1 Timote 6:17 - Tshwa Bible

¹⁷ Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.

1 Timote 6:17 Referans Kwoze

Mitiro 14:17

Hambu lezo a nga vumalangi Wukustumunyu ka wona, hakuva i lo maha kusaseka, a mu nyika vula hi le tilweni ni tinguva ta mihanzu, a mu anzisela zakuga, a tatisa timbilu ta nwina hi kutsaka. Deut. 11:14; Levi 26:4; Mat. 5:45

Mavingu 11:28

Loyi a tsumbako wukosi gakwe i tawa; anilezi a valulamileko va anza kukotisa liravi.

1 Timote 4:10

Hi xona xigelo xa kutira ka hina ni kulwa, hakuva hi tsumbile a Nungungulu a hanyako, loyi a nga Muhanyisi wa vanhu vontlhe, nguvunguvu lava va kholwako.

Mateu 19:23

Jesu i te ngalo ka vapizani vakwe; Hizinene nziku ka nwina: Za nonoha ka munhu a fumileko ku enghena mufunweni wa le tilweni. Mar. 10:24; 1 Kor. 1:26

Mavingu 27:24

Hakuva a wukosi a hi ga kala kupinzuka, i xidlodlo xa wuhosi a hi xa zontlhe zizukulwana.

Titusi 2:12

ti hi gonzisa ku tsika lezi zi nga lulamangiko ni kunavela ka misava, hi hanya ka nguva leyi hi kutikhoma ni kululama hi chava Nungungulu; Lu. 1:75

Va le Kolosi 3:16

A mhaka ya Kristu a yi tshame yi anza ka nwina; gonzisanani hi wutlhari gontlhe, mu khongotelana hi tixangu ni tisimu ni zizimba za moya, na mu bonga Nungungulu hi tisimu timbilwini ta nwina. Jer. 15:16; Efe. 5:19; Xip. 4:6

Luka 19:2

Laho ku wa hi ni wanuna a vitwako Zakeu, a nga hi hosi ya vahlengisi; i wa fumile.

Mavingu 30:9

Nzi nga taku laha na nzi xure nzi ku kaneta, ziku: Himani Jehova? ambu kutani loku nzi hi xisiwana, nzi yiva, zi hlakana hi vito ga Nungungulu wa mina.

Deuteronome 8:17

U nga wuli mbilwini ya wena ku ngalo: A ntamu wa mina ni canja ga mina ga ntamu gi nzi fumisile.

Va le Roma 11:20

Kunenewe, ma phatlulwe hi kota ya kungakholwi kabye, na wena u yimile hi kukholwa ka wena. U nga ti kukumukisi, kanilezi chava. Xip. 12:16; Fil. 2:12

Hosea 13:6

Va xurile wuriselweni gabye; loku va xurile a timbilu tabye ti lo kukumuka, va nzi rivala. Deut. 8:12; 32:15

Jeremia 2:31

Nwina va xizukulwana lexi, ingisani a mhaka ya Jehova! Xana nzi wa hi tiko ga xiwula a ka Israeli ke? Kutani kuva tiko ga munyama? Hikuyini a vanhu va mina vaku: Hi tlhatlhekile, Hi nga ta engeta hita ka wena.

Mavingu 23:5

U ta cuwukela lezi zi hunzako ke? akuva a wukosi ga mila tipapa, i puruma kukotisa gama giya tilweni.

Tisimu 104:28

Loku u zi nyika, za wungeletela, U vulula canja ga wena, zi xura hi malongo. Mat. 6:26

Tisimu 62:10

Mu nga tsumbi tihanyi, Ge hambu ku ti kulisa hi wukhamba; Loku kufuma ku enzeleka, mu nga zi khataleli. Joba 31:24; Lu. 12:16; 1 Tim. 6:17

Tisimu 52:7

Hi nga wona munhu loyi a nga tekangiko Nungungulu a kuva khokhola gakwe, A tsumba ntsena a wunyingi ga titshomba takwe, A ti tiyiseta lomu kubiheni kakwe.

2 Kronekele 26:16

Makunu laha a nga wa hi ni ntamu, a mbilu yakwe yi lo ti kukumukisa kala a huma zineneni; i lo onhela Jehova Nungungulu wakwe hi ku enghena lomu tempeleni ya Jehova a hisa libani laha alatini ga libani.

Deuteronome 33:15

Ni mihanzu yo nanziha ya zitsunga za kale, Ni malongo ya zitsunga za kala kupinzuka,

Genesisi 13:2

Na Abrama i wa fumile nguvu hi tihomu, ni siliva, ni nzalama.

2 Timote 4:10

hakuva Demasi i nzi tsikile, kota lezi a ranzako za nguva leyi, i yile Tesalonika; Kreseke i yile Galatia, na Titusi i yile Dalmatia. 1 Joh. 2:15; Kol. 4:14; File. 24

1 Timote 6:13

Mina nza ku laya mahlweni ka Nungungulu, loyi a nyikako kuhanya ka zontlhe, ni mahlweni ka Kristu Jesu, loyi a nga kustumunya mahlweni ka Pontiu Pilatu hi kuvumela kunene, Joh. 5:21; Kuv. 1:5

1 Timote 1:3

Laha nzi ngaya le Makedonia nzi lo ku khongotela ku sala le Efesusi, u luleka vanwani lezaku va nga gonzisi yinwani gonzo, Miti. 20:1, 3; Gal. 1:6, 7; Fil. 2:24

1 Va le Tesalonika 1:9

Hakuva a vanhu va hi hlawutela hi maenghenela ya hina xikari ka nwina, ni kutsika ka nwina a zifananiso mu hunzulukela ka Nungungulu, kasi ku khozela loyi a hanyako ni wa zinene,

Va le Efesusi 5:5

Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. Kuv. 22:15

Mitiro 17:25

Tlhatakumbiri a nga tirelwi hi mandla ya vanhu, a ku khwatsi o vumala nchumu; kasi hi yena a va nyikako wutomi vontlhe, ni kuhefemula, ni zilo Zontlhe.

Mitiro 14:27

Laha va nga wa chikele, va lo tsombanyisa a handla, va hlawutela zontlhe lezi Nungungulu a zi mahileko ha vona, ni lezaku i vululele a vamatiko a nyangwa ya kukholwa. Xip. 15:4, 12; 1 Kor. 16:9

Marku 10:24

A vapizani va lo hlamala nguvu hi magezu lawa. Kanilezi Jesu i lo engeta aku ka vona: Vanana, zi tsanzisa kuyini ka lava va tsumbako titshomba a ku enghena mufunweni wa Nungungulu! Joba 31:24; Tis. 52:7; 1 Tim. 6:17

Mateu 27:57

Laha gi nga pelile, ku lota munhu a fumileko wa le Arimatea, a vito gakwe hi Josefa, loyi yenawu a nga hi mupizani wa Jesu; Mar. 15:42; Lu. 23:50; Joh. 19:38

Mateu 6:32

Hakuva a vamatiko va zi lava zontlhe lezi zile; ni Raru wa nwina wa le tilweni wa zi tiva lezaku zontlhe lezi za laveka ka nwina.

Danieli 4:30

A hosi yi lo wulawula yiku: Hi gona a Babuloni ga hombe, nzi gi akileko hi ntamu wa mina wa hombe, kasi giva wuakelo ga hosi, gi kulisa a wukulu ga mina.

Ezekieli 16:56

Hakuva hi siku ga matshanza ya wena a ku kumbukangi Sodoma hi nomu wa wena,

Tisimu 62:8

Nwina vanhu, tsumbani yena masiku wontihe; Chululani timbilu ta nwina mahlweni kakwe: Nungungulu hi wuchavelo ga hina. (Sela.)

Titusi 3:6

lowu a nga wu chela hehla ka hina hi matsenya, ha Jesu Kristu a Muhanyisi wa hina; Ezek. 36:25; Joeli 2:28; Joh. 1:16

1 Timote 5:21

Nza ku laya mahlweni ka Nungungulu na Kristu Jesu, ni ka tingelosi leti ti hlawulilweko, lezaku u ingisa zileletelo lezi, kasi u nga lamuli mhaka hi kupima ka wena, hambu ku maha nchumu hi xihlawulela.

1 Timote 3:15

kasi loku nzi hlwela u fela ku zi tiva lezaku a vanhu va fela ku tshamisa kuyini ndlwini ya Nungungulu, leyi yi nga bandla ga Nungungulu a hanyako, yi nga mhanze ni xiseketelo xa zinene.

Mutshawuteli 2:24

Xi hava xilo xa chukwana ka munhu ku hunza lezaku aga, anwa, ni kuva a muhefemulo wakwe wu tsakela ntiro wakwe. Nzi lo wona lezaku lezo kambe zi humela canjeni ga Nungungulu;

Jeremia 49:4

Hikuyini u ti kukumukisako hi kota ya minkova, a nkova wa wena wu khulungako mati, wena nhwana u ti alisako? Wena loyi u tsumbako a titshomba ta wena, uku: Himani a ta ngata a ta nzi vukela ke?

Mateu 12:32

Kani hi wihi a wulawulako kubiha hi Nʼwana wa munhu i ta tsetselelwa; kanilezi kani hi wihi a wulawulako a vukela Moya wa ku Basa, cima a nga ta tsetselelwa a ka xikhati lexi, hambu ka xikhati xi tako. Joh. 7:12, 52; 1 Tim. 1:13

Luka 3:11

I lo hlamula aku ngalo kabye: Loyi a nga ni mabhaji mambiri ngha aha loyi a vumalako, ni loyi a nga ni zakuga, a mahewo Zalezo. 2 Kor. 8:14; Jak. 2:15, 16

1 Timote 6:9

Kanilezi lava va ranzako a ku ngha va fuma, va wela kuringweni ni maphanyeni, ni kumbilukeleni kunyingi ka wupumbu ku bayisako, lezi zi nyupetako vanhu kulobyisweni ni kulahlekeni. Mat. 13:22

2 Pedro 1:11

hakuva hi ku maha lezo mu ta nyikiwa a ku enghena mufunweni wu nga mbheliko wa Hosi ya hina ni Muhanyisi Jesu Kristu.

Mateu 25:16

Loyi a amukeleko a ntlhanu wa titalenta, i lo famba a ya ti bhinzulisa, a bhinzula a tinwani ta ntlhanu.