1 Samueli 7:3 - Tshwa Bible

³ Zonake Samueli i lo wulawula ka yontlhe yindlu ya ka Israeli, aku: Loku nwina mu xuva ku tlhelela ka Jehova hi timbilu ta nwina tontlhe, susani xikari ka nwina a vanungungulu va matiko ni maAxtarte, mu tiyisa timbilu ta nwina ka Jehova, mu khozela yena yece; hi kona a ta nga mu tlhatlhisa mandleni ya vaFilistia. Deut. 6:4; Mat. 4:10; Lu. 4:8

1 Samueli 7:3 Referans Kwoze

Luka 4:8

Jesu i lo mu hlamula, aku: Ku tsalilwe ku ngalo: U ta khozela Hosi Nungungulu wa wena, hi yena yece u to mu tirela. Deut. 6:13; 10:20

Deuteronome 13:4

Nwina mu ta lanzela Jehova Nungungulu wa nwina; mu nyika xichawo ka yena mu hlayisa milayo yakwe, mu ingisa a gezu gakwe; mu mu khozela, ni ku namarela ka yena.

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Deuteronome 6:13

U ta chava Jehova Nungungulu wa wena, u mu khozela, u hlambanya hi vito gakwe. Jer. 4:2; Mat. 4:10; Lu. 4:8

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Joxua 24:14

Makunu chavani Jehova mu mu khozela hi ku kholeka ni zinene. Susani a vanungungulu lava a vararu va nwina va nga wa va khozela le tlhatuko wa congo ni le Gipite, mu khozela Jehova.

Joxua 24:23

Joxua aku: Loku zi nghaho, susani vanungungulu va vamatiko, mu hunzuluka hi timbilu ta nwina ka Jehova Nungungulu wa ka Israeli.

Johani 4:24

Nungungulu i Moya, ni lava va mu khozelako va fanele ku khozela hi moya ni zinene. 2 Kor. 3:17

Deuteronome 10:20

Chava Jehova Nungungulu wa wena, u mu khozela, u namarela kakwe, u hlambanya hi vito gakwe.

1 Tihosi 8:48

Loku va tlhelela ka wena hi timbilu tabye tontlhe ni mihefemulo yabye yontlhe na va hi kwaleyo tikweni ga valala vabye lava va va khomileko; va khongela na va cuwukile tlhelo ga tiko gabye legi u nyikileko vararu vabye, ni tlhelo ga muti lowu u wu tengileko, ni tlhelo ga yindlu leyi nzi yi akeleko vito ga wena; Dan. 6:10

Mateu 6:24

A ku na munhu a zi kotako ku tirela tihosi timbiri; hilezi i ta venga yinwe, a ranza yinwani, kutani i ta namarela ka yinwe, a kanyisa yinwani. A mu zi koti ku tirela Nungungulu ni Mamona. Lu. 16:13; Gal. 1:10; 1 Tim. 6:17

Mateu 15:8

Lava vanhu va nzi dzunza hi milomu yabye, Kanilezi a timbilu tabye ti le kule na mina. Isa. 29:1-3; Ezek. 33:31

Valamuli 10:6

A vanana va ka Israeli va lo engeta kambe va maha kubiha mahlweni ka Jehova, va khozela maBaali ni maAxtarote, ni vanungungulu va vaSiria, ni vanungungulu va vaSidoni, ni vanungungulu va vaMoabi, ni vanungungulu va vanana va ka Amoni, ni vanungungulu va maFilistia; va fularela Jehova va nga mu khozeli.

1 Kronekele 22:19

Makunu lavani Jehova Nungungulu wa nwina hi timbilu ta nwina tontlhe, ni mihefemulo ya nwina yontlhe; mu suka mu aka a yindlu ya ku basa ya Jehova Nungungulu, mu neha a arke ga xivumelwano xa Jehova, ni zibya za ku basa za N ungungulu lomu ndlwini leyi mu ta nga yi akela vito ga Jehova.

Genesisi 35:2

Jakobe i lo byela vanhu va ngango wakwe ni vontlhe lava va nga hi zinwe naye, aku: Susani vanungungulu va matiko; lava mu nga navo, mu ti basisa mu ambala tinguwo tinwani. Jox. 24:2, 23; 1 Sam. 7:3

Ezekieli 18:31

Cukumetani a zihambunyeto zontlhe za nwina lezi mu zi mahileko, mu ti kumela a mbilu yiswa ni moya muswa. Mu ta lova hikuyini, nwina va yindlu ya ka Israeli?

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

Mavingu 16:1

A munhu i pola makungo mbilwini yakwe, anilezi a hlamulo wa lirimi wuta hi le ka Jehova.

2 Kronekele 19:3

Hambu lezo zi kona zilo zo saseka zi kumilweko ka wena, hakuva wena u susile a zifananiso za Axtarte lomu tikweni, u hlota Nungungulu hi mbilu yontlhe ya wena.

Valamuli 10:16

Va lo susa xikari kabye vanungungulu va vamatiko, va khozela Jehova. Jehova a tsetselela va ka Israeli hi kota ya ku wona zikarato zabye.

Hosea 14:1

Israeli, tlhelela ka Jehova a Nungungulu wa wena, hakuva u wile hi kota ya kugoha ka wena. Joeli 2:12; Zak. 1:3; Mal. 3:7

2 Kronekele 30:19

Jehova wa wuxinji, a tsetselele vontlhe lava va tiyisileko timbilu tabye a ku hlota Nungungulu Jehova, a Nungungulu wa vadadani vabye, hambu loku a nga basiswangi hi ku faneleko lomu ndlwini ya ku basa.

Valamuli 2:13

Va lo tsika Jehova va khozela Baali na Axtarte.

1 Samueli 31:10

Va lo veka matlhari yakwe lomu tempeleni ya Axtarte, va hayeka xirumbi xakwe laha khurisini ga le Betexane.

Joxua 13:31

Ni khihlanya ga Gileade, ni le Axtarote, ni le Edrei, a miti ya tiko ga Ogi le Baxani; yi nyikilwe ka vanana va Makira, a nʼwana wa Manasa, a khihlanya ga vanana va Makira, hi mingango yabye.

1 Tihosi 11:33

Nzi ta maha lezo hakuva va nzi fularele va khozela mahlweni ka Axtarte, a nungungulu wa maSidoni, ni mahlweni ka Kemoxe, a nungungulu wa maMoabi, ni mahlweni ka Milkome, a nungungulu wa va ka Amoni: a va fambangi hi tindlela ta mina ta kuva va maha kululama mahlweni ka mina, ni ku hlayisa milayo ya mina, ni zileletelo za mina, khwatsi hi lezi a mahileko a raru Wakwe Davida.

Jeremia 24:7

Nzi ta vaha timbilu to nzi tiva lezaku hi mina Jehova; vona va tava vanhu va mina, mina nzi tava Nungungulu wabye, loku va tlhelela ka mina hi mbilu yabye yontlhe. Deut. 30:6; Maheb. 8:10

Jeremia 36:3

Kutani a va ka Juda va ta ingisa a kubiha kontlhe loku nzi xuvako ku va mahela; lezaku munwe ni munwani a hunzuluka ndleleni yakwe yo biha, nzi mu tsetselela a kubiha kakwe ni xionho xakwe.

Ezekieli 14:6

Hikwalaho wula ka yindlu ya ka Israeli lezaku Hosi Jehova i ngalo: Wuyani, fularelani a zifananiso za nwina, hunzulusani a tinghohe ta nwina, mu tsika a manyalataniso wontihe ya nwina.

Deuteronome 4:29

Hi kona mu ta nga ya lava Jehova Nungungulu wa nwina; lahoke loku u ya mu lava hi mbilu ya wena yontlhe, ni muhefemulo wa wena wontihe, u ta mu kuma. Isa. 55:6; Hos. 3:5

Valamuli 2:11

A vanana va ka Israeli va lo maha kubiha mahlweni ka Jehova, va khozela maBaali.

2 Tihosi 17:39

kanilezi mu ta chava Jehova Nungungulu wa nwina, hakuva hi yena a nga mu tlhatlhisa mandleni ya valala va nwina vontlhe.

2 Tihosi 23:15

Ni kambe i lo khungumula a alati legi gi nga wa hi le Beteli, ni wutshamu gi tlakukileko legi gi nga wa mahilwe hi Jeroboamu nʼwana Nebate, loyi a onhisileko va ka Israeli; i lo khungumula a alati lego ni wutshamu gi tlakukileko, a hisa a yindlu ya kona a yi maha tsutsungwani, a hisa ni xifananiso xa Axtarte.

2 Kronekele 20:33

Hambu lezo a matshamu ma tlakukileko a ma susiwangi, a vanhu va wa nga tiyangi khwatsi ndleleni ya ku hlota Nungungulu wa vararu vabye.

Jeremia 4:1

Loku u hunzuluka, O Israeli, wuya ka mina, ku wula Jehova; Loku u susa manyala ya wena mahlweni ka mina, Zonake u nga ta ha nzulanzula kambe.