2 Samueli 2:1 - Tshwa Bible

¹ Makunu anzhako ka lezo Davida i lo wutisa ka Jehova, aku: Nzi kanziha nziya ka munwe wa miti ya ka Juda ke? Jehova i te ngalo kakwe: Kanziha. A engeta aku ka Jehova: Nziya ka wihi muti? Jehova aku: Yana le Hebroni.

2 Samueli 2:1 Referans Kwoze

1 Samueli 30:31

ni ka va le Hebroni, ni ka matiko wontihe lawa Davida ni vanhu vakwe va nga wa tolovele ku fambela ka wona.

1 Samueli 23:2

Zonake Davida i lo wutisa Jehova, aku: Nzi famba nzi ya hlasela vaFilistia lava ke? Jehova aku ka Davida: Famba u ya hlasela vaFilistia u ponisa Keila.

1 Samueli 23:4

Zonake Davida i lo engeta a wutisa kambe ka Jehova; Jehova a hlamula aku: Suka u relela uya le Keila, hakuva nzi ta nyikela vaFilistia mandleni ya wena.

Genesisi 32:2

Laha Jakobe a nga ti wona i te ngalo: Hi leyi yimpi ya Nungungulu; i lo chula vito ga wutshamu lego ku Mahanaime. 2 Tih. 6:17; Tis. 34:7

Ezekieli 36:37

Hosi Jehova i ngalo: Tlhatakumbiri, nza ha ta labyiwa hi yindlu ya ka Israeli a kuva nzi va mahela zona. Nzi ta enzelekisa a vanhu lezaku va fanana ni mitlhambi.

Tisimu 143:8

Nzi mahe nzizwa wuxinji ga wena laha mixweni, Hakuva nzi tsumba ka wena; Nzi tivise a ndlela leyi nzi faneleko ku famba ha yona, Hakuva nza tlakusa muhefemulo wa mina ka wena.

Tisimu 27:4

Xilo xinwe nzi kombelako ka Jehova, nzi ta lava lexo: Hi lezaku nzi tshama ndlwini ya Jehova a masiku wontihe ya kuhanya ka mina, Kasi nza wona a kusaseka ka Jehova, nzi languta tempeli yakwe.

1 Kronekele 29:7

Va lo nyikela a ku vuna a ntiro wa yindlu ya Nungungulu, 5,000 wa titalenta ta nzalama ni 10,000 wa tidarike, ni 10,000 wa titalenta ta siliva, ni 18,000 wa titalenta ta suku, ni 100,000 wa titalenta ta ziketse.

1 Tihosi 2:11

Davida i lo fumela va ka Israeli 40 wa malembe. Le Hebroni i lo fuma 7 wa malembe, le Jerusalema a fuma 33 wa malembe.

2 Samueli 15:7

Makunu laha na ku hunzile mune wa malembe, Absalome i te ngalo ka hosi: Nzi kombela kuya le Hebroni nzi ya tatisa a xifungo xa mina lexi nzi xi mahileko mahlweni ka Jehova.

2 Samueli 5:23

Loku a wutisile kambe ka Jehova, Jehova i te: U nga kanzihi; kanilezi renzeleka hi lenzhako kabye, u ta ya tlhangana navo le tisinyeni ta timora.

2 Samueli 5:19

Zonake Davida i lo wutisa ka Jehova, aku: Nzi kanziha nzi yalwa ni vaFilistia ke? U ta va nyikela mandleni ya mina ke? Jehova i lo hlamula, aku: Kanziha uya, hakuva hakunene nzi ta nyikela vaFilistia mandleni ya wena.

2 Samueli 2:11

A masiku lawo Davida a nga fumela a yindlu ya ka Juda le Hebroni ma wa hi 7 wa malembe ni 6 wa tihweti.

Valamuli 1:1

Makunu laha Joxua a nga wa file, a vanana va ka Israeli va lo wutisa ka Jehova, vaku: Himani xikari ka hina a ta nga ranga a kanziha aya ka vaKanani a yalwa navo ke?

Mitsengo 27:21

Yena i ta yima mahlweni ka mupristi Eliazare, i ta mu kombelela hi nayo wa Urime mahlweni ka Jehova. Khwatsi hi kuleletela kakwe a vanana va ka Israeli va ta huma; hi kuleletela kakwe kambe va ta tlhela va enghena.

Mitsengo 13:22

Va lo kanziha hi le Dzongeni, kala va ya chikela le Hebroni, laho ku nga wa hi na Ahimani, na Xexai, na Talmai, a vazukulu va Anaki. A muti wa Hebroni wu rangile ku akiwa, hi mahlweni ka ntlhanu wa malembe ni mambiri na wu nga se ku akiwa Zoana wa Gipite.

Genesisi 13:18

Na Abrama i lo suka, i lota aka mikuhlwini ya le Mamre le Hebroni; laho i lo aka a alati ga Jehova.

Joxua 15:13

Kanilezi Kalebi nʼwana Jefuna i lo nyikwa xiavelo xakwe xikari ka vanana va ka Juda, khwatsi hi lezi Jehova a leleteleko ka Joxua, i lo mu nyika a muti wa Arba, a raru wa Anake, lowu wu nga Hebroni.

1 Samueli 10:22

Va lo nonohisa va wutisa ka Jehova, vaku: A munhu loye i tata laha kambe ke? Jehova aku ngalo: Hi gaya, i fihlele lomu ka zibya.

2 Kronekele 11:10

ni wa Zora, ni wa Aijaloni, ni wa Hebroni, A miti leyi yi wa hi tikweni ga ka Juda ni ga ka Benjamini, a miti ya makhokhola.