2 Samueli 11:2 - Tshwa Bible

² Kute hi ginwani siku, laha gambyeni, Davida a vuka hi laha mubhedini wakwe, a fambafamba le hehla ka langwa la yindlu ya hosi, zonake na hi le langweni i lo wona a wasati na kari a hlamba; a wasati loye i wa sasekile nguvu.

2 Samueli 11:2 Referans Kwoze

Mateu 5:28

Kanilezi mina nziku ka nwina: Kani hi mani a cuwukako wasati a mu navela, i sina a bhayile naye mbilwini yakwe. Mav. 6:25

Tisimu 119:37

Hambukisa a mahlo ya mina lezaku ma nga cuwuki lezi zi nga nyawuliko, U nzi hanyisa tindleleni ta wena.

1 Johani 2:16

Hakuva zontlhe lezi zi nga laha tikweni: a kunavela ka nyama, ni kunavela ka mahlo, ni kutikulisa hi kota ya zilo za loku kuhanya, a ziti hi ka Dadani, kanilezi zita hi lomu tikweni.

Mitiro 10:9

Hi manziko wa kona, kota lezi va nga ha hi ndleleni, na va tshinela mutini, Pedro i lo kanziha hehla ka yindlu a ku ya khongela; ku wa hi hora ya wuntlhanu ni yinwe. Tis. 55:17; Xip. 11:5

Mavingu 6:25

A mbilu ya wena ngha yi nga naveli wumbhuri gakwe, e hambu ku kokiwa hi tisiyi takwe.

Joba 31:1

Mina nzi mahile xivumelwano zinwe ni mahlo ya mina; Lezaku nzi nga dzuki nzi cuwuka a nhwana. Mat. 5:28

1 Pedro 4:7

Kanilezi a kugumelwa ka zontlhe ku tshinele; hikwalaho ngha mu hi ni kupima ku nene, mu ti khoma lezaku mu zi kota ku khongela. Mat. 26:41; Rom. 13:12

Mavingu 31:30

A kusaseka ka khohlisa, ni wumbhuri ga hava; anilezi a wasati loyi a chavako Jehova hi yena a ta nga dzunziwa.

Deuteronome 22:8

Loku u aka yindlu ya yiswa u ta yi bhiyela langwa la kona, kasi u nga ti vekeli a nkhata lomu ndlwini ya wena, loku afa munhu hi kuwa lahasi.

Genesisi 3:6

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

Mateu 10:27

Lezi nzi mu byelako munyameni, zi wulawuleni kuwonekeleni; ni lezi zi hlebyiwako tindleveni ta nwina, banani hungu ha zona le hehla ka tiyindlu.

Jeremia 19:13

A tiyindlu ta Jerusalema, ni tiyindlu ta tihosi ta ka Juda, ti tava ni chaka kota a wutshamu ga Tofete, ti nga tiyindlu tontlhe leti ku hisilweko langweni ya tona a libani ka butho gontlhe ga tilo, laho va nyikeleko a minyikelo ya zakunwa ka vanwani vanungungulu.

Mavingu 19:15

A wulolo gi wisela munhu wurongweni; i muhefemulo wa lolo wu tazwa ndlala.

2 Samueli 4:7

Laha va nga enghena lomu ndlwini, va lo mu kuma na a ti nawule laha mubhedini wakwe, va si mu gwaza afa, va mu tsema nhamu va teka hloko yakwe va famba nayo wusiku gontlhe hi ndlela ya le Araba.

Genesisi 34:2

Xekemi a nʼwana Hamori a muHivi, a hosi ya tiko, i lo mu wona a mu teka, a etlela naye, a mu xakela.

Genesisi 6:2

a varisanyana va Nungungulu va lo wona a vanhwana va vanhu lezaku va sasekile; va lo va teka a kuva vasati vabye ka vontlhe lava va nga va hlawula.

2 Samueli 4:5

A vanana va Rimmoni a muBeerote, Rekabe na Baana, va lo ya enghena lomu ndlwini ya Ixboxete xikhatini lexi a mumu wu hisako, yena na a etlele a humuta.

1 Samueli 9:25

Laha va nga wa relele hi le wutshanwini gi tlakukileko vaya mutini, Samueli i lo wulawula na Saule na va hi le hehla ka yindlu.

Genesisi 39:6

Yena i lo veka zilo zontlhe a nga hi nazo canjeni ga Josefa, i wa nga ti karati ha nchumu, ntsena a kuga loku a nga waga. Josefa i wa hi lipswhitla.

Mateu 24:17

loye a nga hehla ka yindlu a nga ha chiki a ku ya teka lezi zi nga lomu ndlwini yakwe;

Genesisi 12:11

Laha a nga wa tshinela ku enghena Gipite, i te ngalo ka Sarai, a sati wakwe: Wa wona, nza zi tiva lezaku u mbhuri ya wasati.

Deuteronome 5:21

U nga naveli sati wa muakelane wa wena, u nga naveli a yindlu ya muakelane wa wena, hambu ni simu gakwe, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xihi xilo xa muakelane wa wena.

2 Samueli 13:1

Anzhako ka lezo Absalome nʼwana Davida i wa hi ni makabye wa mbhuri, a vito gakwe a nga hi Tamara. Amnoni nʼwana Davida i lo mu ranza.

2 Samueli 14:27

Absalome i wa pswele vafana vanharu ni nhanyana munwe a vitwako Tamara, a mbhuri ya wasati.

Mavingu 7:8

Na a famba hi ndlela, kusuhani ni gwitsi laha ku nga hi ni wasati loye, lo kongoma ndlwini yakwe,