israeli i te ngalo: Nzi ku totile a kuva hosi hehla ka va ka Israeli, nzi ku tlhatlhisa mandleni ya Saule.

2 Samueli 6:21

Davida i te ngalo ka Mikali; Mina nzi wa kina mahlweni ka Jehova loyi a nzi hlawulileko wutshanwini ga raru wa wena ni yontlhe yindlu yakwe, a nzi yimisa a ku rangela a vanhu va Jehova, va nga va ka Israeli.

1 Kronekele 17:7

Hikwalaho famba u ya byela a nanza ga mina Davida, uku: Nzi ku tekile kuriseni ka tiyivu, kasi u fela ku tava murisi wa vanhu va mina, a va ka Israeli. 2 Sam. 5:2; Tis. 78:70

1 Samueli 10:1

Zonake Samueli i lo teka a xikudzana xa mafura a xi chulula laha hlokweni ka Saule, a mu pswopswa, aku: Hakunene Jehova i ku totile hi mafura lezaku u maha hosi hehla ka tshomba yakwe!

1 Samueli 9:16

Manziko hi xwalexi xikhati nzi ta ku rumela a munhu wa le tikweni ga ka Benjamini u ta mu tota kasi a fela ku maha murangeli wa vanhu va mina va ka Israeli; i ta tlhatlhisa a vanhu va mina mandleni ya vaFilistia. Hakuva nzi zwile kurila ka vanhu va mina. Ekso. 3:9

Mitiro 7:46

loyi a nga kuma thomo mahlweni ka Nungungulu, a kombela a kuva a akela Nungungulu wa Jakobe a yindlu. 1 Sam. 16:1

1 Samueli 2:8

Wa humesa xisiwana lomu tshurini, Wa tsawula muvumali lomu maropeni, A va tshamisa zinwe ni tihosi, Ni ku va nyika a tshomba ya xitshamu xa wukosi. Hakuva a ziseketelo za misava za Jehova, I yimisile misava hehla ka zona.

2 Samueli 23:1

Leti hi timhaka to gumesa ta Davida: A gezu ga Davida nʼwana Jese, I gezu ga munhu a tlakusilweko. Ga a totilweko wa Nungungulu wa Jakobe, Ga muyimbeleli a ranzekako wa ka Israeli.

2 Samueli 24:17

Laha Davida a nga wa wonile a ngelosi ya Jehova leyi yi lovisako vanhu lomu xikari ka tiko i lo wulawula ka Jehova, aku: Languta, mina hi mina nzi onhileko, hi mina nzi mahileko loku kubiha; kanilezi a tiyivu leti ti onhile yini ke? Ngha canja ga wena gi hi hehla ka mina ni hehla ka yindlu ya dadani wa mina!

1 Tihosi 3:6

Solomoni i lo hlamula, aku: U kombisile tipswalo ta hombe ka nanza ga wena Davida, a dadani wa mina, hi lezi a fambileko hi zinene mahlweni ka wena, ni kululama, ni nongameto ya mbilu; u mu hlayisele a tipswalo leti ta hombe, zonake u mu nyikile u nwanana loyi a tshamileko xitshanwini xa yena xa wuhosi kota lezi zi nga zona nyamutlha.

1 Tihosi 8:16

Kusukela lezi nzi nga humesa a vanhu va mina va ka Israeli le Gipite, cima a nzi langangi a muti xikari ka tixaka tontlhe ta ka Israeli, a kuva va nzi akela a yindlu yi lumbako a vito ga mina, kanilezi nzi langile Davida lezaku kasi yena a fumela a vanhu va mina va ka Israeli.

1 Kronekele 21:17

Davida i te ngalo ka Nungungulu: A hi mina nzi rumisileko lezaku ku hlayiwa vanhu ke? Hi mina nzi onhileko, nzi mahileko kubiha ka hombe nguvu; kanilezi a tiyivu leti, xini ti mahileko? Jehova Nungungulu wa mina, ngha a canja ga wena gi hi hehla ka mina, ni hehla ka yindlu ya raru wa mina; ngha gi nga hi hehla ka vanhu va wena gi va daya!

2 Samueli 5:2

Hambu xikhatini xa kale, na Saule a ha fuma, hi wena u nga wa humesa ni ku wuyisa lomu ka Israeli. Jehova i te ngalo ka wena: Hi wena u ta nga risa a vanhu va mina va ka Israeli, uva hosi lomu ka va ka Israeli.

2 Samueli 14:13

A hosi yiku: Wula! A wasati aku: Hi kota ya yini u alakanya a zilo za ku nghahi za ku vukela a vanhu va Nungungulu ke? Hakuva khwatsi hi lezi yi wulisako zona hosi, yi na ni nanzu hi lezi yi nga lanziko loyi yi mu hlongoleko.

Amosi 7:15

Jehova i lo nzi susa wurisini ga mitlhambi, aku ka mina: Famba u ya profeta ka vanhu va ka Israeli.