1 Timote 5:17 - Tshwa Bible

¹⁷ A masingalakati lawa ma nga varisi va nene a ma dzunziwe hi kuengetelweko, nguvunguvu vona lava va pinyamileko kukaneleni ni kugonziseni. Gal. 6:6

1 Timote 5:17 Referans Kwoze

Maheberu 13:17

Ingisani a varangeli va nwina, mu ti koramisa ka vona; hakuva va rinzela a mihefemulo ya nwina, hakuva va ta ti hlamulela ha yona. Va ingiseni lezaku va fela ku tira hi kutsaka, na ku nga hi kuketa; hakuva lezi zi nga ta mu vuna nchumu. Ekso. 3:17; 1 Tim. 5:17

Va le Galatia 6:6

Ngha loyi a gonziswako ivangeli a mu pambulela a zilo zakwe zo saseka loyi a mu gonzisako. Rom. 15:27

Luka 10:7

Tshamani ka yaleyo yindlu, muga ni kunwa lezi va mu nyikako; hakuva a xitiri xi fanelwe hi hakhelo ya xona. Mu nga fambafambi ka yindlu ni yindlu. Mat. 10:10, 11; 1 Kor. 9:4

Maheberu 13:7

Alakanyani varangeli va nwina, lava va mu byelileko mhaka ya Nungungulu; pimani a kugumesa ka kuhanya kabye, mu ecanyisa a kukholwa kabye.

2 Timote 2:6

A murimi loyi a tirileko a ntiro wa kona, hi yena a faneleko ku amukela a xiavelo xo ranga xa mihanzu.

Va le Filipi 2:29

Mu amukeleni Hosini hi kutsaka kontlhe; dzunzani a vanhu va kunghahi.

Va le Roma 12:8

kutani loyi a khongotelako, a ti nyikele kukhongoteleni kakwe; ni loyi a nyikako, a nyike hi matsenya; loyi a angamelako, a mahe lezo hi kupangama; ni loyi a mahako mitiro ya wuxinji, a zi mahe na xalele. Miti. 15:32; 20:28; 1 Kor. 14:3

Mitiro 28:10

Va lo hi bonga hi zilo zo tala, ni laha hi nga suka kona va lo hi nyika lezi hi nga wa zi vumala. Mat. 15:6; 1 Tim. 5:17

2 Va le Korinte 6:1

Kota lezi hi tirisanako naye ha mu khongotela lezaku mu nga amukeli tipswalo ta Nungungulu mahala, 1 Kor. 3:9; Xip. 5:20; Maheb. 12:15

Va le Roma 16:12

Rungulani Trifena na Trifosa, lava va tirako Hosini. Mu rungula na Persisi a ranzekako, loyi a tirako nguvu Hosini.

Va le Roma 15:27

Va tsakile ku maha lezo, kota lezi va nga ni nanzu ka vona. Hakuva loku a vamatiko va avelwe a makatekwa yabye ya ka moya, va yimelwe hi ku va tirela hi kufuma kabye ka misava. 1 Kor. 9:11; Gal. 6:6

Va le Filipi 4:3

Ina, nza ku khongotela na wenawu xitiri-kulori, vunetela a vavasati lava, hakuva va tirile na mina ivangelini, zinwe na Klemente, ni zinwani zitiri-kulori, lava a mavito yabye ma tsalilweko bhukwini ga wutomi. Rom. 16:3; Ekso. 32:32; Lu. 10:20; Xip. 1:27

1 Va le Korinte 16:16

Ti koramiseni ka vanhu va kunghahi, ni ka vontlhe vatiri-kulori, va ti karatako ntirweni.

Mitiro 11:30

Va lo maha lezo, va zi rumela ka masingalakati hi canja ga Barnabasi na Saule.

2 Tihosi 2:9

Makunu laha va nga wa tlhatukile, Elija i te ngalo ka Elixa: Kombela lezi u zi lavako a kuva nzi ku mahela zona na nzi nga se ku tekiwa mahlweni ka wena. Elixa i te ngalo kakwe: Nzi kombela lezaku nzi hiwa a xiavelo xa moya wa wena xi wuyetwa kumbiri.

2 Timote 4:2

Kanela a mhaka; pinyama hi xikhati xi faneleko ni xikhati xi nga faneliko, u kawuka, u luleka, ni ku khongotela hi kutimisela kontlhe, ni kugonzisa. 1 Tim. 4:13; Tit. 1:13

1 Timote 4:16

Ti wonele wutsumbu ga wena, ni kugonziseni ka wena; nonohisa ka zona, hakuva hi ku maha lezo u ta hanyisa wutsumbu ga wena, ni lava va ku zwako kambe. Ezek. 33:9

1 Timote 3:5

hakuva loku a munhu a nga zi tivi ku fumela a ngango wakwe, i ta hlayisisa kuyini a bandla ga Nungungulu?

Va le Filipi 2:16

na mu khomisile a mhaka ya wutomi. Zonake nzi tava ni nchumu wa ku ti kulisa ha wona sikwini ga Kristu, wo komba lezaku a nzi tsutsumangi mahala hambu ku tira mahala.

Mateu 24:25

Langutani, nzi mu byelile hi mahlweni.

Maheberu 13:24

Rungulani vontlhe lava va mu rangelako, ni vobasa vontlhe. Lava va le Italia va mu rungula.

1 Timote 4:10

Hi xona xigelo xa kutira ka hina ni kulwa, hakuva hi tsumbile a Nungungulu a hanyako, loyi a nga Muhanyisi wa vanhu vontlhe, nguvunguvu lava va kholwako.

1 Va le Korinte 15:10

Kanilezi hi tipswalo ta Nungungulu nzi lezi nzi nga zona, ni tipswalo takwe a nzi nyikiwangi tona mahala; hakuva nzi tirile nguvu ku hunza vona vontlhe; na ku nga hi mina, kanilezi hi tipswalo ta Nungungulu leti ti nga hi zinwe na mina. 2 Kor. 11:23; Gal. 2:8; Efe. 3:7

Mitiro 20:35

Hi zilo zontlhe nzi lo mu kombisa, lezaku hi ku tira lezo mu yimelwe hi ku vunetela lava va nga ni gome, ni ku alakanya a timhaka ta Hosi Jesu, leti yena wutsumbu a nga wula, aku: Ku katekile ku nyika ku hunza ku nyikiwa. Rom. 15:1; 1 Kor. 9:12; Efe. 4:28

Johani 4:38

Nzi mu rumile a ku tshovela laha mu nga tirangiko kona; a vanwani va tirile, nwina mu enghenile ntirweni wabye.

Luka 12:42

A Hosi yi te ngalo: Himani a nekwa yi kholekileko, leʼyo tlhariha, leyi a hosi ya yona yi ta nga yi yimisa hehla ka malanza ya yona, kasi ku va avela zakuga hi xikhati xa kona ke? Mat. 24:45; 25:21; 1 Kor. 4:2

Zakaria 9:12

Tlhelelani khokholeni, nwina tiperesu ti ftga ni kutsumba. Inyamutlha nza tiyisa lezaku nzi ta mu tlhelisela ha kumbiri.

Jeremia 17:18

Ngha vaku koyo tingana lava va nzi xanisako, Kanilezi mina ngha nzi nga wiswi tingana; Ngha va rurumela, kanilezi mina nzi nga dzuki nzi rurumela. Va tisele a siku ga khombo, u va tshovetela kumbiri.

Jeremia 16:18

Hi kuranga nzi ta va tlhelisela kambiri a kugoha kabye ni zionho zabye; hakuva va nyenyezisile a tiko ga mina hi zirumbi za manyala yabye, na va tatisile a tshomba ya mina hi manyalataniso yabye.

Isaya 40:2

Wulawulani hi wuxinji ka Jerusalema. Muba nyiwo kakwe lezaku a wukhumbi gakwe gi mbhelile, Lezaku kugoha kakwe ku tsetselelwe, Hakuva a ka zionho zakwe i amukele a nzhiho kambiri hi ka canja ga Jehova.

1 Timote 5:3

Dzunza a tinoni leti ti nga tinoni hakunene.

1 Timote 4:6

Loku u byela a vamakabye timhaka leti, u tava nanza gi nene ga Kristu Jesu, legi gi wundlilweko timhakeni ta kukholwa, ni ka gonzo yi nene leyi u yi lanzeleko. 2 Tim. 3:14

1 Va le Korinte 3:9

Hakuva hina hi zitiri-kulobye ni Nungungulu; nwina mu simu ga Nungungulu, mu wuako ga Nungungulu. Miti. 15:4; Efe. 2:20; Kol. 2:7

1 Timote 4:14

U nga mahi mihoni hi xinyikiwo lexi xi nga ka wena, lexi u nga nyikiwa xona hi kuprofeta zinwe ni kutlhatekwa ka mandla ya masingalakati. Miti. 6:6; Xip. 1:18; 2 Tim. 1:6

1 Timote 5:19

U nga amukeli a mhaka yo kecara a singalakati, loku yi nga hi na vakustumunyu vambiri kutani vanharu.

Mitsengo 18:31

Nwina mu ta ziga ni ka gihi wutshamu, nwina ni mingango ya nwina; hakuva i nchachazelo wa nwina wa mitiro ya nwina leyi mu tirako lomu tendeni ga mutlhangano.

Deuteronome 18:8

I taga lezi zi ringanako vona, ahandle ka lezi zi tako hi le ka tshomba ya raru wakwe.