1 Samueli 12:23 - Tshwa Bible

²³ Kasike loku ku hi mina, a zive kule na mina ku gohela Jehova, hi ku tsika ku mu khongelela, kanilezi nzi ta mu gonzisa a ndlela yi nene ni ya nongameto.

1 Samueli 12:23 Referans Kwoze

Va le Kolosi 1:9

Hi kota ya lezo na hinawu, kusukela a siku legi hi nga zizwa, a hi tsikangi a ku mu khongelela ni ku mu kombelela, lezaku mu fela ku tatiswa hi ku tiva a kuranza kakwe nzeni ka wutlhari gontlhe ni kupima kontlhe ka moya, Rom. 12:2; Efe. 1:15

Va le Roma 1:9

Hakuva Nungungulu loyi nzi mu tirelako hi moya wa mina ivangelini ya Nʼwana wakwe, i kustumunyu wa mina lezaku a nzi tsiki ku mu alakanya.

2 Timote 1:3

Mina nza mu bonga Nungungulu, loyi nzi mu tirelako hi livalo li basileko, kukotisa vakokwani, lezaku a mumu ni wusiku a nzi tsiki ku ku alakanya mikombelweni ya mina,

1 Va le Tesalonika 3:10

A mukombelo wa hina mumu ni wusiku, hi lezaku hi fela ku wona a tinghohe ta nwina, ni ku ta engetela ka nwina lezi zi mu kiyelelako kukholweni ka nwina. Miti. 26:7

1 Tihosi 8:36

va ingise na u hi kwaseyo tilweni, u tsetselela zionho za malanza ya wena ni vanhu va wena, a va ka Israeli, u va gonzisa a ndlela yi nene leyi va faneleko ku famba ha yona, zonake u rumela vula misaveni leyi u nyikileko a vanhu va wena a kuva tshomba yabye.

Mitiro 12:5

Hikwalaho Pedro i lo rinzelwa paxweni; kanilezi a handla gi lo mu khongelela ka Nungungulu hi kutikisa.

Tisimu 34:11

Ngonani vanana, mu nzi ingisela; Nzi ta mu gonzisa xichavo xa Jehova.

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

2 Kronekele 6:27

zonake wena zwana na u hi kwaleyo tilweni, u tsetselela a malanza ya wena, a vanhu va wena va ka Israeli, a zionho zabye, na u va gonzisa a ndlela yo saseka leyi va faneleko ku famba ha yona; zonake rumela a vula lomu tikweni legi wena u va nyikileko a kuva tshomba yabye.

Va le Kolosi 1:28

Hi yena hi mu kanelako, na hi kari hi luleka ni ku gonzisa vanhu vontlhe hi wutlhari gontlhe, lezaku hi fela ku yimisa vanhu vontlhe na va mbhelele ka Kristu.

Mitiro 20:20

lezaku a nzi mu lovelangi a timhaka ti vunako, kanilezi nzi lo mu kanelela, nzi mu gonzisa kubaseni ni lomu tindlwini,

Mutshawuteli 12:10

A Mukaneli i lo hlotisisa a timhaka leti ti tsakisako, lezi zi tsalilweko na zi lulamile, a timhaka ta zinene.

Mavingu 4:11

Nzi ku gonzisa tindlela ta wutlhari, zi ku fambisa hi tisoko ta nongameto.

1 Va le Korinte 9:16

Hakuva loku nzi kanela ivangeli, a nzi na nchumu lowu nzi nga ti dzunzako ha wona; hakuva nzi yimelwe hi ku maha lezo, ina i khombo ka mina loku nzi nga kaneli ivangeli.

Eksodusi 32:30

Hi manziko wa kona, Mosi aku ka vanhu: Mu onhile a xionho xa hombe. Kanilezi nzi ta kanziha ka Jehova, kutani nzi taya maha a nzhiho wa xionho xa nwina.

1 Samueli 12:19

Makunu vontlhe vanhu va te ngalo ka Samueli: Kombelela malanza ya wena ka Jehova Nungungulu wa wena, kasi hi ngafi, hakuva hi engetele kuonha ka hina hi lezi hi nga ti kombelela hosi.

Jeremia 15:1

Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13

Jeremia 27:18

Loku va hi vaprofeti, ni loku a mhaka ya Jehova yi hi zinwe navo, a va khongele Jehova wa tiyimpi, lezaku a zibya lezi za ha seleko a ndlwini ya Jehova, ni lomu ndlwini ya hosi ya ka Juda, ni le Jerusalema, zi nga ha yisiwi Babuloni.

Jeremia 42:4

Zonake muprofeti Jeremia aku kabye; Nzi mu zwile. Nzi ta mu kombelela ka Jehova a Nungungulu wa nwina kota lezi mu zi ranzako. Ni zihi lezi Jehova a ta nga mu hlamula nzi ta mu byela; nzi nga ta mu fihlela nchumu.

1 Samueli 8:6

A mhaka leyo yi wa bihile mahlweni ka Samueli, leʼyaku: Hi yimisele hosi leyi yi ta nga hi lamula. Samueli i lo kombela ka Jehova.

Tisimu 34:12

Himani loyi a xuvako wutomi, Ni ku ranza masiku ya kusaseka? 1 Ped. 3:10

Tisimu 122:6

Kombelelani a kurula ka Jerusalema, Lava va ku ranzako va ta vuvuma.

Isaya 30:21

Loku u hambukela tlhelo ga xinene kutani tlhelo ga xibhabha, a tindleve ta wena ti tazwa a gezu lenzhako ka wena, giku: A ndlela hi leyi, famba ha yona.