1 Tihosi 3:1 - Tshwa Bible

¹ Solomoni i lo maha wuxaka na Faro a hosi ya le Gipite, hi ku teka a nhanyana wakwe a maha sati wakwe, a mu neha mutini wa Davida, kala a mbheta a ku aka a yindlu yakwe ni yindlu ya Jehova, ni ligingisi leli li renzetekelako Jerusalema.

1 Tihosi 3:1 Referans Kwoze

1 Tihosi 9:24

Laha nʼwana Faro a nga sukile le mutini wa Davida, a ya enghena lomu ndlwini yakwe leyi Solomoni a nga wa mu akele, Solomoni i lo aka Millo.

1 Tihosi 11:1

Makunu hosi Solomoni i lo ranza vavasati vo tala va manwani matiko zinwe na nwaFaro; a vavasati va maMoabi, ni va maAmoni, ni va maEdomi, ni va maSidoni, ni va maHiti;

2 Kronekele 8:11

Solomoni i lo heleketa nʼwana Faro le ndlwini yakwe leyi a nga wa mu akele, a huma lomu mutini wa Davida hakuva yena i te ngalo: A sati wa mina a nga zi koti ku tshama lomu ndlwini ya Davida, a hosi ya ka Israeli, hakuva a matshamu lawa matshamu yo basa, lawa ku enghenileko a arke ga Jehova.

1 Tihosi 6:1

Makunu hi lembe ga 480 kusukela kuhumeni ka vanana va ka Israeli hi le tikweni ga Gipite, hi lembe ga wumune ga Solomoni ga ku fumela va ka Israeli, hi hweti ya Ziv, yi nga hweti ya wumbiri, Solomoni i lo sangula ku aka a yindlu ya Jehova.

2 Samueli 5:7

Kanilezi Davida i lo hlula, a teka a khokhola ga Zioni, wu nga wona muti wa Davida.

Ezra 5:11

Va lo hi hlamula, vaku: Hina hi malanza ya Nungungulu wa tilo ni misava; hi aketa a yindlu leyi yi nga wa akilwe kale ka matiko; leyi yi akilweko hi yinwani hosi ya hombe ya va ka Israeli, a yi mbhelelisa.

2 Kronekele 18:1

Makunu Jehoxafate i wa hi ni titshomba ni wudumo ga hombe nguvu; i lo maha wuxaka na Ahabi hi ku tekana.

1 Kronekele 11:7

Davida i lo tshama lomo khokholeni, hikwalaho va lo wu chula lezaku i muti wa Davida.

Ezra 9:14

xana hi wa ta tlhela hi hambunyeta milayo ya wena, hiva ni wuxaka ni vanhu va mahanyela yo biha hi ku tekana navo ke? Xana u nga kala u nga hi zangareli u hi lovisa, u nga ha siyi ni salela munwe wa ku pona ke?

1 Tihosi 2:10

Davida i lo etlela zinwe ni vararu vakwe, a lahliwa le mutini wa Davida. 2 Sam. 5:7; Miti. 2:29; 13:36

1 Tihosi 7:1

Solomoni i lo aka a yindlu yakwe; i lo mbheta a yindlu yakwe yontlhe hi 13 wa malembe.

1 Tihosi 7:8

A yindlu yakwe, laha a nga wa tshama kona, yi wa akisilwe zalezo lomu ka xipetso xinwani hi lomu nzeni ka ligumbagumba. I lo akela nwaFaro loyi a nga mu tekile a kuva sati wakwe, a yindlu yi fananako ni ligumbagumba leli.

1 Tihosi 9:10

Makunu a kumbheleni ka 20 wa malembe, lawo Solomoni a nga aka ka wona a tiyindlu leto ta timbiri, a yindlu ya Jehova ni yindlu ya hosi;

Deuteronome 23:8

A vanana vabye va xizukulwana xa wunharu va ta zi kota ku enghena tlhanganweni wa Jehova.

1 Tihosi 9:1

Makunu laha Solomoni a nga wa mbhetile ku aka a yindlu ya Jehova ni yindlu ya hosi, ni zontlhe lezi Solomoni a nga wa xuvile ku zi maha,