1 Samueli 6:5 - Tshwa Bible

⁵ Hikwalaho mu ta maha zifananiso za zidlayi za nwina ni zifananiso za makondlo lawa ma xakelako a tiko ga nwina, zonake mu ta dzunza Nungungulu wa ka Israeli, kutani i ta hehukisa a canja gakwe hehla ka nwina, ni ka vanungungulu va nwina, ni ka tiko ga nwina.

1 Samueli 6:5 Referans Kwoze

Joxua 7:19

Joxua aku ngalo ka Akana: Nwananga, wulela nanzu wa wena ka Jehova, Nungungulu wa ka Israeli, u mu dzunza, zonake u nzi byela lezo u mahileko, u nga nzi fihleli nchumu.

1 Samueli 5:11

Va lo rumela a vanhu ku ya tsombanyisa tihosi tontlhe ta vaFilistia, vaku ngalo: Tlhelisani a arke ga Nungungulu wa ka Israeli giya kaya ka gona, gi nga hi mbheta ni vanhu va hina. Hakuva ku wa hi ni nyenganyenga ka wontihe muti; hi lezi a canja ga Jehova gi nga tshingile nguvu.

Johani 9:24

Zonake va lo vitana hi xikhati xa wumbiri a munhu loyi a nga hi xikhumu, vaku ngalo ka yena: Dumisa Nungungulu; ha zi tiva lezaku loyi munhu muonhi. Jox. 7:19; 1 Sam. 6:5; Vesi 16

Isaya 42:12

A va kulise Jehova, Va tlhatlhambutela wudumo gakwe matikweni ya le bimbini.

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Tisimu 32:4

Hakuva a mumu ni wusiku a canja ga wena gi wa binzile hehla ka mina; A nzhongo wa mina wu lo womiswa ku fana ni kuvalela ka ximumu. (Sela.)

1 Samueli 5:9

Laha na va gi heleketile, a canja ga Jehova gi lo vukela a muti; ku lo humelela a khombo ga hombe gi riza a vanhu va muti, a vatsongwani ni vahombe, va pomelwa hi zidlayi mimirini yabye.

Kuvululelwa 16:9

Ni vanhu va lo tlahulwa hi mumu wa hombe; va lo rukatela a vito ga Nungungulu loyi a nga ni ntamu hehla ka zixaniso lezo; a va hunzulukangi va mu dumisa. Dan. 5:22, 23; Xip. 11:13

Kuvululelwa 14:7

Yiku ngalo: Chavani Nungungulu, mu mu dumisa; hakuva a xikhati xakwe xa ku lamula xi chikele. Khizamelani loyi a nga maha tilo ni misava ni bimbi ni tihlowo ta mati. Tis. 33:6; Miti. 14:15; Xip. 11:18

Kuvululelwa 11:13

Hi xwalexo xikhati ku wa hi kona a kutsekatseka ka hombe ka misava, ku lo khungumuka a xipanze xa wukhume xa muti; ku dawa a 7,000 wa vanhu hi kutsekatseka loko; lava va nga sele va lo chava, va dumisa Nungungulu wa tilo. Jox. 7:19; Xip. 14:7; 16:19

Malaki 2:2

Loku mu nga xi ingisi, ni loku mu nga xi veki timbilwini ta nwina, lezaku mu dzunza vito ga mina, ku wula Jehova wa tiyimpi, zoriake nzi ta rumela a nzhukano hehla ka nwina, nzi rukatela a makatekwa ya nwina. Ina, nzi sina nzi ma rukatele, hakuva a mu xi khataleli. Deut. 28:15

Joeli 2:25

Nzi ta mu tlhelisela a malembe lawa ma nga giwa hi humbi, ni zidodwani, ni ziwungwani, ni bhanzala, zi nga hi yimpi ya mina leyi nzi nga yi rumela xikari ka nwina.

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Isaya 19:1

Langutani, Jehova i khilele hehla ka refu go hatlisa, A kongoma Gipite. A zifananiso za le Gipite zi ta rurumela mahlweni kakwe, Ni timbilu ta maGipite ti ta panzeka nzeni kabye.

Tisimu 66:3

Muku ka Nungungulu: Yi rewukisa kuyini a mitiro ya wena! Hi kota ya wukulu ga ntamu wa wena a valala va wena va ti koramisa. Deut. 33:29

Tisimu 39:10

U nga ha nzibi; Nza mbhela ntamu hi kuba ka canja ga wena.

Tisimu 18:44

Zalezo va ngazwa ha mina, va lo nzi ingisa, Ni vamatiko va lo ta khoza ka mina.

Mitsengo 33:4

A vaGipite va wa kari va lahla lava Jehova a nga va daya xikari kabye, ma nga wona matewula yabye wontihe, hakuva Jehova i lo tshanza nongameto xikari ka vanungungulu vabye.

Eksodusi 12:12

Hakuva ka gona wusiku lego nzi ta hunza lomu tikweni ga Gipite, nzi daya a matewula wontihe ya tiko ga Gipite, ya vanhu ni ya zifuyo; zonake nzi ta lamula vanungungulu vontlhe va Gipite. Hi mina Jehova. Mitse. 33:4

Eksodusi 8:24

Zinghaho Jehova i lo maha lezo. A mabhawani manyingi ma lota lomu ndlwini ya Faro, ni lomu tindlwini ta malanza yakwe, ni lomu tikweni gontlhe ga Gipite, a tiko gi lo onhakala hi mabhawani.

Eksodusi 8:17

Zonake va lo maha lezo. Aroni i lo tlakusa a canja gakwe na khomile nhonga, aba a tshuri wa misava; wu lo hunzuka wu maha tinhwala lomu ka vanhu ni lomu ka zihari. A tshuri wontihe wu lo hunzuka wu maha tinhwala lomu tikweni gontlhe ga Gipite.

Eksodusi 8:5

Zonake Jehova aku ka Mosi: Byela Aroni uku: Tlakusa a canja ga wena ni nhonga ya wena hehla ka micongo ni lomu ka zicongwana, ni lomu mativeni, u humesa makhele lomu Gipite,

1 Samueli 6:8

Zonake mu ta veka a arke ga Jehova lomu kareteni, mu teka a zilo za nzalama lezi mu nga zi nyikela ka gona, wu nga wona munyikelo wa kuonha, mu zi enghenisa lomu ka xinghaxana, hi laha kusuhani ni arke; zonake mu tsika tihomu ti famba nago.

1 Kronekele 16:28

Nyikani ka Jehova, nwina matiko, Nyikani ka Jehova a wudumo ni ntamu!

1 Kronekele 16:29

Nyikani Jehova a wudumo gi faneleko a vito gakwe! Tanani mahlweni ka nghohe yakwe na mu rwele zinyikiwo; Khizamelani Jehova na mu ambele zobasa.

Jona 3:9

Himani a zi tivako, aku kutani Nungungulu i ta hunzuluka, a tlhela a tsika a zanga yakwe yo tshisa, kasi hi nga lovi ke?