1 Samueli 14:23 - Tshwa Bible

²³ Zinghaho Jehova i lo ponisa va ka Israeli lego siku, a yimpi yi hunza yiya Bet-Avane.

1 Samueli 14:23 Referans Kwoze

Eksodusi 14:30

Ka lego siku Jehova i lo hanyisa Israeli canjeni ga vaGipite, ni vaIsraeli va lo wona a zirumbi za vaGipite lomu mbhirini ya bimbi.

1 Samueli 13:5

Zonake a vaFilistia va lo tsombana khatiginwe a kulwa ni va ka Israeli. Va wa hi ni 30,000 wa tikareta, ni 6,000 wa vakhileli va mahaxi, ni vanhu vo tala nguvu khwatsi i seke ga fungu wa bimbi. Va lo kanziha va ya gova le Mikmaxe, hi le Mutsuwuka-gambo wa Bet-Avene.

Hosea 1:7

Kanilezi nzi tava ni wuxinji ka yindlu ya ka Juda, nzi va ponisa ha Jehova a Nungungulu wabye; nzi nga ta va ponisa hi mawura, kutani tisupado ni kulwa, hambu mahaxi ni vakhileli va mahaxi.

2 Tihosi 14:27

Kanilezi Jehova i wa nga wulangi lezaku i ta fuvisa a vito ga ka Israeli lahasi ka tilo; i lo va tlhatlhisa hi canja ga Jeroboamu nʼwana Joaxi.

Valamuli 2:18

Loku Jehova a va vuxele valamuli, i wa tshama ni mulamuli munwe ni munwani a va hlanguta valaleni vabye masikwini ya mulamuli loye, hakuva Jehova i wa va zwela wusiwana zirilweni zabye, lezi va nga wa tshekulela hi vaxanisi vabye.

Joxua 7:2

Joxua na ha hi le Jeriko, i lo ruma a vanhu a kuya le Ai, kusuhani ni le Bet-Avane, hi le Mutsuwuka-gambo wa Beteli, aku ka vona: Fambani mu ya hlola tiko. Zonake a vavanuna va lo famba ku ya hlola a tiko ga le Ai. Gen. 12:8; 13:3

1 Samueli 10:19

Kanilezi inyamutlha mu alile Nungungulu wa nwina, loyi a nga mu ponisa timhangweni ta nwina tontlhe, ni le kuxanisekeni ka nwina, muku kakwe: Hi yimisele hosi leyi yi ta nga hi fumela! Makunu humelelani mahlweni ka Jehova hi tixaka ta nwina ni matala ya nwina.

1 Kronekele 11:14

Va lo yima xikari ka simu va gi vikela, va hlasela vaFilistia, Jehova a va nyika kuhlula ka hombe.

2 Kronekele 32:22

Zinghaho Jehova i lo ponisa Hezekia ni vanhu va le Jerusalema mandleni ya Sennakeribe a hosi ya le Assiria ni mandleni ya Vontlhe vanwani; a va rangela matlhelo wontihe.

Deuteronome 20:4

hakuva Jehova Nungungulu wa nwina i famba zinwe na nwina ku mu lwela ka valala va nwina ni ku mu nyika kuhlula.

1 Samueli 9:16

Manziko hi xwalexi xikhati nzi ta ku rumela a munhu wa le tikweni ga ka Benjamini u ta mu tota kasi a fela ku maha murangeli wa vanhu va mina va ka Israeli; i ta tlhatlhisa a vanhu va mina mandleni ya vaFilistia. Hakuva nzi zwile kurila ka vanhu va mina. Ekso. 3:9