1 Samueli 7:1 - Tshwa Bible

¹ A vanhu va le Kiriate-Jearime va lo ta teka arke ga Jehova va famba nago, va ya gi enghenisa lomu ndlwini ya Abinadaba le xitsungeni. A mufana wakwe Eleazare i lo basiselwa a ntiro wa ku hlayisa a arke ga Jehova.

1 Samueli 7:1 Referans Kwoze

Isaya 52:11

Sukani, sukani, humani lomo! Mu nga khumbi ni xilo xinwe xi nga hlazekangiko! Humani xikari ka gona; ti basiseni! Nwina lava mu rwalako a zibya za Jehova. 2 Kor. 6:17; Kuv. 18:4

Tisimu 132:6

Languta, hi zi zwile le Efrata, Hi yi kumile sinwini ga Jaar.

1 Samueli 6:21

Zonake va lo rumela a mitsumi a kuya ka vanhu va le Kiriate-Jearime, vaku ngalo: A vaFilistia va tlhelisile a arke ga Jehova, ngonani mu ta gi teka gita seyo ka nwina.

Joxua 18:14

Zonake wu renzeleka wu kongoma Muhlwa-gambo hi le Dzongeni ka xitsunga lexi xi cuwukeneko ni Bet-Horoni hi le Dzongeni, zonake wu famba kala le Kiriat-Baali, ku nga Kiriat-Jearime, a muti wa vanana va ka Juda; hi tlhelo ga Muhlwa-gambo.

Joxua 9:17

Ni vanana va ka Israeli va lo suka va famba, va lo chikela le mutini wabye hi siku ga wumbiri; ni miti yabye ku wa hi Gibeoni, na Kefira, na Beroti, na Kiriat-Jearime.

1 Samueli 7:2

A arke gi lo tshama le Kiriate-Jearime xikhati xa hombe nguvu, kala ku mbhela 20 wa malembe, na yontlhe yindlu ya ka Israeli yi kari yi rilela Jehova. Samueli a maha mulamuli wa ka Israeli.

1 Kronekele 13:3

kasi hina hi fela ku neha a arke ga Nungungulu wa hina, hakuva a hi wutisangi ka gona xikhatini xa Saule.