1 Samueli 12:14 - Tshwa Bible

¹⁴ Loku nwina mu chava Jehova, ni loku mu mu khozela, mu ingisa a gezu gakwe, mu nga ali zileletelo za Jehova, nwina ni hosi ya nwina leyi yi mu fumelako, mu ta maha valanzeli va Jehova Nungungulu wa nwina.

1 Samueli 12:14 Referans Kwoze

Joxua 24:14

Makunu chavani Jehova mu mu khozela hi ku kholeka ni zinene. Susani a vanungungulu lava a vararu va nwina va nga wa va khozela le tlhatuko wa congo ni le Gipite, mu khozela Jehova.

Isaya 3:10

Wulani lezaku lava va lulamileko va katekile, hakuva va taga a mbhanzo wa zimaho zabye.

Joxua 24:20

Hi lezi loku ma nga fularela Jehova, mu ya khozela vanwani vanungungulu, yena i ta hunzuluka a mu mahela kubiha, a mu lovisa, laha ka kuva i wa mu mahele kusasa.

Va le Roma 2:7

I ta nyika wutomi ga pinzukelwa ka vona lava va lavako a wukosi ni kudzunziwa ni kungaboli, na va timisela mitirweni yo saseka. 2 Kor. 4:17; Juda 21; Kuv. 2:7

Mikosi 1:18

Jehova i lulamile, kanilezi nzi alile a zileletelo zakwe. Zwanani nwina nwentlhe matiko, mu wona a kuxaniseka ka mina! A vanhwana va mina ni majaha ya mina va yisilwe wukhumbini.

Deuteronome 13:5

A muprofeti loye, kutani mulori loye, i ta dawa; hakuva i kucetele vanhu ku hluwuka ka Jehova Nungungulu wa nwina, loyi a mu humesileko tikweni ga le Gipite, a mu tlhatlhisa ndlwini ya wukhumbi; a lava ku mu hambukisa ndleleni ya Jehova Nungungulu wa nwina, leyi a mu leleteleko ku famba ha yona. Hikwalaho mu ta susa lezi zo biha xikari ka nwina.

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

Tisimu 105:28

I lo rumela xinyama, ku phuma kontlhe, Cima a va kanetangi a gezu gakwe. Ekso. 10:22