2 Samueli 19:8 - Tshwa Bible

⁸ Zonake a hosi yi lo suka yi ya tshama laha nyangweni; zonake va lo byela vontlhe vanhu, vaku: Langutani, a hosi yi tshamile laha nyangweni. Zonake vontlhe va lota mahlweni ka hosi. Kanilezi va ka Israeli va wa panzanyekile, loyi ni loyi a ti yela kaya kakwe.

2 Samueli 19:8 Referans Kwoze

2 Samueli 18:24

Makunu Davida i wa tshamile xikari ka tinyangwa timbiri; ni murinzeli i wa hi le hehla ka langwa la nyangwa le khurisini. Laha a nga tlakusa a mahlo i lo wona a munhu na a kari a tsutsuma na a hi yece.

2 Samueli 18:4

A hosi yiku kabye: Nzi ta maha lezi zi wonekako na zi hi zinene ka nwina. Zinghaho a hosi yi lo yima hi laha tlhelweni ga nyangwa, zonake vontlhe vanhu va lo hunza hi mitlawa ya 100 ni ya 1,000.

2 Tihosi 14:12

Juda i lo hluliwa mahlweni ka va ka Israeli, munwe ni munwani wabye a tsutsumela tendeni gakwe.

1 Tihosi 22:36

Laha kupeleni ka gambo ku lo biwa hungu lomu mixaxeni yontlhe, vaku: Munwe ni munwani a fambe kabye ni le tikweni gabye.

2 Samueli 19:3

A vanhu va lo enghena mutini lego siku hi kunyanima, khwatsi mbanhu va nyanimako hi kuva ni tingana ta ku tsutsuma le yimpini.

2 Samueli 18:17

Zonake va lo teka Absalome va mu hoxa lomu rinzini ga hombe, lomu khwatini, va vingeretela a nhulu ya hombe ya maribye hehla kakwe. Zonake vontlhe va ka Israeli va lo tsutsuma, loyi ni loyi a ti yela kaya kakwe. Jox. 7:26; 8:29

2 Samueli 15:2

Absalome i wa vuka ni mixo a ya yima laha kusuhani ni ndlela ya nyangwa; loku a wona ni wihi munhu a yisako timhaka le hosini kasi ku ya lamulwa, Absalome i wo mu vitana aku kakwe: Uta hi ka wihi muti? Yena aku: A nanza ga wena gita hi ka yinwe ya tinyangwa ta ka Israeli.

1 Samueli 4:10

A vaFilistia va lolwa ni va ka Israeli; a va ka Israeli va lo hluliwa, va panzanyeka, loyi ni loyi a tsutsumela tendeni gakwe. Ku wa hi kuhlaselwa ka ntamu, hakuva ku lo dawa 30,000 wa vavanuna va hlomileko va ka Israeli.

2 Tihosi 8:21

Zonake Joramu i lo hunza le Zaira ni tikareta takwe tontlhe. I lo vuka ni wusiku a hlasela a vaEdomi lava va nga wa mu ranzele, ni tinduna ta tikareta, kanilezi a vanhu vakwe va panzanyeka vaya matendeni yabye.