1 Samueli 15:11 - Tshwa Bible

¹¹ Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6

1 Samueli 15:11 Referans Kwoze

1 Samueli 13:13

Samueli aku ka Saule: U mahile wupumbu; a ku hlayisangi zileletelo za Jehova Nungungulu wa wena, lezi a nga ku leletele zona. Hakuva Jehova ngha a wa yimisile mufumo wa wena hehla ka va ka Israeli kala kupinzuka.

Genesisi 6:6

Zonake Jehova i lo ti laya hilezi a vangileko a munhu misaveni, i lo xaniseka mbilwini yakwe.

Tisimu 119:136

A mahlo ya mina ma khulunga a micongo ya mati, Hakuva a va hlayisi nayo wa wena.

2 Samueli 24:16

Makunu laha a ngelosi yi nga tlakusile a canja ga yona hehla ka Jerusalema a kuva yi gi lovisa, Jehova i lo tlhela kubiheni loko, aku ka ngelosi leyi yi lovisako vanhu: Basi, ku enele! Humuta a canja ga wena makunu! A ngelosi ya Jehova yi wa hi laha kusuhani ni nzhimbo wa Arauna a mujebusi. Ekso. 12:23

Jeremia 9:18

A va hatle, va hi bela nkosi, Kasi a mahlo ya hina ma humesa mihloti, Ni tikohe ta hina ti tala hi mati!

Tisimu 36:3

A timhaka ta nomu wakwe ti bihile ni ku khohlisa; I tsikile wutlhari ni ku maha kusasa.

1 Samueli 15:35

Samueli a nga ha engetangi kambe a wonana na Saule kala siku ga kufa kakwe, hakuva Samueli i lo rilela Saule, hakuva Jehova i wa ti laya hi lezi a nga yimisa Saule a kuva hosi ya ka Israeli.

1 Samueli 15:9

Kanilezi Saule ni vanhu vakwe va lo tsika Agagi ni wulangelwa ga tiyivu, ni ga tihomu ti nonileko, ni ga zifuyo zinwani, ni tiyivana, ni zontlhe zo saseka, a nga lavangi ku zi lovisa. Kanilezi zontlhe lezi zi nga nyawuliko va lo zi lovisa.

1 Samueli 15:3

Makunu lezi famba u ya hlasela vaAmaleki, u lovisa zontlhe lezo va nga nazo; u nga va nyenyeleteli, kanilezi daya vontlhe vavanuna ni vavasati, ni vananani tisana ta ha anwako, ni tihomu, ni tiyivu, ni makameli, ni timbongola.

Maheberu 10:38

Loyi a lulamileko wa mina i ta hanya hi kukholwa; Kanilezi loku a tlhelela nzhako, a muhefemulo wa mina a wu tsaki ha yena. Gal. 3:11

Mateu 5:44

Kanilezi mina nziku ka nwina: Ranzani valala va nwina, mu kombelela lava va mu xanisako; Lu. 6:27, 35; 23:34; Miti. 7:60

Jeremia 13:17

Kanilezi loku mu nga zi ingisi, Nzi ta rila zihundleni hi kota ya matshanza ya nwina, A mahlo ya mina ma ta rila nguvu, ma humesa mihloti, Hakuva a tlhambi wa Jehova wu yisiwa wukhumbini.

Jeremia 9:1

O mayiwako! loku a hloko ya mina yi wa hi mati, Ni mahlo ya mina a kuva xibuka xa mihloti, Kasi nzi zi kota mumu ni wusiku a ku rilela Lava va delweko va nhwana wa vanhu va mina!

Tisimu 125:5

Kanilezi lava va hambukako tindleleni tabye ta kubiha, Jehova i ta va lobyisa zinwe ni vagohi. A kurula a kuve hehla ka Israeli! Gal. 6:16

Tisimu 110:4

Jehova i hlambanyile, cima a nga ta hunzula: Wena u mupristi kala kupinzuka Hi tshamela ga Melkizedeki. Gen. 14:18; Maheb. 5:6, 10; 6:20

Tisimu 109:4

Va tlhelisela a liranzo la mina hi livengo, Kasi mina nzi kombela.

Tisimu 78:57

Va lo tlhelela nzhako, va khohlisa kota vararu vabye, Vaku khwatsi hi wura legi gi khohlisako.

1 Samueli 12:23

Kasike loku ku hi mina, a zive kule na mina ku gohela Jehova, hi ku tsika ku mu khongelela, kanilezi nzi ta mu gonzisa a ndlela yi nene ni ya nongameto.

Joxua 22:16

A tlhangano wontihe wa Jehova, wu ngalo: Xana kuhambuka ka kuyini loku mu ku mahileko mu vukela Nungungulu wa ka Israeli, lezi mu fularelako Jehova legi siku, mu ti akela a alati mu hluwuka Jehova legi siku ke?

Luka 6:12

Ku te hi ka lawo masiku, aya xitsungeni a ku ya khongela; i lo simamisa wusiku gontlhe a khongela ka Nungungulu. Mat. 14:23

Mateu 24:13

Kanilezi loyi a timiselako kala kugumesa, yaloye i ta hanyiswa. Mar. 13:13; Maheb. 3:6, 14; Kuv. 2:10

Tisimu 78:41

Ina, va lo engeta va ringa Nungungulu, Va tsanwisa Wakubasa wa Israeli.

Zefania 1:6

Ni lava va tlhelelako nzhako va fularela Jehova; ni lava va nga hlotangiko Jehova, va nga mu wutisi nchumu.

Jona 4:2

I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17

Jona 3:10

Laha Nungungulu a nga wona hi mitiro yabye, lezaku va hunzulukile ndleleni yabye ya kubiha, i lo hunzuluka a tlhelisa a khombo legi a nga wulile lezaku i ta va fumela gona, a nga ha gi wiseli hehla kabye. Gen. 6:8; Ekso. 32:14

Amosi 7:3

Jehova i lo zi tsika. Zi nga ta maheka, ku wula Jehova.

Genesisi 6:7

Na Jehova aku ngalo: Nzi ta lovisa a vanhu lava nzi nga va vanga, ina, a vanhu ni zifuyo, ni zikokakoka, ni tinyanyani ta tilo, hakuva nza ti laya hilezi nzi zi mahileko.

Eksodusi 32:11

Kanilezi Mosi i lo khongela ka Jehova, Nungungulu wakwe, aku: O Jehova! Hikuyini u zangarela a vanhu lava u va humesileko le Gipite hi mintamu ya hombe?

Eksodusi 32:14

Zonake Jehova i lo tsika kubiha loko a nga wa alakanyile ku ku maha ka vanhu vakwe.

1 Samueli 8:6

A mhaka leyo yi wa bihile mahlweni ka Samueli, leʼyaku: Hi yimisele hosi leyi yi ta nga hi lamula. Samueli i lo kombela ka Jehova.

1 Samueli 15:10

Zonake Jehova i lo wulawula na Samueli, aku:

1 Kronekele 21:15

Nungungulu i lo rumela a ngelosi a ku ya lovisa a Jerusalema; laha a ngelosi yi nga kari yi hlasela, Jehova i lo karateka hi kota ya khombo ga kona, aku ngalo ka yona; Ku ringene! Makunu tlhelisa a canja ga wena! A ngelosi ya Jehova yi lo yima laha nzhimbyeni wa Ornani a mujebusi.

Joba 34:27

Hakuva va mu fulareleko, A va xiyisisangi a tindlela takwe.

Jeremia 11:10

Va tlhelele zigohweni za vakoko vabye, lava va nga ala ku ingisa timhaka ta mina. Va lanzele vanwani vanungungulu, va va khozela. A yindlu ya ka Israeli ni yindlu ya ka Juda ti tshovile a xivumelwano xa mina lexi nzi xi mahileko ni vararu vabye.

Jeremia 34:16

Kanilezi mu tlhelile nzhako, mu hanahanisa a vito ga mina, munwe ni munwani a wuyisa nanza gakwe ga xinuna ni ga xisati, lawo mu nga ma tlharihile ma ti fambela; mu ma khonele kambe a wukhumbi lezaku ma mu tirela.

Ezekieli 18:24

Kanilezi loku a wakululama a tsika kululama kakwe a onha, a maha manyalataniso wontihe ya wakubiha, i ta hanya ke? A nga ta hlayelwa ni xinwe xa zimaho zi lulamileko lezi a zi mahileko. I tafa hi kota ya kuhluwuka kakwe ni zionho lezi a zi onhileko.

1 Samueli 16:1

Jehova i te ngalo ka Samueli: Kala rini na wa ha rilela Saule, laha u zi wonako lezaku mina nzi mu alele kuva hosi ya ka Israeli? Tata xikudzana xa wena hi mafura uta, nzi ta ku ruma ka Jese wa le Betlehema, i kona nzi mu wonileko xikari ka vanana va Jese, loyi a faneleko ku maha hosi. Miti. 13:22

1 Tihosi 11:9

Zonake Jehova i lo zangarela Solomoni, hakuva a mbilu yakwe yi wa fularele Jehova Nungungulu Wa ka Israeli, loyi a nga wa wonekile ka yena zikhati zimbiri,

1 Kronekele 10:13

Zinghaho Saule i lofa hi kota ya zionho zakwe lezi a nga onhela ha zona Jehova, hi kota ya gezu ga Jehova legi a nga kala ku gi hlayisa a vitana a mufi ku ta mu byela timhaka. 1 Sam. 15:10