1 Samueli 30:16 - Tshwa Bible

¹⁶ I lo mu heleketa, va ya va kuma na va mbambamele ka wontihe matlhelo ya tiko, na va kari vaga, vanwa, na va tsakela muphango lowo wa hombe va phangileko tikweni ga vaFilistia, ni le tikweni ga ka Juda.

1 Samueli 30:16 Referans Kwoze

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6

Isaya 22:13

Kanilezi nwina mu lo maha migiyo ya litsako, mu lo tlhava tikavi ni tiyivu; ku giwa tinyama, ku nwiwa vinya, muku: A hi geni, hinwa, hakuva manziko hi tafa!

Joba 20:5

A kukhana ka vakubiha ku komile, Ni kutsaka ka mukhohlisi ka xikhatanyana ke?

2 Samueli 13:28

Absalome i lo leletela malanza yakwe, aku: Xiyisisani khwatsi, a xikhati lexi a mbilu ya Amnoni yi tangeleko hi vinya, ni loku nziku ka nwina: Dayani Amnoni! Dayani futsi. Mu nga mu chavi! Ma zizwa lezo ke? Tiyani, muva vavanuna va tinhenha!

1 Samueli 30:14

Hi wa lo ya hlasela le Dzongeni ga vaKereti ni le tikweni ga ka Juda hi le Dzongeni ga ka Kalebi, hi hisa na Ziklagi. Jox. 14:13; Ezek. 25:16; Zef. 2:5

Eksodusi 32:6

Zonake va lo vuka ni mixo va maha miphahlo yo hiswa ni miphahlo ya ku khesa. Zonake va lo tshama lahasi vaga, vanwa, va suka va hlakana.

Joxua 22:8

I lo wulawula ka vona, aku: Tlhelani matendeni ya nwina na mu hi ni pfuno wa hombe, ni zifuyo zo tala, ni siliva, ni nzalama, ni suku, ni ziketse, ni tinguwo to tala nguvu. Avelanani ni vamakabye va nwina lezi mu phangileko za valala va nwina. Mitse. 31:26; 1 Sam. 30:24

1 Samueli 30:15

Davida i te ngalo kakwe: Wa zi kota ku nzi heleketa ka yimpi leyo ke? Aku: Hlambanya ka Nungungulu lezaku u nga ta nzi daya, hambu ku nzi nyikela mandleni ya nwinyi wa mina, zonake nzi ta ku heleketa ka yimpi leyo.

Tisimu 119:162

Nza tsakela kuwula ka wena, Khwatsi hi munhu a kumako muphango wa hombe.

Isaya 9:3

U anzisile a tiko, u kulisile kutsaka kabye; Va tsakile mahlweni ka wena ku khwatsi hi lava va tshovelako, Va hlalela kukotisa vanhu va avelanako muphango.

Valamuli 8:11

Gideoni i lo kanziha hi ndlela ya lava va tshamako matendeni, hi tlhelo ga Mutsuwuka-gambo, ka Noba na Jagobeha, a ya hlasela mabutho lawa ma nga wa rivatekile.

1 Kronekele 4:43

Va lo ta hlasela a vaAmaleki lava va nga wa sele, va aka lomo kala nyamutlha.