1 Samueli 3:19 - Tshwa Bible

¹⁹ Samueli i lo kula, Jehova na hi zinwe naye, a nga tsiki hambu ni yinwe ya timhaka ta Jehova yi wa lahasi.

1 Samueli 3:19 Referans Kwoze

Genesisi 39:2

Jehova i wa hi zinwe na Josefa; i wa hi munhu a nga hi ni thomo; a tshama lomu ndlwini ya nwinyi wakwe a muGipite.

1 Samueli 9:6

Kanilezi a nanza gi te ngalo kakwe: Ku na ni munhu wa Nungungulu laha ka muti lowu, a munhu wo dzunzeka; zontlhe lezi a zi wulako za maheka. A hiye kakwe kutani i ta hi byela za pfhumba ga hina, lezaku i ndlela muni hi faneleko ku famba ha yona.

1 Tihosi 8:56

A ku dumiswe Jehova loyi a nyikileko kuhumula ka vanhu vakwe va ka Israeli, kota lezi a wulileko! Cima a ku kona ni gezu ginwe gi wileko ka wontihe magezu lawa yo saseka a ma tsumbisileko ka nanza gakwe Mosi. Deut. 12:10; Jox. 21:45; 23:14

Luka 2:52

Jesu i lo enzelekelana hi kutlhariha ni kukula, ni tipswalweni mahlweni ka Nungungulu ni vanhu.

2 Timote 4:22

A Hosi a yive ni moya wa wena. A tipswalo a tive na nwina.

1 Samueli 2:21

Jehova i lo enzela Hana, a xura tinyimba a pswala vafana vanharu ni vanhanyana vambiri. Kanilezi mufana Samueli i lo kulela mahlweni ka Jehova.

2 Va le Korinte 13:11

Hi kugumesa vamakabye, tsakani mu mbheleliswa, ni ku tangalisana. Ngha mu hi ni kupima kunwe, mu tshama hi kurula; Nungungulu wa liranzo ni wa kurula i tava na nwina. Rom. 12:16; 1 Kor. 1:10; 1 Ped. 3:8

Luka 2:40

A nwanana i lo kula, a ngangamukelana hi ntamu, na a tele hi kutlhariha; ni tipswalo ta Nungungulu ti wa hi ka yena. vesi 52; Xip. 1:80

2 Va le Korinte 13:14

A tipswalo ta Hosi Jesu Kristu, ni liranzo la Nungungulu, ni kutlhangana ka Moya wa ku Basa, a zive na nwina nwenthle.

Luka 1:80

A nwanana i lo kula, a ngangamukelana hi ntamu moyeni; zonake i wa hi le xiwuleni ku kala siku lego a nga huma ha gona xikari ka vaIsraeli. Xip. 2:40

Isaya 43:2

Hambu loku u tsemakanya matini, nzi tava na wena, Loku U tsemakanya micongo, cima u nga ta mhemba, Loku u famba lomu nzilweni u nga taswa, Ge hambu ku hiswa hi malangavi. Tis. 23:4; Mar. 16:18

1 Samueli 18:14

Davida i lo vuvuma mitirweni yakwe yontlhe, na Jehova i wa hi zinwe naye.

Mateu 1:23

Langutani, a nhwana i ta xura nyimba, i ta beleka nisanyana, Va ta mu chula vito gakwe aku hi Immanueli; lezo hi ku tlhamusela zi wula ku ngalo: Nungungulu i na hina. Isa. 7:14

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Genesisi 21:22

Zonake hi lexo xikhati Abimeleki na Fikole a nduna ya yimpi yakwe, va lo wulawula ka Abrahama, vaku: Nungungulu i na wena ka zontlhe lezo u zi mahako.

Luka 1:28

A ngelosi yi lo ta enghena, yiku kakwe; Xewe, wena loyi u kumileko thomo, a Hosi yi na wena. Dan. 9:23; 10:19; Vala. 6:12

Valamuli 13:24

A wasati i lo pswala nisanyana, a mu chula vito ga Samsoni. A xihlangana lexo xi lo kula, Jehova a xi katekisa.

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

1 Samueli 12:2

Makunu a hosi leyi yi ta nga mu rangela hi leyi; kasike mina nzi khosahele, nzi na ni wuvu, kanilezi a vana va mina va kona xikari ka nwina. Mina nzi mu rangele kusukela wujaheni ga mina, kala legi siku.

1 Samueli 16:18

A munwe wa malanza yakwe i lo hlamula, aku: Mina nzi wonile a munwe wa vanana va Jese wa le Betlehema, loyi a nga mubi wa xitende, a wanuna wa nhenha, loyi a zi kotako ku khoma tlhari, a xitlhatlha kuwulawuleni, a munhu a sasekileko, loyi Jehova a nga na yena.

Genesisi 39:3

A nwinyi wakwe i lo wona lezaku Jehova i zinwe naye, ni lezaku zontlhe lezi a zi mahako, Jehova wa zi vuvumisa canjeni gakwe.

Deuteronome 18:22

Tiva lezaku loku muprofeti a wulawula hi vito ga Jehova, zonake a mhaka leyi yi nga humeleli, leyi hi yona a mhaka yi nga wulwangiko hi Jehova; a muprofeti i wulawulile hi matshanza yakwe; u nga mu chavi. Jer. 28:9

Joxua 21:45

Ku wa nga hi kona a gezu ni ginwe gi wileko hasi ka wontihe magezu yo saseka laya Jehova a nga wa wulawula ka Yindlu ya Israeli: zontlhe zi lo maheka. Jox. 23:14; 1 Tih. 8:56

1 Samueli 2:26

Mufana Samueli yena i wa kula na a xalalisa Jehova ni vanhu kambe. Lu. 2:40, 52

1 Samueli 10:7

Makunu laha zi ta nga maheka lezi zikombiso ka wena, u ta maha lezi zi ta nga woneka khwatsi ka wena, hakuva Nungungulu i zinwe na wena.

1 Samueli 18:5

Davida i wa humahuma aya kontlhe lomu a nga wa rumiwa hi Saule, na a hi munhu wo ti lonzowota. Saule i lo mu yimisa a kuva nduna ya vanhu va yimpi. I lo xalalisa vontlhe vanhu, hambu ni malanza ya Saule.

1 Samueli 18:12

Zonake Saule i lo chava Davida, hakuva Jehova i wa hi zinwe naye, na tizwa yena wutsumbu a hi kule na Jehova.

2 Tihosi 10:10

Pimani makunu lezaku cima ku hava ni ginwe gezu ga Jehova legi a nga gi wula xungetano hi yindlu ya Ahabi gi ta nga tsanzeka; ma wona, Jehova i mahile khwatsi hi lezi a nga wula hi nanza gakwe Elija.

2 Tihosi 15:12

Legi hi gona a gezu legi Jehova a nga byela Jehu, aku: A vana va wena va ta tshama xitshanwini xa wuhosi ga ka Israeli kala xizukulwana xa wumune; zi lo mahisa zalezo.

2 Tihosi 22:16

Nzi ta neha a khombo ka legi wutshamu ni hehla ka vanhu va gona, ti nga tona a timhaka tontlhe ta bhuku legi a hosi ya ka Juda yi gi gonzileko.

Isaya 55:11

Yi tava tano a mhaka ya mina yi humako nonwini wa mina; Yi nga ta tlhelela ka mina mahala; Kanilezi yi ta maha lezi nzi zi xuvako, Yi ta hetisa lezi nzi yi rumeleko zona, Joh. 6:63; Miti. 12:24