1 Samueli 20:13 - Tshwa Bible

¹³ Jehova a mahe hi ntamu ka Jonatani, ni ku engeta kambe! Ni kambe loku dadani a xuva ku maha kubiha ha wena, nzi ta ku tivisa nzi ku byela lezaku u tsutsuma, u famba hi kurula. Jehova a ave zinwe na wena khwatsi hi lezi a nga hi zinwe na dadani.

1 Samueli 20:13 Referans Kwoze

1 Kronekele 22:16

Kasike a nzalama ni siliva, ni suku ni ziketse, zona a zi hlayiwi. Suka u tira! Jehova ave zinwe na wena!

1 Kronekele 22:11

Makunu, nwananga, ngha Jehova ava zinwe na wena, u vuvuma, u aka a yindlu ya Jehova Nungungulu wa wena, khwatsi hi lezi yena a wulileko xungetano ha wena.

1 Samueli 17:37

Davida a engeta aku: Jehova loyi a nga nzi ponisa canjeni ga nghala ni ga urso, hi yaloye a ta nga nzi ponisa canjeni ga loyi muFilistia. Zonake Saule i te ngalo ka Davida: Famba, Jehova ave na wena!

Rute 1:17

Laha u ta nga fela kona, minawu nzi ta fela laho, nzi lahliwa kwalaho. Ngha Jehova a nzi tsayisa nguvu loku nzi vumela a xilo xo kari ku nzi hambanyisa na wena, ahandle ka kufa.

Joxua 1:5

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

1 Samueli 3:17

Eli aku: Xini a nga ku byela? U nga fihli nchumu ka mina. Nungungulu a mahe lezo ka wena ni ku engeta, loku u nzi fihlela a yinwe ya timhaka leti a ku byelileko!

Va le Filipi 4:9

Zontlhe lezi mu nga zi gonza, ni ku amukela, mu zizwa ni ku wona ka mina, zi maheni; zonake a Nungungulu wa kurula i tava na nwina.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

1 Tihosi 20:10

Ben-Hadade i lo engeta a rumela mhaka ka Ahabi, aku: A vanungungulu a va nzihe hi ntamu ni ku engeta, loku a ntshuri wa Samaria wu enela ku tatisa a mandla ya vontlhe vanhu lava va nzi lanzelako.

1 Tihosi 19:2

Zonake Jezebeli i lo rumela ntsumi ka Elija, aku: A vanungungulu a va nzi tsayise ni ku engeta, loku manziko hi xwalexi xikhati nzi nga ku dayi, kota lezi u nga dayisa zona munwe ni munwani wa vona,

2 Samueli 19:13

Mu ta ku ngalo ka Amasa: Kasi wena aku marambu ya mina ni nyama ya mina ke? Nungungulu a nzi tsayise makunu ni ku engetela, loku wena u nga yimisiwi a kuva nduna ya yimpi mahlweni ka mina kala kupinzuka wutshanwini ga Joabe.

2 Samueli 7:15

Kanilezi a wunene ga mina gi nga ta suka ka yena, khwatsi hi lezi nzi gi susileko ka Saule, loyi nzi mu susileko mahlweni ka wena.

2 Samueli 3:35

A vanhu vontlhe va lo ta khongotela Davida lezaku aga zakuga na ka hi hlikanhi; kanilezi Davida i lo hlambanya, aku: Nungungulu a mahe hi ntatau, ni ku engeta ka mina, loku mina nziga zibaba, hambu ni xihi xilo, na gi nga se ku pela gambo!

1 Samueli 25:22

Nungungulu a mahe hi mintamu ni kuengeta a ka valala va Davida, loku nzo siya wanuna munwe a hanyako ka zontlhe lezi a nga nazo, a kuceni ka mixo.

1 Samueli 18:12

Zonake Saule i lo chava Davida, hakuva Jehova i wa hi zinwe naye, na tizwa yena wutsumbu a hi kule na Jehova.

1 Samueli 14:47

Zinghaho laha Saule a nga wa enghenile kufumeni ka ku fumela Israeli, i lo hlasela vontlhe valala lava va nga wa mu ranzele va mu veka xikari, va nga vona vaMoabi, ni va ka Amoni, ni vaEdomi, ni tihosi ta le Zoba, ni vaFilistia; ni kwihi laha a nga waya, i wo ya hlula.

1 Samueli 10:7

Makunu laha zi ta nga maheka lezi zikombiso ka wena, u ta maha lezi zi ta nga woneka khwatsi ka wena, hakuva Nungungulu i zinwe na wena.

1 Samueli 19:3

Kasike mina nzi ta huma nzi ya yima kusuhani na dadani le handle, hi tlhelo lego u nga kona wena; nzi ta ku wulawulela ka dadani lezo nzi ta nga zi wona ka yena, nzi ta ku byela.

1 Samueli 20:12

Jonatani aku ka Davida: Jehova Nungungulu wa ka Israeli i kustumunyu! Loku mina nzi hlolisisile ka dadani, manziko kutani mondlwani hi xwalexi xikhati, loku ma hi mahungu yo saseka xungetano na Davida, nzi nga ta ku rumela gezu go ta ku tivisa;

1 Samueli 20:14

Loku mina nzi simama nzi hanya, u ta nzi hlayisa hi wuxinji ga ka Jehova, kasi nzi fela ku kala nzi ngafi.

1 Tihosi 1:37

Khwatsi hi lezi Jehova a nga wa hi zinwe ni hosi ya mina, zinghaho ave na Solomoni kotisa zalezo, a kulisa a xitshamu xa yena xa wukosi ku hunza xitshamu xa wukosi xa Davida a nwinyi wa mina!