1 Samueli 20:24 - Tshwa Bible

²⁴ Zonake Davida i lo fihlala lomu masinwini. Loku ku woneka a hweti yiswa, a hosi yi lo tshama laha mezeni a kuga zakuga.

1 Samueli 20:24 Referans Kwoze

Mavingu 21:3

A ku maha kululama ni nongameto, a amukeleka ka Jehova ku hunza muphahlo. 1 Sam. 15:22; Isa. 1:11; Hos. 6:6

Mavingu 17:1

A wukoko ntsena laha ku nga ni kurula, i hunza a yindlu leyi yi teleko hi kuga ko nanziha na yi hi ni timholova.

Mavingu 15:17

A kuga ka matluka laha ku nga ni liranzo, u hunza a homu yi nonileko laha ku nga ni timholova.

Mavingu 4:17

Hakuva a kubiha xibaba lexi va gako xona, anwa vinya ga tihanyi.

Johani 18:28

Zonake va lo huma na Jesu le ka Kayafasi, va mu yisa ndlwini ya wuhosi, yi wa hi mixo nguvu. Vona a va enghenangi ndlwini ya wuhosi, va nga ti nyenyezisa, kasi va ta zi kota kuga a pasika. Mat. 27:2; Mar. 15:1; Lu. 23:1; Miti. 3:13; 10:28; 11:3

Zakaria 7:6

Loku muga, munwa, a mu geli ni ku nwela a wutsumbu ga nwina ke?

Mavingu 21:27

A muphahlo wa loyi wa kubiha manyalataniso; guvunguvu loku a wu nyikela hi makungo ya kubiha.

1 Samueli 20:5

Davida i te ngalo ka Jonatani: Manziko i hweti yiswa, nzi wa yimelwe hi ku tshama kugeni zinwe ni hosi; kanilezi nzi ta ya fihlala le masinwini kala ku chikela a siku ga wunharu laha gambyeni.

1 Samueli 20:23

Kanilezi Jehova i kustumunyu kala kupinzuka ka mhaka leyi hi wulawulileko mina na wena.

1 Samueli 20:25

A hosi yi lo tshama hi ka xitshamu lexi yi tolobeleko ku tshama ka xona laha khurisini; Jonatani i wa yimile, na Abneri a tshamile hi laha reveni ga Saule. Kanilezi a xitshamu xa Davida xi wa nga hi na munhu.