1 Samueli 30:26 - Tshwa Bible

²⁶ Laha Davida a nga wa chikele le Ziklagi, i lo rumela muphango ka masingalakati ya ka Juda ni lomu maxakeni yakwe, aku: Hi lexweni xinyikiwo xa nwina, xa muphango wa valala va Jehova.

1 Samueli 30:26 Referans Kwoze

1 Samueli 25:27

Makunu a xinyikiwo lexi a nanza ga wena a xi nehileko ka hosi ya mina, ngha u nyika majaha lawa ma lanzelako a hosi ya mina.

2 Va le Korinte 9:5

Hi ka lezoke nzi lo alakanya lezaku zi lavekile ku khongotela vamakabye a kuva va ranga vata ka nwina, kasi ka longiselwa khwatsi a xinyikiwo lexi mu nga si na mu xi tsumbisile, kasi xi fela kuva xi longile, na xi hi xinyikiwo xa matsenya, na ku nga hi ku kurumetwa.

Isaya 32:8

Kanilezi a munhu nene i alakanya zinene, I simamisa a yima zineneni. A xiluleko xa vavasati va tshamileko.

Tisimu 68:18

Wena u tlakukela hehla, u yisa a vakhomiwa; U amukele a zinyikiwo hi ka vanhu, Ina, ni xikari ka lava va hluwukileko, kasi Jehova Nungungulu wa fela ku tshama xikari ka vona.

Tisimu 35:27

Ngha va hlalela hi kutsaka lava va ranzako akuva nzi humelela mhakeni, A masiku wontihe ngha va wula, vaku: A khesiwe Jehova, Loyi a xalalako hi kuvuvuma ka nanza gakwe!

2 Tihosi 5:15

Namani i lo tlhela ni vanhu vakwe aya ka munhu wa Nungungulu; laha na chikele i lo yima mahlweni kakwe, aku: Nza zi tiva lezaku a nga kona Nungungulu lomu misaveni yontlhe, saseka lomu tikweni ga ka Israeli. Makunu amukela a xinyikiwo lomu canjeni ga nanza ga wena.

Genesisi 33:11

Maha wuxinji u amukela xinyikiwo xa mina lexi xi nehilweko ka wena, hakuva Nungungulu i nzi mahele wuxinji, ni lezaku nzi na ni zo tala. Yena i lo mu khongotela kala a amukela.

1 Samueli 18:17

Saule i te ngalo ka Davida: Nzi ta ku nyika Merabe, a nʼwana wa mina wa matewula, a kuva sati wa wena, ntsena lezaku wena u tava nghwazi ya mina, ya kulwa tiyimpi ta Jehova. Hakuva Saule i waku mbilwini yakwe: Nzi nga ta tlhateka a canja ga mina hehla kakwe, kanilezi a canja ga vaFilistia gi tava hehla ka yena!

1 Samueli 25:28

Tsetselela a nanza ga wena ka nanzu lowu, hakuva Jehova i ta tiyisa futsi a yindlu ya hosi ya mina, hakuva a hosi ya mina yilwa a yimpi ya ka Jehova, cima ni kubiha ku nga ta kumiwa ka wena ka wontihe masiku ya wena.

1 Samueli 30:20

Davida i lo teka zontlhe zifuyo lezi za zitsongwani ni lezi za hombe; zonake a vanhu lava va nga wa gula mitlhambi va rangela mahlweni va waku: Lowu muphango wa Davida.

1 Samueli 30:25

Ku lo mahisa lezo kusukela lego siku kuya mahlweni, ku lo maha lezo; va lo zi maha xileletelo ni nayo lomu ka Israeli kala legi siku.

2 Samueli 1:1

Anzhako ka kufa ka Saule, Davida na hi ku wuya hi le ko ya hlasela vaAmeleki, na tshamile masiku mambiri le Ziklagi;