2 Pedro 2:18 - Tshwa Bible

¹⁸ Hakuva hi ku wulawula a timhaka ta matshanza leti ti nga nyawuliko, va xengetela hi kunavela ka nyama ni wubhayi, a vanhu lava va ha ponako ka lava va hanyako kuhambukeni; Miti. 2:40; Juda 16

2 Pedro 2:18 Referans Kwoze

2 Pedro 2:20

Hakuva loku va ponile a kunyenyezeni ka tiko, hi ku tiva a Hosi ni Muhanyisi Jesu Kristu, zonake va engeta va phaswa ha kona va hlulwa, a tshamela gabye go gumesa gi bihile ku hunza legi go ranga. Mat. 12:45; Maheb. 10:26

2 Pedro 1:4

Yena i lo hi nyika a zitsumbiso zakwe za malongo lezi zi nga za hombe nguvu, lezaku ha zona mu fela kuva zihlengeli za xiyimo xa wuNungungulu, na mu ponile kuboleni loku ku nga kona laha misaveni hi kota ya kumbilukela. 2 Kor. 3:18; 7:1; 1 Joh. 3:2

Va le Roma 13:13

A hi fambeni hi fanelo, khwatsi hi laha hlikanhini; na ku nga hi wudakwa ni kupopiwa, ni wuoswi, ni manyala, ni kuholovisana, ni wukhuxu. Fil. 4:8; Jak. 3:14

Jakobe 5:5

Nwina mu hanyile hi malongo misaveni, mu ti tsakisa; mu nonisile a timbilu ta nwina a sikwini ga kutlhabyiwa. Am. 6:1, 4; 1 Tim. 5:6

2 Va le Tesalonika 2:4

loyi a vukelako ni ku ti kulisa hehla ka zontlhe zi vitwako mingungulu, ni zontlhe lezi zi khozelwako; a kala a ya tshama tempeleni ya Nungungulu, a ti wula lezaku i Nungungulu. Isa. 14:13; Ezek. 28:2; Dan. 11:36; 1 Kor. 8:5

Kuvululelwa 13:11

Zonake nzi lo wona xinwani xihari xi huma misaveni; xi hi ni timhonzo timbiri to fanana ni ta yivana, xi lo wulawula khwatsi hi drako.

Juda 1:13

va hi mabyandlati ma gobhozako ya bimbi, lawa ma pupumako a khuvi ga tingana tabye; va hi tinyeleti ti nzulanzulako, leti ti vekelweko a munyama wo tshisa kala kupinzuka. Isa. 57:20; 2 Ped. 2:17

Mitiro 8:9

Kanilezi ku wa hi kona a munhu wo kari lomu mutini, a nga hi Simoni a vito gakwe, loyi a nga hi mungoma, a hlamalisa a vanhu va Samaria, a ti wula lezaku yena i munhu wa hombe. Xip. 5:36

Mitiro 2:40

I lo va khongotela hi timhaka tinwani to tala, a va luleka, aku: Ti poniseni xizukulwaneni lexi xi gombonyekileko.

Danieli 11:36

A hosi yi ta maha kuranza ka yona; yi ta ti kukumukisa yi ti kulisa hehla ka vanungungulu vontlhe; yi ta wulawula tinzhukano ti hlamalisako hi Nungungulu wa vanungungulu. Yi ta humelela kala kugumeseni ka xikhati xa zanga, hakuva lexi xi yimisilweko xi ta maheka. 2 Tes. 2:4; Kuv. 13:5

Danieli 4:30

A hosi yi lo wulawula yiku: Hi gona a Babuloni ga hombe, nzi gi akileko hi ntamu wa mina wa hombe, kasi giva wuakelo ga hosi, gi kulisa a wukulu ga mina.

Va le Efesusi 4:17

Nzi laya ni ku tiyisa Hosini, nziku: Ngha mu nga ha fambi kota vamatiko, lava va fambako maalakanyweni yabye ya hava,

2 Pedro 2:2

Vanyingi va ta lanzela a mahanyela yabye ya wubhayi, lava a ndlela ya zinene yi ta nga wulawulwa hi kubiha hi kota ya vona.

2 Pedro 2:7

Kanilezi i lo hlanguta Loti loyi a lulamileko, loyi a nga xaniseka hi kota ya mahanyela ya wubhayi ga vakubiha. Gen. 19:16

2 Pedro 2:14

Va na ni mahlo ma teleko hi wubhayi, a va kolwi hi kuonha. Va kucetela a mihefemulo leyi yi nga tiyangiko. A timbilu tabye ti tolovela a mahlokoti; a vanana va rukatelweko.

2 Pedro 3:17

Hikwalaho, varanzekako, kota lezi mu byelilweko zilo lezi na zi nga se ku maheka, tlharihani, mu nga dzuka mu kokiwa hi zihambuko za vakubiha, mu retemuka kutiveni ka nwina. Mar. 13:23; Efe. 4:14

1 Tihosi 13:19

Zinghaho a munhu wa Nungungulu i lo tlhela naye, a yaga zakuga ni kunwa mati lomu ndlwini yakwe.

Ezekieli 35:13

Mu ti kulisile ka mina hi milomu ya nwina, mu nzi tatela timhaka ta ku nzi vukela; nzi zi zwile.