2 Samueli 17:17 - Tshwa Bible

¹⁷ Makunu Jonatani na Ahimaza va wa tshama hi le Enrogeli, kanilezi a nanza ga xisati gi wa tolovela kuya gi ya va byela timhaka toya ka Davida, hakuva va wa chava ku ti wonekelisa le mutini.

2 Samueli 17:17 Referans Kwoze

2 Samueli 15:36

Languta, va na ni vana vabye va vambiri, Ahimaza nʼwana Zadoke na Jonatani nʼwana Abiatari; mu ta nzi rumela ha vona zontlhe lezi mu ta nga zizwa.

2 Samueli 15:27

A hosi yi lo engeta yiku ka mupristi Zadoki; Hi nga wona, tlhelela mutini hi kurula, zinwe ni nʼwana wa wena Ahimaza; na Jonatani nʼwana Abiatari.

Joxua 18:16

zonake wu relela magumo ka xitsunga lexi xi cuwukeneko ni nzhelelo wa Ben-Hinome lowu wu nga nzhelelo wa va ka Refaime, hi le Nwalungu, zonake wu relela hi nzhelelo wa Ben-Hinome, wu kongoma tlhelo ga le Dzongeni ka xitsunga xa vajebusi ni ku kala le En-Rogeli;

Joxua 15:7

ni mbhingano wu kanziha hi tlhelo ga Debiri, kusuhani ni nkova wa Akora, wu ya le Nwalungu, wu kongoma le Gilgale, laha ku cuwukeneko ni ndlela leyi yi kanzihako le Adumima, leyi yi nga le Dzongeni ga xicongwana; wu hunza hi laha kusuhani ni mati ya le Ain-Xemexe, kala le Ain-Rogeli.

1 Tihosi 1:9

Adonija i lo daya a tiyivu ni tikavi ni marole yo nona kusuhani ni ribye ga Zohelete legi gi nga laha kusuhani ni Enrogeli; na yena i lo vitana vontlhe vanakulobye, a vana va hosi, ni vontlhe vanhu va ka Juda a malanza ya hosi. Jox. 13:7; 18:16

1 Tihosi 1:42

Laha na ha wulawula, ku lo chikela Jonatani wa mupristi Abiatari. Adonija aku kakwe: Ngone, hakuva u wanuna loyi a nehako mahungu yo saseka.

2 Samueli 15:35

Mupristi Zadoke na mupristi Abiatari, va tava zinwe na wena. Kasi zontlhe lezi u ta nga zizwa lomu ndlwini ya hosi, u ta ya byela Zadoke na Abiatari.