1 Samueli 15:23 - Tshwa Bible

²³ Hakuva a kuhluwuka ku fanana ni wutumbe, ni xikanikani xi fanana ni ku khozela xifananiso ni terafime. Makunu kota lezi u alileko a gezu ga Jehova, yenawu i ku alile; u nga ha ta kuva hosi kambe.

1 Samueli 15:23 Referans Kwoze

Jeremia 28:16

Hikwalaho Jehova i ngalo: Nzi ta ku susa misaveni; u tafa hi lembe gwalegi, hakuva u kanele kuhluwuka u vukela Jehova.

1 Samueli 13:14

Kanilezi makunu a mufumo wa wena cima wu nga ta simamisa, Jehova i ti lavele munwani munhu loyi yena a mu ranzako. I ta mu yimisa a kuva hosi hehla ka vanhu vakwe, hakuva wena a ku hlayisangi lezi Jehova a ku leleteleko zona. Tis. 89:20; Miti. 13:22

Levi 20:6

Loku munhu aya ka zitumbe ni ka vangoma, a bhaya zinwe navo, nzi ta mu cuwukisa hi mahlo ya makayi, nzi mu susa ka va ka kabye.

Va le Galatia 5:20

Ni ku khozela vanungungulu va hava, a wutumbe, a wulala, a timholova, a xiluse, a zanga, a kubangana, a kuhambana, a kukanetana,

Jeremia 29:32

hikwalaho Jehova i ngalo: Mina nzi ta tsayisa Xemaya wa le Nehelame ni vana vakwe; a nga tava na munhu wo tshama xikari ka tiko legi, kambe a nga ta wona makatekwa lawa nzi to mahela a vanhu va mina, ku wula Jehova, hakuva i wulawulile zo vukela Jehova.

2 Va le Korinte 6:16

Ku kwihi a kuvumelana ka tempeli ya Nungungulu ni zifananiso za vanungungulu va mawunwa ke? Hina hi tempeli ya Nungungulu a hanyako, kota lezi Nungungulu a ngaku ngalo: Nzi ta tshama ka vona, nzi fambafamba xikari ka vona; nzi ta maha Nungungulu wabye, vona va ta maha vanhu va mina. Levi 26:12; Jer. 31:33; Ezek. 36:28

Tisimu 107:11

Hakuva va wa alile timhaka ta Nungungulu, Va kanyisa a makungo ya loyi a Hunzeleleko Kutlakuka,

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

Eksodusi 22:18

U nga tsiki a xitumbe xa wasati xi hanya.

Genesisi 31:34

Makunu Rakeli i wa tekile a materafime a ma tumbeta lomu ka xigabhatsa xa kameli a xi tshamela. Labani i lo lavisisa kontlhe lomu tendeni, kanilezi a nga ma kumangi.

Genesisi 31:19

Labani i wa yile ku ya kaya tiyivu; Rakeli i lo yiva materafime ya raru wakwe. Vala. 17:5; 1 Sam. 19:13; Hos. 3:4

Joba 34:37

Hakuva wa engetela xionho xakwe hi ku hluwuka, I phakatela mandla yakwe xikari ka hina, A enzelekisa timhaka takwe, a vukela Nungungulu.

Deuteronome 9:7

Alakanya, u nga rivali lezaku u zangarisile kuyini Jehova Nungungulu wa nwina le xiwuleni; nwina mu vukele Jehova kusukela a siku lego a ku humesileko tikweni ga le Gipite, kala mu chikela ka legi wutshamu, Ekso. 14:11; Mitse. 11:4; Tis. 95:10

Levi 20:27

Loku wanuna kutani wasati a ta nga wutisa ka tinguluve, kutani loye a nga xitumbe, va ta dawa, va gandliwa hi maribye; a nkhata wabye wu tava hehla kabye.

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6

Isaya 19:3

A moya wa Gipite wu ta titivala nzeni kabye, Nzi ta hangalasa makungo yabye, Va ta tsutsumela zifananisweni ni ka vangoma, Ni lava va humesako mimoya ya vafileko ni vavumbi.

Isaya 8:19

Loku vaku ka nwina: Wutisani lava va humesako mimoya ya vafileko, ni vavumbi lava va hlevako ni ku nʼununʼuta, hlamulani, muku: A vanhu a va faneli ku wutisa a Nungungulu wabye ke? ku nga wutisiwa a vafileko a timhaka ta laʼva hanyako ke? Deut. 18:11; 1 Sam. 28:11

1 Samueli 16:1

Jehova i te ngalo ka Samueli: Kala rini na wa ha rilela Saule, laha u zi wonako lezaku mina nzi mu alele kuva hosi ya ka Israeli? Tata xikudzana xa wena hi mafura uta, nzi ta ku ruma ka Jese wa le Betlehema, i kona nzi mu wonileko xikari ka vanana va Jese, loyi a faneleko ku maha hosi. Miti. 13:22

Deuteronome 9:24

Nwina mu wa hi ni mijiri ha Jehova kusukela siku lego nzi nga sangula ku mu tiva nwina.

Mitsengo 14:9

Ntsena mu nga ti alisi mu vukela Jehova; kambe mu nga chavi a vanhu va tiko lego, hakuva vona va ta kuva kuga ka hina. A va na wuponelo, hilezi Jehova i na hina; mu nga va chavi.

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.

Mitiro 13:22

Kanilezi i lo mu susa, a yimisa Davida a kuva hosi yabye, loyi Nungungulu a nga maha wukustumunyu ha yena, aku: Nzi mu kumile Davida nʼwana Jese, a nga munhu wa mbilu ya mina, loyi a ta nga maha kontlhe kuranza ka mina. 1 Sam. 16:1, 13; Tis. 89:20

1 Samueli 28:3

Makunu lexo xikhati Samueli i wa file, ni vontlhe va ka Israeli va wa mu rilile, va mu lahla le Rama lomu mutini wakwe. Saule i wa hlongole vamandiki ni zitumbe lomu tikweni. Ekso. 22:18; Levi 19:31

2 Samueli 7:15

Kanilezi a wunene ga mina gi nga ta suka ka yena, khwatsi hi lezi nzi gi susileko ka Saule, loyi nzi mu susileko mahlweni ka wena.

2 Samueli 12:9

Hi kuyini u xanza a mhaka ya Jehova hi ku maha lezi zi bihileko mahlweni kakwe ke? U dele Uria a muHiti hi tlhari, u tlhela u mu tekela ni sati wakwe a maha wa wena; u mu daya ni tlhari ga vanana va ka Amoni.

1 Kronekele 10:13

Zinghaho Saule i lofa hi kota ya zionho zakwe lezi a nga onhela ha zona Jehova, hi kota ya gezu ga Jehova legi a nga kala ku gi hlayisa a vitana a mufi ku ta mu byela timhaka. 1 Sam. 15:10

Jeremia 16:12

Kasike nwina mu mahile zo biha ni ku hunza a vararu va nwina; hakuva munwe ni munwani wa nwina i te hutsetse kunonoheni ka mbilu yakwe yo biha, lezaku mu nga nzi ingisi.

Hosea 3:4

Hakuva a vanana va ka Israeli va ta tshama masiku manyingi na va nga hi na hosi, va nga hi na hosana, va nga hi na miphahlelo, va nga hi na mhinga, va nga hi na efodi kutani terafime.

Joxua 22:15

Na vona va lota ka vanana va ka Rubeni, ni ka vanana va ka Gadi, ni ka khihlanya ga lixaka la ka Manasa, le tikweni ga le Gileade, va lo ta wulawula zinwe navo, vaku:

Hosea 13:11

Nzi ku nyikile a hosi zangeni ya mina, nzi ta yi susa hi khulo ga mina.