2 Pedro 2:13 - Tshwa Bible

¹³ va lahlekelwa hi nzhiho lowu va nga wu tirela hi ku maha kubiha. Va alakanya lezaku litsako ku maha wudakwa laha hlikanhini. Va hi mahala ni makhwanga, va lonzola mibuzweni yabye ya liranzo loku va kari vaga na nwina. Rom. 13:13; Fil. 3:19; Juda 12

2 Pedro 2:13 Referans Kwoze

Va le Roma 13:13

A hi fambeni hi fanelo, khwatsi hi laha hlikanhini; na ku nga hi wudakwa ni kupopiwa, ni wuoswi, ni manyala, ni kuholovisana, ni wukhuxu. Fil. 4:8; Jak. 3:14

1 Pedro 4:4

Hi lezi va hlamalako ha zona loku mu nga ha tsutsumi navo nzhopeni ya wuoswi, zonake va mu hleva. Miti. 13:45

Va le Filipi 3:19

A kugumelwa kabye hi kulova; a nungungulu wabye hi xingwengwe, va ti dzunza hi lezi zi nga tingana tabye, va khatalela a zilo za misava ntsena.

Va le Efesusi 5:27

lezaku a fela ku gi yimisa mahlweni kakwe na gi hi bandla ga kungangamela, gi nga hi na hala ni nkonyi, hambu xilo xinwani xa kunghaho; kanilezi giva legi gi basileko gi nga hiko na kusoleka.

Kuvululelwa 18:6

Mu tlheliseleni kota lezi yena a nga tlhelisela, mu mu engeta kumbiri hi ku ringanisa ni mitiro yakwe; ni ku mu chela kumbiri gombeni legi a nga chela ha gona. Tis. 137:8; Jer. 50:15, 29

2 Pedro 2:15

Na va tsikile a ndlela yo lulama, va lo penga va lanzela a ndlela ya Balami nʼwana Beori, loyi a nga ranza a nzhiho wa ku maha kubiha; Mitse. 22:5, 21, 23

2 Timote 4:14

Alexandro, a mufuli wa suku, i i nzi mahele makhombo yo tala; a Hosi yi ta mu tlhelisela kota mitiro yakwe. 2 Sam. 3:39; Tis. 28:4; Miti. 19:33; 1 Tim. 1:20

Isaya 3:11

Khombo ka wakubiha! i tava ni khombo hakuva i ta nyikiwa a nchachazelo wa mitiro yakwe.

Xizimba xa ka Solomoni 4:7

Xiranzwa xanga, u sasekile nguvu, A ku na bawa ni gitsongwani.

Jakobe 5:5

Nwina mu hanyile hi malongo misaveni, mu ti tsakisa; mu nonisile a timbilu ta nwina a sikwini ga kutlhabyiwa. Am. 6:1, 4; 1 Tim. 5:6