2 Pedro 2:21 - Tshwa Bible

²¹ Hakuva ngha ku hi chukwana ka vona loku va wa nga tivangi a ndlela ya kululama, a ku hunza lezaku na va yi tivile va tlhelela nzhako, va tsika a xileletelo xo basa lexi va nyikilweko xona.

2 Pedro 2:21 Referans Kwoze

Ezekieli 18:24

Kanilezi loku a wakululama a tsika kululama kakwe a onha, a maha manyalataniso wontihe ya wakubiha, i ta hanya ke? A nga ta hlayelwa ni xinwe xa zimaho zi lulamileko lezi a zi mahileko. I tafa hi kota ya kuhluwuka kakwe ni zionho lezi a zi onhileko.

Jakobe 4:17

Loyi a tivako ku maha zinene, a nga zi mahi, i na ni xionho. Lu. 12:47; Joh. 9:41

Ezekieli 3:20

Kambe loku a munhu a lulamileko a huma kululameni kakwe, a maha kubiha, mina nzi ta veka zikhunguvanyiso mahlweni kakwe, afa. Hikuva u nga mu tlharihisangiko i ta fela xionhweni xakwe, ni zimaho zakwe zi lulamileko zi nga ha ta alakanyiwa; kanilezi a nkhata wakwe nzi ta wu lava canjeni ga wena.

Luka 12:47

A nanza legi gi tivako a kuranza ka hosi ya gona, gi nga longisi nchumu, hambu ni ku maha kota kuranza ka yona, gi ta xupulwa hi tirimbiri tinyingi; Mitse. 15:30; Deut. 25:2; Jak. 4:17

Johani 15:22

Loku nzi wa nga tangi, nzi ta kanela ka vona, ngha va nga hi na nanzu; kanilezi makunu a va hi na ku ti pendla kuonheni kabye. Xip. 9:41; Rom. 1:20

1 Va le Tesalonika 4:2

Hakuva ma yi tiva a milayo leyi hi nga mu nyika yona ha Hosi Jesu,

Johani 9:41

Jesu aku ngalo kabye: Loku mu wa hi zikhumu, ngha na mu nga hi na nanzu; kanilezi lezi mu nge ngalo: Ha wona; a kuonha ka nwina ku tshamile. Xip. 15:22, 24

Zefania 1:6

Ni lava va tlhelelako nzhako va fularela Jehova; ni lava va nga hlotangiko Jehova, va nga mu wutisi nchumu.

Mateu 21:32

Hakuva Johani i lota, a ta mu tivisa a ndlela ya kululama, a mu mu kholwangi; kanilezi a vahlengisi ni zibhayi va lo mu kholwa; hambu lezi mu nga zi wona, a mu hunzulukangi, kasi mu fela ku kholwa hi yena. Xip. 3:1; Lu. 3:12, 13

Mavingu 16:31

A hloko ya wuvu xidlodlo xa wudzunzo, i kumeka tindleleni ta kululama.

Va le Roma 7:12

Lezoke a nayo wu basile, ni kulaya ku basile, ku lulamile ni kusaseka, Tis. 19:8; 1 Tim. 1:8

Ezekieli 23:13

Nzi lo wona lezaku i ti nyenyezisile; hi wumbiri gabye va wa hi va hanyela ginwe.

Mavingu 12:28

Lomu ndleleni ya kululama ku na ni wutomi; i lomu ka tisoko ta kona a ku na kufa.

Tisimu 125:5

Kanilezi lava va hambukako tindleleni tabye ta kubiha, Jehova i ta va lobyisa zinwe ni vagohi. A kurula a kuve hehla ka Israeli! Gal. 6:16

Tisimu 85:8

Nzi tazwa lezi Jehova Nungungulu a to zi wula, Hakuva i ta wulawula kurula ka tiko gakwe ni ka vabasileko vakwe; Kanilezi ngha va nga ha tlheli wupumbyini.

Ezekieli 33:13

Loku nziku ka loyi a lulamileko; Futsi u ta hanya; loku a tsumba a kululama kakwe a maha kubiha, ni ximahwana xinwe xa kululama kakwe xi nga ta alakanyiwa; kanilezi i ta fela kugoheni kakwe loku a ku mahileko.

Va le Galatia 6:2

Rwalelanani minzhwalo; lezo mu tatisa a nayo wa Kristu. Joh. 13:14; Rom. 15:1

1 Timote 6:14

lezaku u gonga a kulaya loku, na u nga hi na bala ni kusoleka, yi kala yi wonekeliswa a Hosi ya hina Jesu Kristu, 1 Tes. 3:13

Maheberu 10:26

Hakuva loku hi onha ha womu anzhako ka kuva na hi tivile zinene, a wa ha hi kona a muphahlo wa zionho; Mitse. 15:30; 2 Ped. 2:20

2 Pedro 3:2

lezaku mu ehleketa a timhaka leti ti nga kanelwa kale hi vaprofeti vo basa, ni xileletelo xa Hosi tlhelo Muhanyisi lexi mu nyikilweko xona hi vapostoli va nwina. Juda 17

Juda 1:3

Varanzekako, kota lezi nzi pangamileko a ku mu tsalela hi mhaka ya kukholwa ka hina hontlhe, nzi yimelwe hi ku mu tsalela nzi mu khongotela lezaku mu lwela a kukholwa loku ku nyikilweko kanwe ka vobasa. Fil. 1:27; Tit. 1:4