2 Pedro 1:12 - Tshwa Bible

¹² Hikwalaho nzi ta simamisa nzi mu alakanyisa hi timhaka leti, hambu lezi mu ti tivako, mu sinako mu yimisilwe zineneni lezi mu nga nazo. Fil. 3:1; 1 Ped. 5:12

2 Pedro 1:12 Referans Kwoze

1 Johani 2:21

Nzi mu tsalele, na ku nga hi lezaku mo kohlwa hi zinene, hakuva ma zi tiva, mu tiva ni lezaku a wunwa a gi humi lomu zineneni.

Va le Filipi 3:1

Vamakabye, hi kugumesa nzi ngalo: Tsakani Hosini! A nzi karali mina ku mu tsalela timhaka twaleti, hakuva za mu vuna.

Va le Kolosi 2:7

mu zima mitsu ka yena, ni ku akiwa ka yena, mu tiyiswa kukholweni, kota lezi mu nga gonziswa, mu tala hi ku bonga Nungungulu.

Juda 1:5

Makunu nza ranza ku mu alakanyisa, hambu lezi mu sinako mu tiva a mhaka ya kona, lezaku laha a Hosi na yi hanyisile a vanhu va yona, yi va humesa tikweni ga Gipite, yi tlhelile yi lovisa lava va nga kholwiko. Mitse. 14:29; 1 Kor. 10:9

2 Johani 1:2

Ha va ranza hi kota ya zinene lezi zi tshamileko ka hina, lezi zi ta nga tshama ka hina kala kupinzuka.

2 Pedro 1:13

Mina nza alakanya lezaku zi lulamile, loku nza ha hi ka lowu xaxa, a kuva nzi mu vuxa hi ku mu alakanyisa. 2 Kor. 5:1, 4

Juda 1:17

Kanilezi nwina, varanzekako, alakanyani a timhaka leti ti nga kanelwa a kale hi vapostoli va Hosi ya hina Jesu Kristu;

Juda 1:3

Varanzekako, kota lezi nzi pangamileko a ku mu tsalela hi mhaka ya kukholwa ka hina hontlhe, nzi yimelwe hi ku mu tsalela nzi mu khongotela lezaku mu lwela a kukholwa loku ku nyikilweko kanwe ka vobasa. Fil. 1:27; Tit. 1:4

2 Pedro 3:17

Hikwalaho, varanzekako, kota lezi mu byelilweko zilo lezi na zi nga se ku maheka, tlharihani, mu nga dzuka mu kokiwa hi zihambuko za vakubiha, mu retemuka kutiveni ka nwina. Mar. 13:23; Efe. 4:14

2 Pedro 3:1

Varanzekako, legi i papilo ga wumbiri nzi mu tsalelako gona; hi wumbiri ga wona nzi vuxa a kupima ka nwina loku ku basileko hi ku mu alakanyisa,

2 Pedro 1:15

Ina, nzi ta pinyama ha zona kasi ni ka xihi xikhati anzhako ka kuva nzi file mu ta zi kota ku alakanya timhaka leti.

1 Pedro 5:12

Mina nzi tsalile a timhaka leti ti tsongwani ha yena Silvanusi, a nakulori a tsumbekileko hi kuwona ka mina, kasi ku mu khongotela ni ku maha wukustumunyu lezaku a tipswalo ti nene ta Nungungulu hi leti. Yimani muku nde ka tona. 1 Kor. 15:1; 2 Kor. 1:19

1 Pedro 5:10

A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21

Maheberu 13:9

Mu nga pengiswi hi tixaka ti tsalangeneko ta tigonzo leti ti nga tibyiwiko; hakuva zi sasekile loku a mbilu yi tiyiswa hi tipswalo, na ku nga hi zakuga, lezi zi nga vuniko nchumu lava va zi tsumbako. Rom. 14:17; Efe. 4:14

Maheberu 10:32

Kanilezi alakanyani a masiku ya kale, anzhako ka kuya na mu woningilwe, lawo mu nga timisela ka wona a kulweni ka hombe ka kuxaniseka; Gal. 3:4; Kol. 2:1

2 Timote 1:6

Hi kota ya lezo nza ku alakanyisa ku hlanganyeta a zinyikiwo xa Nungungulu, lexi u nga naxo hi kota ya kutlhatekwa mandla ya mina. Ekso. 35:26; 1 Tim. 4:14

1 Timote 4:6

Loku u byela a vamakabye timhaka leti, u tava nanza gi nene ga Kristu Jesu, legi gi wundlilweko timhakeni ta kukholwa, ni ka gonzo yi nene leyi u yi lanzeleko. 2 Tim. 3:14

Mitiro 16:5

Zinghaho a mabandla ma lo tiyiswa kukholweni, ni ziro za wona zi engetelana masiku ni masiku.

Va le Kolosi 1:5

hi keta ya kutsumba loku ku vekelweko nwina le matilweni. Kale na mu zwile hi kutsumba loku a mhakeni ya zinene ya ivangeli, Mat. 5:12; 2 Tim. 4:8; 1 Ped. 1:4