2 Samueli 24:25 - Tshwa Bible

²⁵ Zonake Davida i lo aka a alati ga Jehova; a nyikela miphahlelo ya kuhiswa, ni miphahlelo ya kurula; hilezo Jehova i lo tsetselela a vanhu, zonake a ntungu wa khawula lomu ka Israeli.

2 Samueli 24:25 Referans Kwoze

2 Samueli 21:14

Zonake va lo ketela marambu ya Saule ni ya nʼwana wakwe Jonatani le tikweni ga ka Benjamini, le Zala, a xilahleni xa dadani wakwe Kixi. Va lo maha zontlhe lezi zi nga wa leletelwe hi hosi; zonake Nungungulu i lozwa kurila ka vanhu. A kudawa ka zihotlovila.

2 Samueli 24:14

Davida i te ngalo ka Gadi: Nzi lomu hlomulweni wa hombe nguvu. A hi weleni canjeni ga Jehova, hakuva a wuxinji gakwe ga hombe nguvu; ngha nzi nga weli mandleni ya vanhu!

1 Samueli 7:17

Zonake a wuya kaya kakwe le Rama; hi kwaleyo a nga wa tshama kona a lamula Israeli. I wa akile a alati ga Jehova leyo.

Genesisi 8:20

Zonake Noa i lo mu akela a ganzelo Jehova; i lo pambula xikari ka zontlhe zihari zi hlazekileko, ni ka tontlhe tinyanyani ti hlazekileko, a nyikela munyikelo wa kuhiswa laha alatini.

1 Samueli 7:9

Samueli i lo teka a xiyivana xa ha anwako, a xi nyikela xontlhe xi maha munyikelo wa kuhiswa ka Jehova. Zonake Samueli i lo khongelela va ka Israeli ka Jehova, na Jehova i lo mu hlamula.

Genesisi 22:9

Loku va chikele ka wutshamu lego Nungungulu a nga wa mu byelile, Abrahama i lo aka a alati laho, a longisa a tihunyi, a boha nʼwana wakwe Isaka, a mu veka alatini hehla ka tihunyi.

Valamuli 21:4

Hi siku gi gamelako a vanhu va lo vuka ni mixo va aka a alati laho, va maha miphahlo ya kuhiswa ni ya kurula.

1 Samueli 13:9

Zonake Saule aku: Nehani munyikelo wa kuhiswa ni muphahlelo wa kurula. Zonake i lo nyikela munyikelo wa kuhiswa.

1 Samueli 14:35

Saule i lo aka a alati ga Jehova, gi nga alati go sangula legi a nga akela Jehova.

1 Tihosi 1:1

Makunu Hosi Davida i wa khosahele, a hi ni masiku yo tala; va wa mu fenengeta hi mikumba, kanilezi a ngazwi kukufumela.

Ezekieli 16:42

Nzi ta bohlisa a khulo ga mina hehla ka wena, nzi nga ta ha lusa ha wena, nzi ta rutisa nzi nga ha zangari kambe.

Genesisi 12:7

Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16

Mitsengo 17:13

Loyi ni loyi, lava va tshinelako ka tabemakeli ga ka Jehova, ofa. Xana hi ta mbhela hina hontlhe hi kufa ke?

Valamuli 6:24

Zonake Gideoni i lo aka alati ga Jehova laho, a gi chula vito ga Jehova-xalome (Jehova wa kurula). Ni lezi ga hi kona le Ofra wa vaAbiezeri.