2 Samueli 17:8 - Tshwa Bible

⁸ Huxai i lo engeta aku: Wena wa gi tiva wunhenha ga raru wa wena ni ga vanhu lava a nga navo; va leva ku fana ni urso gi lahlekelweko hi vanana va gona lomu khwatini; ni kambe a raru wa wena munhu wa yimpi, a nga tshami ni wusiku laha vanhwini,

2 Samueli 17:8 Referans Kwoze

Hosea 13:8

Nzi ta wela hehla kabye khwatsi nzi urso gi tekelweko a vana va gona, nzi hanzula a pambani wa timbilu tabye; nzi va khadamula laho kukotisa nghala; a zivanza zi ta va hanzula. 2 Sam. 17:8; Jer. 5:6

1 Samueli 16:18

A munwe wa malanza yakwe i lo hlamula, aku: Mina nzi wonile a munwe wa vanana va Jese wa le Betlehema, loyi a nga mubi wa xitende, a wanuna wa nhenha, loyi a zi kotako ku khoma tlhari, a xitlhatlha kuwulawuleni, a munhu a sasekileko, loyi Jehova a nga na yena.

Danieli 7:5

Nzi lo wona a xihari xa wumbiri xo fanana ni urso na xi yimile hi tlhelo ginwe, na xi hi ni timbambo tinharu nonwini wa xona xi ti lumile hi meno ya xona. Vaku ka xona: Suka u khadamula a nyama yo tala.

Mavingu 17:12

A ku tlhangana ni pswele ga urso legi gi tekelweko a vana va gona, chukwana ku hunza ku tlhangana ni xipumbu wupumbyini ga xona.

Mavingu 28:15

Khwatsi hi nghala yi dzumako, ni urso legi gi nga ni ndlala, inghaho ni mufumeli wo biha loyi a fumelako zisiwana.

2 Tihosi 2:24

I lo hunzuluka a va cuwuka, a va rukatela vitweni ga Jehova. Ku lo huma maurso mambiri hi lomu khwatini ma pfhemula 42 wa vafana xikari kabye,

2 Samueli 23:18

Abixai a nakulobye wa Joabe nʼwana Zeruia, i wa hi wa hombe ka lava vanharu. I lo tlakusa a tlhari gakwe alwa ni 300 wa vavanuna a va daya; zonake i lova ni vito ga hombe xikari ka lava vanharu.

2 Samueli 23:16

Zonake a tinhenha tinharu ti lo tsemakanya hi laha xikari ka mabutho ya maFilistia ti yakha mati le hlobyeni ya le Betlehema, yi nga hi laha nyangweni ya muti, ti ma neha ka Davida.

2 Samueli 15:18

A malanza wontihe ma lo famba hi lomu matlhelweni yakwe; a vaKereti vontlhe, ni vaPeleti vontlhe; ni 600 wa vavanuna va nga wata hi le Gati, va lo famba mahlweni ka hosi.

1 Samueli 23:23

Mu ta ya wona ni ku tiva kontlhe lomu a tumbelako kona; zoriake mu ta wuya ka mina mu ta nzi byela lisine, kasi nza famba na nwina. Loku a hi kona lomu tikweni lego, nzi ta mu hlota lomu xikari ka mazanazana ya ka Juda.

1 Samueli 17:50

Zinghaho Davida i lo hlula a muFilistia hi lingoti la wundandi ni ribye, a mu daya. Kanilezi Davida i wa nga hi na supado.

Valamuli 18:25

A vanana va ka Dani vaku kakwe: U nga zwati a gezu ga wena, u nga tshekulelwa hi vavanuna va xizangazangani u dawa ni vanhu va muti wa wena.

2 Samueli 17:9

Languta, yena i fihlele makunu ka rinzi go kari, kutani ka wutshamu go kari; ku taku loku vanwani va dawa, a mahungu ma zwala, yaku ngalo: A vanhu lava va lanzelako Absalome va hlulilwe.

Ezekieli 19:2

A mamani wa wena i wa hi pswele ga nghonyamo, yi etleleko xikari ka tinghonyamo, Xikari ka zinghalana yi anwisile a zinghalana za yona. Gen. 49:9