1 Timote 2:2 - Tshwa Bible

² zi mahelwa tihosi ni vafumeli vontlhe, lezaku hi hanya khwatsi ni ku tshameka hi xichawo xa Nungungulu ni fanelo. Ezra 6:10; Rom. 13:1

1 Timote 2:2 Referans Kwoze

Ezra 6:10

kasi va fela ku nyikela ka Nungungulu wa le tilweni, a miphahlelo ya masema yo nanziha, ni ku kombelela a wutomi ga hosi ni vanana Va yona.

Jeremia 29:7

Xuvani a makatekwa hehla ka muti lowu nzi mu yisileko ka wona kota vakhonwi, mu wu khongelela ka Jehova; hakuva loku wu humelela, mu ta humelela na nwinawu.

Mavingu 24:21

Nwananga, chava Jehova ni hosi; nga ti tlhanganyisi ni lava va ranzako ku hluwuka. 1 Ped. 2:17

1 Va le Tesalonika 4:11

ni lezaku mu pinyamela ku hanya hi kurula, mu tira mitiro ya nwina, ni ku tira hi mandla ya nwina, kota lezi hi nga mu laya,

Nehemia 1:11

Hosi, nza ku khongotela, panga ndleve ya wena uzwa mukombelo wa nanza ga wena, ni mukombelo wa malanza ya wena, tawa ma tsakelako ku chava a vito ga wena. Nza ku khongotela lezaku u vuvumisa a nanza ga wena nyamutlha, u mu mahela tipswalo kuwoneni ka wanuna loyi. (Makunu nzi wa hi muweleli Wa gombe ga hosi.)

Maheberu 12:14

Lavani kurula ni vanhu vontlhe, ni kubasiswa loku munhu a nga zi kotiko ku wona Hosi loku a nga hi nako. Mat. 5:8

Va le Roma 12:18

Loku zi maheka, ni loku nwina mu zi kota, tshamani hi kurula ni vanhu vontlhe.

Tisimu 72:1

Nungungulu, nyika zilayelo za wena ka hosi. Ni nʼwana wa hosi u mu nyika kululama ka wena.

Va le Filipi 4:8

Vamakabye, hi kugumesa nzi ngalo: Ni zihi lezi zi nga zi nene, ni zihi lezi zi dzunzekako, ni zihi lezi zi lulamileko, ni zihi lezi zi basileko, ni zihi lezi zi ranzekako, ni zihi lezi zi khesiwako; loku gi hi kona wunene, ni zilo lezi zi faneleko ku bongiwa, alakanyani zontlhe lezo.

Mitiro 24:16

Hilezo-ke na minawu nza pangama a kuva ni livalo li nga solekiko xikhati xontlhe mahlweni ka Nungungulu ni vanhu.

Mitiro 10:22

Vaku ngalo: Korneliu, a nga nduna ya zana, a munhu a lulamileko loyi a chavako Nungungulu, loyi a khesiwako hi vaJuda vontlhe, i lo layiwa hi Nungungulu hi nomu wa ngelosi yo basa ku ku vitana ndlwini yakwe, lezaku a yazwa lezi u ta nga mu byela zona. Vesi 1, 2; Xip. 22:12

Luka 2:25

Ku wa hi kona a munhu le Jerusalema, loyi a vito gakwe a nga wa hi Simeoni; i wa lulamile hi kupinyama, na a langutela a kuchavelelwa ka Israeli, ni Moya wa ku Basa wu wa hi ka yena. Isa. 40:1; Mar. 15:43

Luka 1:6

Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

2 Samueli 20:19

Hi lava va rurileko ni vo tsumbeka ka va ka Israeli, wena u lava ku lovisa a muti lowu wu nga mamani wa mune ka vaIsraeli. Hi yini u lavako ku khadamula a tshomba ya Jehova ke?