1 Timote 4:16 - Tshwa Bible

¹⁶ Ti wonele wutsumbu ga wena, ni kugonziseni ka wena; nonohisa ka zona, hakuva hi ku maha lezo u ta hanyisa wutsumbu ga wena, ni lava va ku zwako kambe. Ezek. 33:9

1 Timote 4:16 Referans Kwoze

Titusi 1:9

loyi a namarelako ka mhaka yi tsumbekako ya gonzo, kasi a fela ku zi kota ku luleka hi gonzo leyi yi hanyisako, ni ku kada lava va kanetako. 1 Tim. 1:10

Titusi 2:7

Uva xiwonelo xa mitiro yontlhe yo saseka; a kugonziseni ka wena u kombisa a kubasa ni kudzunzeka, Efe. 6:24; 1 Ped. 3:1, 5; 5:3

1 Kronekele 28:10

Cuwuka makunu lezaku Jehova i ku hlawule a ku aka a yindlu ya ku basa. Tiya-ke, u tira!

2 Timote 4:2

Kanela a mhaka; pinyama hi xikhati xi faneleko ni xikhati xi nga faneliko, u kawuka, u luleka, ni ku khongotela hi kutimisela kontlhe, ni kugonzisa. 1 Tim. 4:13; Tit. 1:13

Va le Efesusi 4:14

lezaku hi nga ha mahi zihlangi, hi ndlengandlengiswa kukotisa mabyandlati ya bimbi hi timheho tontlhe ta tigonzo, kutani hi kukanganyisa ka vanhu, ni wumbyori gabye ga ku khohlisa. Mat. 11:7

Maheberu 13:9

Mu nga pengiswi hi tixaka ti tsalangeneko ta tigonzo leti ti nga tibyiwiko; hakuva zi sasekile loku a mbilu yi tiyiswa hi tipswalo, na ku nga hi zakuga, lezi zi nga vuniko nchumu lava va zi tsumbako. Rom. 14:17; Efe. 4:14

Maheberu 12:15

Ti woneleni lezaku ku ngavi kona munhu a kiyelelwako hi tipswalo ta Nungungulu; lezaku ku nga dzuki ku mila a mutsu wa kubava wu mu karata, ni lezaku a vanyingi va nyenyeziswa ha wona. 2 Kor. 6:1

2 Timote 3:14

Kanilezi wena, namarela ka lezi u zi gonzileko, ni lezi u tiyisilweko ha zona, na u kari u tiva a vagonzisi va wena;

Luka 21:34

Kanilezi ti woneleni, kasi a timbilu ta nwina ti nga binziwi hi limito ni kuphophiwa, ni kukaratekela ka loku kuhanya, a siku lego gi nga dzuka gi mu chikelela hi xitshuketi kota wugungu. Rom. 13:13; 1 Tes. 5:6; 1 Ped. 4:7

Isaya 55:11

Yi tava tano a mhaka ya mina yi humako nonwini wa mina; Yi nga ta tlhelela ka mina mahala; Kanilezi yi ta maha lezi nzi zi xuvako, Yi ta hetisa lezi nzi yi rumeleko zona, Joh. 6:63; Miti. 12:24

1 Timote 4:6

Loku u byela a vamakabye timhaka leti, u tava nanza gi nene ga Kristu Jesu, legi gi wundlilweko timhakeni ta kukholwa, ni ka gonzo yi nene leyi u yi lanzeleko. 2 Tim. 3:14

1 Timote 1:3

Laha nzi ngaya le Makedonia nzi lo ku khongotela ku sala le Efesusi, u luleka vanwani lezaku va nga gonzisi yinwani gonzo, Miti. 20:1, 3; Gal. 1:6, 7; Fil. 2:24

Va le Roma 16:17

Makunu nza mu khongotela vamakabye, a kuva mu ti wonela ka lava va vangako kuhambana ni zikhunguvanyiso, hi ku hambunyeta a gonzo leyi mu gonzileko yona; mu nga hlengeli navo. Miti. 15; 1 Kor. 5:9; 2 Tes. 3:6; 1 Tim. 6:3

2 Timote 2:10

Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8

1 Va le Korinte 9:27

Kanilezi nzi tsayisa a miri wa mina nzi wu hlula; ku nga taku, na nzi kanele ka vanwani mina wutsumbu nzi hoxiwa. Jer. 6:30; 2 Kor. 13:5

Mitiro 6:4

Kanilezi hina hi ta simamisa hi pinyamela kukhongeleni, ni ntirweni wa mhaka. Xip. 2:42

Marku 13:9

Kanilezi ti woneleni nwina; hakuva va ta mu yisa tihubyeni, mu biwa masinagogeni; mu ta yima mahlweni ka vafumeli ni tihosi hi kota ya mina, muva vakustumunyu va mina mahlweni kabye. Mat. 10:17, 18; Kuv. 2:10

Jeremia 23:22

Loku va wa yimile hubyeni ya mina, ngha va tivisile a vanhu va mina a timhaka ta mina, va va hunzulusa ndleleni yabye yo biha, ni ka zimaho zabye zo biha.

Jakobe 5:20

ngha a zi tiva lezaku loyi a wuyisako a muonhi ndleleni yakwe ya kuhambuka, i ta hanyisa a muhefemulo kufeni, a khubhunyeta zionho zinyingi, Rom. 11:14; 1 Kor. 9:22; 1 Ped. 4:8

Titusi 2:15

Kanela timhaka leti, u luleka ni ku kawuka hi ntamu wontihe. Ngha a nga hi kona loyi a ku kanyisako.

Va le Kolosi 4:17

Wulani ka Arkipusi, muku: Chela kota hi xikhundla lexi u xi amukeleko Hosini, lezaku u tira lezi zi lavekako ka xona. 1 Tim. 4:6; File. 2

1 Va le Korinte 9:22

Ka vona lava va gome nzi lo maha wa gome, kasi nzi fela ku kuma lava va gome. Nzi lo ti maha zontlhe ka vanhu vontlhe, kasi hi ku maha lezo nzi fela ku hanyisa vanwani. Rom. 15:1

Va le Roma 11:14

lezaku kutani nzi ta vuxa xiluse xikari ka vona lava va nga maxaka ya mina, nzi hanyisa vanwani va vona. 1 Kor. 7:16

Va le Roma 2:7

I ta nyika wutomi ga pinzukelwa ka vona lava va lavako a wukosi ni kudzunziwa ni kungaboli, na va timisela mitirweni yo saseka. 2 Kor. 4:17; Juda 21; Kuv. 2:7

Mitiro 26:22

Kanilezi lezi nzi kumileko a kuvuniwa hi Nungungulu, nza ha yimile kala nyamutlha, nzi kustumunya ka vatsongwani ni ka vahombe, na nzi nga wuli nchumu ahandle ka lezi a vaprofeti na Mosi va ngaku zi ta maheka. Lu. 24:27, 44; Xip. 24:14; Joh. 5:46

2 Kronekele 19:6

I te ngalo ka Valamuli: Ti woneleni ka lezi mu ta nga zi maha, hakuva a mu lamuli hi ku rumiwa hi vanhu, kanilezi mu rumiwa hi Jehova; hikwalaho mu zinwe na yena kulamuleni ka nwina. Rom. 13:1

Filemoni 1:19

Mina Paule, nza tsala hi canja ga mina wutsumbu, nziku; Nzi ta xi riha mina. A nzi wuli lezaku u na ni nanzu ka mina, a nanzu wa kona hi wutsumbu ga wena.

1 Va le Tesalonika 2:16

va hi tsimbetela a ku kanela ka vamatiko, lezaku va fela ku hanyiswa; lezo va tatisa xontlhe xikhati a lipimo la zionho zabye. Kanilezi a khulo ga Nungungulu gi va putsuketele magumo. Gen. 15:16; Mat. 24:6; Miti. 13:50; 14:19; 17:5; 22:21; Lu. 11:52

Eksodusi 23:13

Mu ta hlayisa zontlhe lezi nzi mu leleteleko. Mu nga dzuki mu kumbuka a mavito ya vanwani vanungungulu; ngha ma nga zwali milonwini ya nwina.

1 Va le Korinte 1:21

Hakuva lezi a kutlhariheni ka Nungungulu a misava yi nga kala ku mu tiva Nungungulu hi wutlhari ga yona, zi lo mu xalalisa Nungungulu a ku hanyisa lava va kholwako hi wupumbu ga kukanela ka hina. Lu. 10:21

1 Timote 4:15

Pangama mitirweni leyi, u ti nyikela gontlhe wutsumbu ga wena ka yona; kasi a kuya mahlweni ka wena ka woneka ka vanhu vontlhe.