1 Samueli 7:4 - Tshwa Bible

⁴ Zonake a va ka Israeli va lo susa maBaali ni maAxtarte va khozela Jehova yece.

1 Samueli 7:4 Referans Kwoze

Hosea 14:8

Efraime, i mhaka muni nzi nga nayo ni zifananiso? Mina wutsumbu nzi mu hlamule, nzi ta mu khatalela. Mina nzi kota a sinya yo nyuka ya khuwu, a mihanzu ya wena u ta yi kuma ka mina.

Hosea 14:3

Assiria a nga ta hi hanyisa; hi nga ta khilele a mahaxi. Hi nga ta wula kambe ka mitiro ya mandla ya hina, hiku: Nwina mu vanungungulu va hina; hakuva a xisiwana xa kuma wuxinji ka wena.

1 Tihosi 11:33

Nzi ta maha lezo hakuva va nzi fularele va khozela mahlweni ka Axtarte, a nungungulu wa maSidoni, ni mahlweni ka Kemoxe, a nungungulu wa maMoabi, ni mahlweni ka Milkome, a nungungulu wa va ka Amoni: a va fambangi hi tindlela ta mina ta kuva va maha kululama mahlweni ka mina, ni ku hlayisa milayo ya mina, ni zileletelo za mina, khwatsi hi lezi a mahileko a raru Wakwe Davida.

Valamuli 2:13

Va lo tsika Jehova va khozela Baali na Axtarte.

Valamuli 2:11

A vanana va ka Israeli va lo maha kubiha mahlweni ka Jehova, va khozela maBaali.

1 Samueli 7:3

Zonake Samueli i lo wulawula ka yontlhe yindlu ya ka Israeli, aku: Loku nwina mu xuva ku tlhelela ka Jehova hi timbilu ta nwina tontlhe, susani xikari ka nwina a vanungungulu va matiko ni maAxtarte, mu tiyisa timbilu ta nwina ka Jehova, mu khozela yena yece; hi kona a ta nga mu tlhatlhisa mandleni ya vaFilistia. Deut. 6:4; Mat. 4:10; Lu. 4:8

1 Samueli 7:5

Samueli i te ngalo: Tsombanyisani vontlhe va ka Israeli le Mizpa, zonake nzi ta mu kombelela ka Jehova.

1 Tihosi 8:48

Loku va tlhelela ka wena hi timbilu tabye tontlhe ni mihefemulo yabye yontlhe na va hi kwaleyo tikweni ga valala vabye lava va va khomileko; va khongela na va cuwukile tlhelo ga tiko gabye legi u nyikileko vararu vabye, ni tlhelo ga muti lowu u wu tengileko, ni tlhelo ga yindlu leyi nzi yi akeleko vito ga wena; Dan. 6:10

1 Tihosi 11:5

Hakuva Solomoni i lo ya khozela Axtarte, a nungungulu wa maSidoni, ni Milkome, a manyala ya va ka Amoni.

2 Tihosi 23:15

Ni kambe i lo khungumula a alati legi gi nga wa hi le Beteli, ni wutshamu gi tlakukileko legi gi nga wa mahilwe hi Jeroboamu nʼwana Nebate, loyi a onhisileko va ka Israeli; i lo khungumula a alati lego ni wutshamu gi tlakukileko, a hisa a yindlu ya kona a yi maha tsutsungwani, a hisa ni xifananiso xa Axtarte.