1 Timote 6:20 - Tshwa Bible

²⁰ O Timote, gonga lezi zi vekilweko ka wena, u ala a kubyabyatsa ka hava ni kukanetana loku ku vitanwako aku wutlhari na gi nga hi gona;

1 Timote 6:20 Referans Kwoze

Va le Kolosi 2:8

Ti woneleni lezaku a munhu a nga dzuki a mu koka hi tigonzo ta wutlhari ga hava hi ku lanzela a mikhuwo ya vanhu, ni mintamu yo sangula ya misava, na ku nga hi ka Kristu. Jer. 29:8; Mat. 15:2; Maheb. 13:9

2 Timote 2:16

Kanilezi nyenya a mafenya lawa ya hava, hakuva lava va wulako wona va taya mahlweni hi kungakholwi. Tit. 1:14

Va le Kolosi 2:18

Mu nga vumeli munhu a ku mu wutlela a nchachazelo wa nwina, hi kutikoramisa ka hava ni ku khozela tingelosi, a ti kulisa hi kota ya ziwoniso zakwe, a ti kukumukisa hava hi kupima kakwe ka nyama,

Va le Roma 3:2

Ina, va bhinzula hi matlhelo wontihe. Hi kusangula hilezi va nga yimiswa a kuva vahlayisi va timhaka ta Nungungulu. Deut. 4:7

1 Timote 6:14

lezaku u gonga a kulaya loku, na u nga hi na bala ni kusoleka, yi kala yi wonekeliswa a Hosi ya hina Jesu Kristu, 1 Tes. 3:13

2 Va le Tesalonika 2:15

Hikwalaho, vamakabye, yimani muku nde, mu khomisisa a gonzo leyi mu nga gonziswa yona, kutani hi nomu, kutani hi papilo ga le ka hina. 1 Kor. 11:2

Titusi 3:9

Kanilezi nyenya timhaka ta wupumbu, ni mabhuku ya ziloso, ni kukanetisana ni kulwa hi kota ya nayo, hakuva a zi na bhinzu, a zi vuni nchumu. 1 Tim. 1:4; 2 Tim. 2:23

2 Timote 2:1

Wena-ke, nwananga, ngha uva ni ntamu tipswalweni leti ti nga ka Kristu Jesu. Efe. 1:19; 3:16; 6:10; Kol. 1:11; 1 Tim. 1:2

1 Timote 1:11

ya ivangeli ya kungangamela ka Nungungulu loyi a bongekako, leyi nzi nyikilweko yona a kuva nzi yi hlayisa.

2 Va le Tesalonika 1:4

laha ka kuva hina hi ti tlakusa ha nwina mabandleni ya Nungungulu, hi kota ya kutimisela ni kukholwa ka nwina kuxanisekeni kontlhe ka nwina, ni mihlomulweni leyi mu yi zwako. 2 Kor. 7:14; 1 Tes. 1:3; 2:14

Titusi 1:14

na va nga cheli kota hi mitsheketo ya vaJuda, ni zileletelo za vanhu lava va hambukileko zineneni. Mat. 15:9

Titusi 1:9

loyi a namarelako ka mhaka yi tsumbekako ya gonzo, kasi a fela ku zi kota ku luleka hi gonzo leyi yi hanyisako, ni ku kada lava va kanetako. 1 Tim. 1:10

1 Timote 6:11

Kanilezi wena munhu wa Nungungulu, potsoloka lezi zilo, u hlota kululama, a kukhozela Nungungulu, a kukholwa, a liranzo, a kutimisela, ni kurula. Deut. 33:1

1 Timote 4:7

Kanilezi ala a mafenya ni mitsheketo ya vavasati va kale. Ti tolovete a kuhanya ka kukholwa.

1 Timote 1:6

A vanwani va hambukile ka lezi zilo, va lanzela a timhaka ti nga nyawuliko,

1 Timote 1:4

ni lezaku va nga khataleli tikaringani ni ku lanzelela ziloso zi nga hetekiko, lezi zi vangako kukanetisana, loku ku nga vuniko a ntiro wa Nungungulu lowu wu nga wa kukholwa.

1 Va le Korinte 3:19

Hakuva a wutlhari ga misava, mbupumbu ka Nungungulu. Hakuva ku tsalilwe ku ngalo: Yena loyi a khomako a titlhari manweni ya tona; Joba 5:13

Mitiro 17:21

Hakuva vontlhe va le Atensi, ni vamatiko va nga wa luvele kona, va wa nga mahi nchumu, sine ku hlawutela kutani ku ingisa a timhaka tiswa.

Mitiro 17:18

Ni titlhari to kari ta gonzo ya vaEpikure ni ya vaStoike ti kanetisana naye. Vanwani vaku ngalo: I lava ku wula yini a mubyabyatsi loyi ke? A vanwani vaku: I khwatsi mukaneli wa vanungungulu va le matikweni. Va lo wula lezo hilezi a nga kanela hi Jesu ni kuvuka ka vafileko.

Kuvululelwa 3:3

Hikwalaho alakanya lezaku u yi amukelisile kuyini niku u yi zwisile kuyini a mhaka, u yi hlayisa, u hunzuluka. Hikwalaho loku u nga vuki u hanyanya, nzi tata kota khamba, u nga ta xi tiva a xikhati lexi nzi ta nga ku tela ha xona. Mat. 24:42; 1 Tim. 6:20; 2 Tim. 1:13

Titusi 1:4

Mina Paule nza rungula Titusi, a nwananga hizinene a kukholweni loku hi nga nako hi wumbiri ga hina, nziku: A tipswalo ni kurula a zive na wena, na zi huma ka Nungungulu Dadani na Kristu Jesu a Muhanyisi wa hina. 2 Kor. 2:13; Gal. 2:3

1 Va le Korinte 2:6

Ahembalokoke, hina ha wulawula a wutlhari xikari ka lava va mbheleleko; kanilezi na ku nga hi wutlhari ga nguva leyi, hambu ni ga tihosi ta nguva leyi leti ti hunzako. Efe. 4:13; Jak. 3:15

Va le Roma 1:22

Na va ti wula lezaku va tlharihile, va lo maha maphuphulu. Jer. 10:14

Mitiro 16:1

Zonake i lo chikela le Derbe ni le Listra. Laho ku wa hi kona a mupizani wo kari, a vitwako Timote, loyi a nyine wakwe a nga hi muJuda a kholilweko, kanilezi a raru wakwe i wa hi muGreki. Xip. 14:6; Rom. 16:21; Fil. 2:19

1 Timote 1:2

nza ku rungula Timote nwananga hi zinene kukholweni, nziku: A tipswalo ni wuxinji ni kurula a zive na wena, lezi zi tako hi ka Nungungulu Dadani na Kristu Jesu a Hosi ya hina. Miti. 16:1; 1 Kor. 4:17

1 Timote 1:9

na a zi tiva lezaku a nayo a wu vekelwangi munhu a lulamileko, kanilezi wu vekelwe a zihunza-milayo ni va nga ingisiko, lava va nga chaviko Nungungulu, ni vaonhi, ni lava va nga basangiko, ni lava va wulawulako tihlamba, a vadayi va vararu vabye ni vamamani vabye, ni vadayi va vanhu, Gal. 3:19