2 Pedro 2:2 - Tshwa Bible

² Vanyingi va ta lanzela a mahanyela yabye ya wubhayi, lava a ndlela ya zinene yi ta nga wulawulwa hi kubiha hi kota ya vona.

2 Pedro 2:2 Referans Kwoze

Va le Roma 2:24

Ku tsalilwe ku ngalo: A vito ga Nungungulu ga rukatelwa xikari ka vamatiko hi kota ya nwina. 2 Sam. 12:14; Isa. 52:5

Juda 1:10

Kanilezi a vanhu lavo va rukatela zontlhe lezi va nga zi tiviko; ni lezi va zi pimako hi mahanyela, khwatsi hi zihari zi nga hiko na kupima, va ti lovisa ha zona. 2 Ped. 2:12

Kuvululelwa 13:14

Xi pengisa lava va akileko misaveni hi masingita lawa xi nyikilweko ntamu ku maha wona mahlweni ka xihari; xi byela a vaaki va misava lezaku va xi mahela a xifananiso a xihari lexi xi nga hi ni phanja ya supado, xi tlhela xi hanya. 2 Tih. 20:7; 2 Tes. 2:9; Xip. 19:20

Juda 1:15

a ku ta lamula vontlhe, yi kona vontlhe lava va nga chaviko Nungungulu hi kota ya mitiro yabye ya kubiha leyi va yi mahileko, yi tlhelisela a vaonhi hi kota ya magezu wontihe ya matshanza va yi rukateleko ha wona.

2 Pedro 2:15

Na va tsikile a ndlela yo lulama, va lo penga va lanzela a ndlela ya Balami nʼwana Beori, loyi a nga ranza a nzhiho wa ku maha kubiha; Mitse. 22:5, 21, 23

1 Pedro 2:12

mu hi ni mahanyela ma nene xikari ka vamatiko, lezaku lezi va mu hlevako ha zona, aku khwatsi mu vamahi va kubiha, va fela ku dumisa Nungungulu ha zona hi siku legi a ta nga va enzela, hi kota ya mitiro ya nwina yo saseka leyi va yi wonileko. Mat. 5:16; Fil. 2:15

Titusi 2:8

Ngha u nga soleki kuwulawuleni ka wena, kasi loyi a kanetako a fela ku koyo tingana, hi kuva a nga hi na zo biha a ku wula ha hina. Neh. 5:9; 1 Tim. 6:3

Mitiro 24:14

Hakunene nza vumela ka wena lezaku nzi khozela Nungungulu wa vadadani va hina hi ndlela leyi va yi wulako Kupenga; kanilezi nzi kholwa zontlhe lezi zi tsalilweko nayweni ni lomu ka mitsalo ya vaprofeti. Xip. 9:2; 26:22; 23:23; 2 Tim. 1:3

Mitiro 16:17

Yena i lo lanzela Paule na hina, a kanyuluka aku: A vavanuna lava malanza ya Nungungulu a nga Hehlahehla, lava va bako hungu ka nwina hi ndlela ya kuhanyiswa.

Mateu 24:24

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka. Deut. 13:1; Rom. 8:28; 2 Tim. 2:19

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1

2 Pedro 2:21

Hakuva ngha ku hi chukwana ka vona loku va wa nga tivangi a ndlela ya kululama, a ku hunza lezaku na va yi tivile va tlhelela nzhako, va tsika a xileletelo xo basa lexi va nyikilweko xona.

Titusi 2:5

vava va tlharihileko, va basileko, va ti tshamela makaya, va hi va nene, va ingisa a vanuna vabye, kasi a mhaka ya Nungungulu yi nga soliwi. Kol. 3:18

1 Timote 5:14

Hikwalaho nzi ranza lezaku a tinoni leʼta tiswa ti tekwa, ti beleka vana, va hlayisa tiyindlu tabye, va nga nyiki nala a xikhati xo hi rukatela. 1 Kor. 7:9; Tit. 2:8

Mitiro 19:9

Kanilezi laha a vanwani va nga ti nonohisa va nga ingisi, va wulawula kubiha hi Ndlela mahlweni ka xidlemo, yena i lo suka kabye zinwe ni vapizani, a ya gonzisa masiku ni masiku xikoleni xa Tirano. 2 Tim. 1:15; 2 Ped. 2:2; Juda 10

Mitiro 18:26

I lo sangula ku kanela hi kutiya sinagogeni. Kanilezi laha Prisila na Akwila va nga mu zwile, va lo mu yisa kaya kabye, va ya mu tlhamusela khwatsi a ndlela ya Nungungulu.

Mitiro 14:2

Kanilezi a vaJuda lava va nga kala ku kholwa va lo vindlukisa a vamatiko, lezaku a timbilu tabye ti zangarela a vamakabye.

Mitiro 13:10

aku ngalo: Wena loyi u teleko hi kukanganyisa kontlhe ni wuchunguhungu, wena nʼwana wa Diabolus, u nga nala wa zontlhe lezi zi lulamileko, xana u nga ta tsika ku hambukisa a tindlela ti lulamileko ta Hosi ke?

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Marku 13:22

Hakuva ku ta huma vaKristu va mawunwa, ni vaprofeti va mawunwa; va ta maha zirewukiso ni zihlamaliso, kasi va fela ku pengisa ni vahlawulilweko loku zi koteka.

Marku 12:14

Va lota, va taku kakwe: Mugonzisi, ha zi tiva lezaku u wula zinene, a ku chavi munhu, hakuva a ku cuwuki a xiyimo xa vanhu, kanilezi u gonzisa a ndlela ya Nungungulu hi zinene. Xana zi fanele ku yisa nzhuvo ka Kesari, kutani a hi zona ke? Hi luva, kutani hi nga luvi ke?

Mateu 22:16

Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.

Mateu 7:14

Kanilezi a nyangwa ya wutomi yi hlonganile, ni ndlela yi yako kona yi khumile, mbatsongwani lava va yi kumako.

Tisimu 18:21

Hakuva nzi hlayisile a tindlela ta Jehova, A nzi onhangi nzi fularela a Nungungulu wa mina;

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8

2 Pedro 2:12

Kanilezi lava va ta dawa khwatsi hi zihari zi nga hiko na kupima, zivangwa zi pswalilweko kasi ku khonʼwa zi lobyiswa, na va rukatela lezi va nga zi tiviko, va ta lova kuboleni kabye, Jer. 12:3

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Genesisi 19:5

va lo vitana Loti vaku kakwe: Va kwihi a vavanuna lava va enghenileko ka wena wusiku legi ke? va humese kasi ha va tiva ba. Isa. 3:9; Rom. 1:27

Mitiro 22:4

Nzi wa hi muxanisi wa Ndlela leyi nzi lava ku yi daya, nzi boha vavanuna ni vavasati nzi va yisa paxweni. Xip. 8:3; Fil. 3:6; 1 Tim. 1:13

2 Pedro 2:7

Kanilezi i lo hlanguta Loti loyi a lulamileko, loyi a nga xaniseka hi kota ya mahanyela ya wubhayi ga vakubiha. Gen. 19:16

2 Pedro 2:18

Hakuva hi ku wulawula a timhaka ta matshanza leti ti nga nyawuliko, va xengetela hi kunavela ka nyama ni wubhayi, a vanhu lava va ha ponako ka lava va hanyako kuhambukeni; Miti. 2:40; Juda 16

Juda 1:4

Hakuva ku enghenile vanhu vo kari hi xihundla, lava ku tsalilweko kale ha vona lezaku va ta koneka kulamulweni, mbanhu va nga chaviko Nungungulu, va hunzula tipswalo ta Nungungulu wa hina va ti yisa wubhayini va kaneta loyi a nga yena Nwinyi wa hina ni Hosi, Jesu Kristu. Rom. 9:21; 2 Ped. 2:10; 1 Joh. 2:22

Juda 1:7

Kota Sodoma ni Gomora ni miti ya kona, leyi yi nga ti nyikela wubhayini, ni ku lanzela nyama ya hava, yi yimisilwe a kuva xikombiso, yi tsayiswa hi nzilo wa pinzukelwa.