2 Samueli 15:23 - Tshwa Bible

²³ A tiko gontlhe gi lo rila hi gezu ga hombe, ni vontlhe vanhu va nga wa hunza. Na yonawu hosi yi lo tlhatuka a xicongwana xa Kidroni, ni vontlhe vanhu va lo tlhatuka va famba hi ndlela yi cuwukako xiwuleni. Joh. 13:1

2 Samueli 15:23 Referans Kwoze

2 Samueli 16:2

A hosi yi te ngalo ka Ziba: Za yini lezi zilo? Ziba aku ngalo: A timbongola to khilelisa a va le ngangweni wa hosi, a zibaba ni mihanzu ya ximumu zi tava kuga ka majaha, ni vinya va tanwa lava va ta nga karala lomu xiwuleni.

Johani 18:1

Laha Jesu a nga kanele leti timhaka, i lo huma ni vapizani vakwe vaya tlhatuko wa xicongwana Kidroni, laho gi nga hi kona simu; i lo enghena kona, yena ni vapizani vakwe. Mat. 26:36; Mar. 14:32; Lu. 22:39

1 Tihosi 2:37

Hakuva kani hi gihi siku u ta nga suka u famba, u tlhatuka xicongwana lexi xa Kidroni, zi tive lezaku futsi u tafa; ni nkhata wa wena wu tava hehla ka hloko ya wena.

Va le Roma 12:15

Tsakani zinwe ni lava va tsakako, mu rila ni lava va rilako.

Luka 1:80

A nwanana i lo kula, a ngangamukelana hi ntamu moyeni; zonake i wa hi le xiwuleni ku kala siku lego a nga huma ha gona xikari ka vaIsraeli. Xip. 2:40

Mateu 3:3

Hakuva hi yaloye a nga kanela ha yena muprofeti Isaya, aku ngalo: A gezu ga loye a bako hungu xiwuleni, giku: Longiselani a ndlela ya Hosi, Mahani magonzo ya yona ma lulama. Isa. 40:3; Mar. 1:3; Joh. 1:23

Mateu 3:1

Hi ka lawo masiku ku lota Johani Mubapatizi na a kanela xiwuleni xa Judia, Mar. 1:4, 15; Lu. 3:2, 3; Joh. 1:28

2 Kronekele 29:16

A vapristi va lo enghena lomu ndlwini ya Jehova va yi basisa; va lo humesa a chaka gontlhe gi kumekileko lomu ndlwini ya Jehova gita laha hubyeni ga yindlu ya Jehova, zonake a va ka Levi va lo gi teka va ya gi hoxa le handle le xicongwaneni xa Kidroni.

1 Tihosi 15:13

Hambu mamani wakwe Maaka i lo mu humesa ka wuzinza gakwe, hakuva i wa mahile a xifananiso xa Axtarte. Asa i lo khungumula a xifananiso xakwe a xi hisa le xicongwaneni xa Kidroni.

2 Samueli 15:22

Davida i te ngalo ka Itai: Suka hi famba! Zonake Itai a muGiti i lo suka a tlhatuka zinwe ni vontlhe vanhu vakwe, ni vanana vakwe vontlhe lava a nga hi navo.

2 Samueli 15:28

Mina nzi tshama mapelweni laha xiwuleni kala nzi kuma a gezu ga le ka nwina.

Jeremia 31:40

Ni nkova wontihe wa zirumbi ni wa khuma, ni masimu wontihe kala congweni wa Kidroni, ni ku chikela gwitsini ga Livati la mahaxi ngomama wuceni, zi ta basiselwa ka Jehova; ku nga ta ha runzuwulwa hambu ku khungumulwa kala kupinzuka.