1 Pedro 4:14 - Tshwa Bible

¹⁴ Nwina mu katekile loku mu rukiwa hi kota ya vito ga Kristu; hakuva a Moya wa kungangamela, wu nga Moya wa Nungungulu, wu le hehla ka nwina.

1 Pedro 4:14 Referans Kwoze

1 Pedro 3:14

Kanilezi mu katekile loku mu xaniseka hi kota ya kululama; mu nga chavi a kudzukisa kabye, hambu ni ku karateka. Isa. 8:12, 13; Mat. 5:10, 11, 12

Luka 6:22

Mu katekile nwina loku vanhu va mu venga, va mu hlongola, va mu rukatela, va nyenya a vito ga nwina aku khwatsi gi bihile, hi kota ya Nʼwana wa munhu. Mat. 5:11; Joh. 16:2; 1 Ped. 2:19

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

Mateu 5:11

Mu katekile loku va mu rukatela, va mu xanisa, va mu lumbeta kontlhe kubiha hi kota ya mina. Lu. 6:22; 1 Ped. 4:14

1 Pedro 3:16

na mu hi ni livalo li nene, kasi va fela ku telwa hi tingana hi lezi va mu hlevako ha zona, lava va rukatelako a mahanyela ya nwina ya ma nene ka Kristu. Tit. 2:8; Maheb. 13:18

Tisimu 146:5

I katekile loyi Nungungulu wa Jakobe a nga muvuni wakwe, Loyi a tsumbako Jehova, Nungungulu wakwe,

2 Va le Korinte 12:10

Hikwalaho nza xalala gomeni, ni kurukatelweni, ni kuvumaleni, ni le kuxanisweni, ni le kukaratekeni hi kota ya Kristu; hakuva loku nzi hi ni gome, hi kona nzi nga ni ntamu. Rom. 5:3; Xip. 7:4; 13:4

Johani 15:21

Kanilezi va ta maha zontlhe lezi ka nwina hi kota ya vito ga mina, hakuva a va mu tivi loyi a nzi rumileko. Mat. 24:9

Jakobe 5:11

Hi ngalo: Va katekile lava va nga timisela. Mu zwile hi kutimisela ka Joba, mu wonile a kugumelwa ka Hosi; hakuva a Hosi yi tele hi ku zwela wusiwana ni wuxinji. Mitse. 14:8; Joba 1:21; Tis. 103:8

Mitiro 13:45

Kanilezi laha a vaJuda va nga wona a xidlemo, va lo tatiswa hi wukhuxu, va kaneta lezi zi nga kanelwa hi Paule, va rukatela. Xip. 18:6; 1 Ped. 4:4; Juda 10

Isaya 51:7

Nzi ingiseni, nwina lava mu tivako kululama, Wena tiko u nga ni nayo wa mina mbilwini ya wena; Mu nga chavi ku tseketselwa hi vanhu, Ge hambu ku dzukiswa hi xiruko zabye.

Tisimu 89:51

Jehova, alakanya a kutseketsela ka valala va wena, Lezaku va tseketselisa kuyini a mabatha ya mikonzo ya a totilweko wa wena.

2 Tihosi 2:15

Laha a vapizani va vaprofeti, lava va nga wa hi le Jeriko, na va mu wonile, va te ngalo: A moya wa Elija wu le hehla ka Elixa. Va lo mu khinga va mu khizamela,

1 Pedro 2:12

mu hi ni mahanyela ma nene xikari ka vamatiko, lezaku lezi va mu hlevako ha zona, aku khwatsi mu vamahi va kubiha, va fela ku dumisa Nungungulu ha zona hi siku legi a ta nga va enzela, hi kota ya mitiro ya nwina yo saseka leyi va yi wonileko. Mat. 5:16; Fil. 2:15

Maheberu 11:26

I lo alakanya lezaku a kurukwa ka Kristu i pfuno wa hombe ku hunza a kufuma ka le Gipite; hakuva i wa langutela a nchachazelo.

Va le Galatia 1:24

Vona va lo dumisa Nungungulu ha mina.

Johani 9:34

Va lo hlamula, vaku kakwe: Wena u la su pswalelwa kuonheni ku tshingileko, wa hi gonzisa wena ke? Va lo mu hlongola aya handle. Vesi 2

Johani 9:28

Va lo mu rukatela, vaku: U mupizani wakwe wena, kanilezi hina hi vapizani va Mosi.

Johani 8:48

A vaJuda va lo hlamula, vaku kakwe: Kasi a hi wulangi zona, laha hi nge ngalo, lezaku u muSamaria, ni ku u na ni dimoni?

Mateu 5:16

Hizalezo ngha na kuwonekela ka nwina ku woninga mahlweni ka vanhu, kasi va wona mitiro ya nwina yo saseka, va dumisa a Raru wa nwina wa le tilweni. Joh. 15:8; 1 Kor. 14:25; 1 Ped. 2:12

Tisimu 49:9

Lezaku kasi a ta fela ku hanya kala kupinzuka, Na a nga woni kubola.

1 Tihosi 10:8

Va katekile a vanhu va wena, ma katekile malanza ya wena, lawa ma yimako wontihe masiku mahlweni ka wena ma ingisa wutlhari ga wena!

2 Pedro 2:2

Vanyingi va ta lanzela a mahanyela yabye ya wubhayi, lava a ndlela ya zinene yi ta nga wulawulwa hi kubiha hi kota ya vona.

Mitiro 18:6

Kanilezi laha va nga kaneta, va rukatela, i lo zuza a tinguwo takwe, aku ngalo kabye: A nkhata wa nwina a wuve hehla ka tihloko ta nwina venyi; mina nzi basile, a kusukela lezi nzi taya ka vamatiko. Xip. 13:45; 28:28; Ezek. 33:9; 1 Ped. 1:4

Isaya 11:2

A Moya wa Jehova wu ta tshama hehla ka yena, A moya wa wutlhari ni kupima, A moya wa wusungukati ni wa ntamu. A moya wa ku tiva ni wa ku chava Jehova.

Isaya 25:8

I ta fuvisa kufa kala ku pinzuka; Hosi Nungungulu i ta hlanguta mihloti tinghoheni tontlhe; I ta susa tingana ta vanhu vakwe misaveni yontlhe, Hakuva Jehova i wulile lezo. 1 Kor. 15:26, 54; 2 Tim. 1:10; Kuv. 7:17

Mitiro 5:41

A vapostoli va lo suka hi laha hubyeni, na va tsaka hilezi va hlayelweko lava va faneleko a ku xaniseka hi kota ya vito ga Jesu. Mat. 5:12; Rom. 5:3; 2 Kor. 12:10; Fil. 1:29; Jak. 1:2

Mitiro 28:22

Kanilezi ha zi ranza a kuzwa ha wena lezi u zi alakanyako; hakuva hi kukumbuka a lihunzu lolu, ha zi tiva lezaku la kanetiwa matlhelweni wontihe. Lu. 2:34; Xip. 25:5, 14; 1 Ped. 2:12

2 Va le Korinte 4:10

Xontlhe xikhati hi rwele mirini wa hina a kufa ka Jesu, lezaku a wutomi ga Jesu gi ta wonekeliswa mirini wa hina. Rom. 8:17; 1 Kor. 15:31; Gal. 6:17; Fil. 3:10; 2 Tim. 2:11

2 Va le Korinte 4:16

Hikwalaho a hi rereki; hambu loku a munhu wa hina wa lahandle a hlakala, a munhu wa hina wa lomu nzeni i mahiwa muswa masiku ni masiku.

1 Pedro 4:16

Kanilezi loku munhu a xaniseka hilezi a nga muKristu, ngha a nga telwi hi tingana; kanilezi a dumise Nungungulu vitweni legi; Miti. 5:41