2 Pedro 1:21 - Tshwa Bible

²¹ Hakuva cima a ku na kuprofeta loku ku tileko hi kuranza ka munhu; kanilezi vanhu na va susumetilwe hi Moya wa ku Basa va lo kanela lezi zi nyikilweko vona hi Nungungulu. Lu. 1:70; Miti. 1:18; 2 Tim. 3:18

2 Pedro 1:21 Referans Kwoze

1 Pedro 1:11

na va lavisisa lezaku xikhati muni, kutani xi tava xa kuyini a xikhati lexi xi nga kombiwa hi Moya wa Kristu lowu wu nga hi ka vona, laha wu nga kustumunya hi mahlweni hi zixaniso za Kristu, ni kungangamela loku ku ta nga lanzela hi lenzhako. Isa. 53:3; Dan. 9:26; 2 Ped. 1:21

Luka 1:70

Kota lezi a nga tsumbisa kaleloko hi milomu ya vaprofeti vakwe vo basa,

2 Samueli 23:2

A Moya wa Jehova wu wulawulile ha mina, A mhaka yakwe yi lomu lirimini la mina. Mat. 22:43; 2 Ped. 1:21

Mitiro 1:16

Vamakabye, zi wa lavekile lezaku a Mutsalo wu tatiseka, lowu Moya wa ku Basa wu nga profeta hi kale hi nomu wa Davida ha Judasi, loyi a nga wa hi murangeli wa vona lava va nga khoma Jesu. Tis. 41:9; Joh. 18:3

Maheberu 10:15

Na wona Moya wa ku Basa kambe wa hi mahela wukustumunyu; hakuva anzhako ka kuva na wu wulile ku ngalo:

Mitiro 3:18

Kanilezi Nungungulu i zi tatisile lezo, lezi a nga zi tivisile kale hi milomu ya vaprofeti vontlhe, lezaku, Kristu wakwe i ta xaniseka. Tis. 22; Isa. 50:6; 53:5; Dan. 9:26; 1 Ped. 1:10

Marku 12:36

Kasi Davida i wulile hi Moya wa ku Basa, aku: Hosi yi te ngalo ka Hosi ya mina, Tshama hi le reveni ga mina ga xinene, Kala nzi veka a valala va wena a kuva xikhegetelo xa mikonzo ya wena. 2 Sam. 23:2; Tis. 110:1

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9

Maheberu 3:7

Hikwalaho, kota lezi wu wulako a Moya wa ku Basa, wuku: Nyamutlha loku muzwa a gezu gakwe, Tis. 95:7

Mitsengo 16:28

Zonake Mosi aku ngalo: Hi ka lexi mu ta zi tiva lezaku Jehova i nzi rumile ku maha zontlhe lezi, ni lezaku lezi zilo a zi humi mbilwini ya mina.

Mitiro 28:25

Laha va nga kala va nga zwanani, va lo suka loku Paule a va byelile a mhaka leyi yi nge ngalo: I wulawulile khwatsi a Moya wa ku Basa hi muprofeti Isaya ka vararu va nwina, aku:

1 Tihosi 17:18

Zonake loyi wasati i te ngalo ka Elija! I mhaka muni nzi nga nayo na wena munhu wa Nungungulu? Kasi u tile laha a ku ta nzi alakanyisa zionho za mina ni ku ta daya nwananga ke? Lu. 5:8

Maheberu 9:8

A Moya wa ku Basa wu kombisa hi lezi, lezaku a ndlela ya ku enghena lomu Wutshanwini go Basabasa a yi se ku vululiwa, a tabernakeli go ranga na ga ha yimile. Joh. 14:6

1 Tihosi 13:1

Makunu laha Jeroboamu a nga wa yimile laha alatini a hisa libani, ku lota a munhu wa Nungungulu hi le tikweni ga ka Juda, ata Beteli na rumiwa hi Jehova.

Joxua 14:6

Zonake a vanana va ka Juda va lo tshinela ka Joxua le Gilgale, na Kalebi nʼwana Jefuna a muKenezi, i te ngalo ka yena: Wena wa zi tiva lezi Jehova a wulileko ka Mosi, a munhu wa Nungungulu, xungetano ha mina, ni xungetano ha wena le Kadexi-Barnea.

Mika 3:7

A zitumbe zi tawa tingana, a vangoma va ta kanganyiseka; vontlhe va ta vala milomu, hakuva ku hava hlamulo wu tako hi ka Nungungulu. Levi 13:45

2 Kronekele 8:14

Kota kuleletela ka raru wakwe Davida i lo yimisa a mitlawa ya vapristi mitirweni yabye, ni vaLevi mitirweni yabye, a ku dumisa Jehova ni ku maha mitiro yabye mahlweni ka vapristi siku ni siku; i lo yimisa ni vahlayisi va tinyangwa hi mitlawa yabye, ka nyangwa yinwe ni yinwani, hakuva Davida a munhu wa Nungungulu i lo leletela zalezo.

2 Tihosi 6:15

Laha a nanza ga munhu wa Nungungulu gi nga wa vukile ni mixo gi huma lahandle, gi lo wona a yimpi na yi ranzele a muti na yi hi ni mahaxi ni tikareta. A nanza gakwe giku: Hosi yanga, hi ta maha yini?

2 Tihosi 6:10

A hosi ya ka Israeli yi lo rumela a vanhu va yona ka wutshamu lego a munhu wa Nungungulu a mu byelileko a kuva a ti wonela. I lo ponisa wutsumbu gakwe, na ku nga hi khati ginwe kutani mambiri.

1 Tihosi 17:24

A wasati i te ngalo ka Elija: Makunu nza zi tiva lezaku wena u munhu wa Nungungulu, ni lezaku gi tiyile a gezu ga Jehova, gi nga lomu nonwini wa wena.

1 Kronekele 23:14

Kanilezi a vana va Mosi, a munhu wa Nungungulu, va hlayilwe lomu ka nyangwa ya ka Levi.

2 Tihosi 4:22

I lo vitana a nuna wakwe, aku: Nzi rumele a munwe wa malanza zinwe ni mbongola, kasi nza fela ku tsutsuma nziya ka munhu wa Nungungulu, nzi ta tlhela nzi wuya kambe.

2 Tihosi 4:9

A wasati aku ka nuna wakwe: Nza zi tiva lezaku a munhu loyi a hambukako laha ka hina wontihe masiku, munhu wa Nungungulu.

Deuteronome 33:1

Lexi hi xikatekiso xa Mosi, a munhu wa Nungungulu, lexi a nga katekisa ha xona a vanana va ka Israeli na a nga se kufa, aku:

2 Tihosi 4:7

Zonake i lo suka a ya tivisa a munhu wa Nungungulu; yena aku: Famba u ya xavisa mafura lawo, u riha a nanzu wa wena; lawa ma salako u ta hanya ha wona ni vana va wena.

Jeremia 23:26

Xana lezi zi tava kona kala rini lomu timbilwini ta vaprofeti va profetako a mawunwa ke? lava va profetako a wukhohlisi ga timbilu tabye wutsumbu?

Ezekieli 1:3

a gezu ga Jehova gi lota ka mupristi Ezekieli, nʼwana Buzi, lomu tikweni ga maKaldea, laha congweni wa Kebare; ni canja ga Jehova gi wa hi hehla ka yena.

Mika 1:1

A mhaka ya Jehova leyi yi tileko ka Mika wa le Moraxte, masikwini ya Jotamu, na Ahazi, na Hezekia, a tihosi ta ka Juda, leyi a nga nyikwa xungetano na Samaria na Jerusalema.