1 Samueli 20:2 - Tshwa Bible

² Jonatani aku kakwe: Za hava lezo! Cima u nga tafa! Dadani a nga na ku maha nchumu xa hombe, hambu xi tsongwani, na a nga nzi tivisangi. Xana dadani i ta nzi fihlela mhaka leyo ke? A hi zona!

1 Samueli 20:2 Referans Kwoze

Johani 17:8

Hakuva nzi va nyikile a timhaka leti u rizi nyikileko tona; va ti amukele, va zi tiva lezaku kunene nzi humele hi ka wena, va kholwa ku ngalo u nzi rumile. Xip. 12:49; 16:27

1 Samueli 9:15

Kasike hi tolo wa kona, na Saule a nga se ku chikela, Jehova i wa tivisile Samueli, aku:

1 Samueli 20:12

Jonatani aku ka Davida: Jehova Nungungulu wa ka Israeli i kustumunyu! Loku mina nzi hlolisisile ka dadani, manziko kutani mondlwani hi xwalexi xikhati, loku ma hi mahungu yo saseka xungetano na Davida, nzi nga ta ku rumela gezu go ta ku tivisa;

1 Samueli 14:45

Kanilezi a vanhu va te ngalo ka Saule: Xana Jonatani i tafa, yena loyi a tirileko a kuhanyisa ka hombe ka ku nghahi lomu ka Israeli ke? Za hava lezo! Hi hlambanya ha Jehova a hanyako, cima ku nga ta kuva kona ni munwe a sisi wa hloko yakwe wu ta ngawa lahasi, hakuva Jonatani i tirile na Nungungulu legi siku! Zinghaho a vanhu va lo tlhatlhisa Jonatani, a nga dawi.

Joxua 22:29

A zive kule na hina lezaku hi hluwuka ka Jehova ni ku fularela Jehova legi siku hi aka a alati ga minyikelo ya kuhiswa, ni miphahlo, ahandle ka alati ga Jehova Nungungulu wa hina, legi gi nga mahlweni ka tabemakeli gakwe.

Genesisi 44:7

Vaku kakwe: Hikuyini a hosi ya hina yi wula timhaka ta kunghahi? A zive kule ni malanza ya wena a ku maha a zilo za kunghaho!

Johani 15:15

A nza ha mu vitani lezaku mu malanza; hakuva a nanza a gi zi tivi lezi zi mahiwako hi hosi ya gona; kanilezi nzi mu vitanile nziku mu maxaka, hakuva nzi mu tivisile zontlhe lezi nzi nga zizwa ka Dadani. Miti. 20:27

Luka 20:16

I tata a ta lovisa lavo varimi, a nyikela xivini ka vanwani. Laha va nga zi zwile, vaku ngalo: Zi nga dzuki ziva tano!

Isaya 50:5

Hosi Jehova i nzi vululele a ndleve, A nzi alangi, a nzi tlhelelangi nzhako.

Tisimu 40:6

A miphahlelo ni minyikelo a ku tsaki ha yona; U vulule a tindleve ta mina; A ku ranzi a miphahlo ya kuhiswa ni minyikelo ya kuonha. Isa. 1:11; Mika 8:7; Maheb. 10:5

Joxua 24:16

Ni vanhu va lo hlamula vaku ngalo: A zive kule na hina leʼza ku tsika Jehova hi ya khozela vanwani vanungungulu!

1 Samueli 20:1

Davida i lo tsutsuma le Naiote wa Rama aya ka Jonatani a ya ku kakwe: Xini nzi mahileko? I nanzu muni nzi nga nawo, na xi hi xionho muni nzi onheleko raru wa wena lezi a hlotako wutomi ga mina?

1 Samueli 20:3

Zonake Davida i lo hlambanya aku: A raru wa wena wa zi tiva lezaku mina nzi kumile thomo mahlweni ka wena, zonake i taku: Jonatani ngha a nga tivi a mhaka leyi, yi nga mu tsanwisa! Kanilezi nzi hlambanya ha Jehova a hanyako, ni muhefemulo wa wena wu hanyako; ko sala xipimo xa zambo ginwe basi a kuva nzi chikela kufeni.

Mavingu 29:24

Loyi a hlengelako ni khamba, i venga muhefemulo wakwe; oku a hlambanyiswa, cima a nga wuli nchumu.