1 Timote 1:14 - Tshwa Bible

¹⁴ A tipswalo ta Hosi ya hina ti lo tata a mbilu ya mina, zinwe ni kukholwa ni liranzo leli li nga ka Kristu Jesu. Lu. 7:47

1 Timote 1:14 Referans Kwoze

2 Timote 1:13

Khomisisa hi kukholwa ni liranzo leli li nga ka Kristu Jesu a timhaka leti ti nene, leti u ti zwileko ka mina, lezaku tiva xikombiso ka wena. Rom. 2:20; 6:17; 1 Tim. 6:3; Tit. 1:9; Maheb. 10:23

1 Va le Korinte 15:10

Kanilezi hi tipswalo ta Nungungulu nzi lezi nzi nga zona, ni tipswalo takwe a nzi nyikiwangi tona mahala; hakuva nzi tirile nguvu ku hunza vona vontlhe; na ku nga hi mina, kanilezi hi tipswalo ta Nungungulu leti ti nga hi zinwe na mina. 2 Kor. 11:23; Gal. 2:8; Efe. 3:7

1 Pedro 1:3

A khesiwe Nungungulu tlhelo Dadani wa Hosi ya hina Jesu Kristu, loyi hi kota ya wuxinji gakwe ga hombe a nga hi beleka luswa, hiva ni kutsumba ku hanyako hi kuvuka ka Jesu Kristu hi ka vafileko, 1 Kor. 15:20; 1 Tes. 4:14; Jak. 1:18

2 Va le Korinte 13:14

A tipswalo ta Hosi Jesu Kristu, ni liranzo la Nungungulu, ni kutlhangana ka Moya wa ku Basa, a zive na nwina nwenthle.

Va le Roma 16:20

Nungungulu wa kurula i ta hatla a lamata Satani lahasi ka mikonzo ya nwina. A tipswalo ta Hosi ya hina Jesu Kristu a tive na nwina.

1 Johani 4:10

A liranzo hi leli, a hi lezaku hina hi mu ranzile Nungungulu, kanilezi hi yena a hi ranzileko, a rumela Nʼwana wakwe a kuva nzhiho wa zionho za hina. Joh. 15:16; Rom. 5:10

1 Va le Tesalonika 1:3

Xontlhe xikhati hi alakanya a ntiro wa nwina wa kukholwa, ni kupinyama ka liranzo, ni kutiya ka nwina kutsumbeni ka Hosi ya hina Jesu Kristu, a mahlweni ka Nungungulu a Dadani wa hina. Joh. 6:29; Gal. 5:6; Xip. 3:6; 2 Tes. 1:11; Maheb. 6:10; Jak. 2:17

2 Va le Korinte 8:9

Hakuva ma ti tiva a tipswalo ta Hosi ya hina Jesu Kristu, lezaku hambu lezi a nga fumile, i lo maha xisiwana hi kota ya nwina, lezaku nwina mu fela ku fuma hi kota ya wusiwana gakwe. Mat. 8:20; Lu. 9:58; Fil. 2:6, 7

Eksodusi 34:6

Zonake Jehova i lo hunza mahlweni kakwe, na aku: Jehova, Jehova, Nungungulu wa wuxinji ni tipswalo, loyi a nonokako ku zangara, loyi a teleko hi wuxinji ni kutsumbeka; Mitse. 14:18; Neh. 9:17; Joeli 2:13; Jona 4:2

Kuvululelwa 22:21

A tipswalo ta Hosi Jesu a tive ni vobasa vontlhe. Amen!

1 Va le Tesalonika 5:8

Kanilezi hina lava hi nga va hlikanhi, ngha hi nga popiwi, kanilezi hi ambala a xikatawu xa xiketse xa kukholwa ni liranzo, ni ndlhondlha leyi yi nga kutsumba ka kuhanyiswa. Isa. 59:17

Mitiro 15:11

Kasi ha kholwa lezaku hi ta hanyiswa hi tipswalo ta Hosi Jesu, khwatsi hi vona. Rom. 3:24; Efe. 2:8

1 Va le Korinte 3:10

Hi tipswalo ta Nungungulu leti nzi nyikilweko tona, nzi lo aka a xiseketelo khwatsi hi gogwe wa kuaka, ni munwani i lo aka hehla ka xona. Kanilezi ngha munwe ni munwani a tlhariha lezaku i akisa kuyini ka xona. Rom. 15:20; 1 Ped. 4:11

2 Va le Korinte 4:15

Hakuva zilo zontlhe zi mahelwa nwina, kasi a tipswalo na ti anzisilwe ka vanyingi, ti fela ku kulisa a wudzunzo ga Nungungulu.

Va le Galatia 1:13

Hakuva nwina mu zwile hi mahanyela ya mina ya kale na nza hi xiJudeni, lezaku nzi lo xanisa a bandla ga Nungungulu ku tlula mpimo, nzi xuva ku gi hangalasa. Miti. 8:3; 1 Tim. 1:13

1 Timote 2:15

Hambu zi hi lezo, yena i ta hanyiswa hi ku beleka vanana, loku a simamisa kukholweni ni liranzweni ni kubasisweni, zinwe ni kutikhoma.

1 Timote 4:12

Ngha a nga hi kona loyi a ku kanyisako hilezi u nga jaha, kanilezi ngha u hi xiwonelo ka makholwa hi kuwulawula, ni mahanyela, ni liranzo, ni kukholwa ni kuhlazeka. Tit. 2:15

1 Timote 6:11

Kanilezi wena munhu wa Nungungulu, potsoloka lezi zilo, u hlota kululama, a kukhozela Nungungulu, a kukholwa, a liranzo, a kutimisela, ni kurula. Deut. 33:1

2 Timote 2:22

Potsoloka a kumbilukela ka lava vaswa, u lanza kululama, ni kukholwa, ni liranzo, ni kurula, zinwe ni lava va khongelako ka Hosi hi timbilu ti basileko.

Titusi 2:2

lezaku a vavanuna va kale va ti khoma, vave lava va dzunzekako, lava va tlharihileko, va hi ni kukholwa ku nene, ni liranzo, ni kutimisela.

Mateu 20:9

Laha va ngata lava va nga tholiwa hi xikhati xa 5 horas wa gambo, munwe ni munwani i lo amukela cheleni.