1 Samueli 26:18 - Tshwa Bible

¹⁸ I lo wutisa aku: Hi kuyini a hosi ya mina yi hlongola a nanza gakwe? Xini nzi mahileko? Xionho muni xi nga mandleni ya mina?

1 Samueli 26:18 Referans Kwoze

1 Samueli 24:9

Zonake Davida i te ngalo ka Saule: Hi kuyini u ingisako a timhaka ta vanhu lava va nge: Languta, Davida i hlota wutomi ga wena ku gi lamata?

Johani 18:23

Jesu i lo hlamula, aku: Loku nzi wulawulile kubiha, kombisa a kubiha ka kona; kanilezi loku nzi wulawulile khwatsi, hi yini u nzi phakatako ke?

Johani 10:32

Jesu aku ngalo kabye: Nzi mu kombisile a mitiro yinyingi yo saseka ya le ka Dadani; hi wihi wa yona mu nzi gandlako hi kota ya wona ke?

Johani 8:46

Hi wihi ka nwina a nzi konako hi kuonha ke? Loku nzi wula zinene, hikuyini mu nga nzi kholwiko ke?

Tisimu 69:4

Lava va nzi vengako handle ka nanzu Va tele ku hunza misisi ya hloko ya mina; Va na ni ntamu lava va hlotako ku nzi lovisa, Na va hi valala va mina handle ka xigelo. Nzi fanele ku tlhelisa lezi nzi nga yivangiko. Joh. 15:25

Tisimu 35:7

Hakuva ahandle ka mhaka va nzi dembele ntlhamu; Va nzi kelele rinzi go susa wutomi ga mina ahandle ka xigelo. Miti. 22:15

1 Samueli 17:29

Davida i lo hlamula, aku: Makunu nzi lo maha yini? A nanzu hi wihi loku nzi wula lezo?

Tisimu 119:161

A tihosana ta nzi xanisa handle ka nanzu, Kanilezi a mbilu ya mina yi chava mhaka ya wena.

Jeremia 37:18

Zonake Jeremia i lo wutisa hosi Zedekia, aku; Xana nzi ku onhele yini, ni malanza ya wena, ni lava vanhu, kala mu nzi khotsela lomu paxweni ke?

1 Samueli 20:1

Davida i lo tsutsuma le Naiote wa Rama aya ka Jonatani a ya ku kakwe: Xini nzi mahileko? I nanzu muni nzi nga nawo, na xi hi xionho muni nzi onheleko raru wa wena lezi a hlotako wutomi ga mina?