1 Pedro 3:8 - Tshwa Bible

⁸ Hi kugumesa, ngha nwina nwentlhe mu hi ni mbilu yinwe, mu zwelana, mu ranzana ni vamakabye, mu hi ni wuxinji, mu ti koramisa. Rom. 12:10; Fil. 3:16; Kol. 3:12

1 Pedro 3:8 Referans Kwoze

Va le Roma 12:10

Ranzanani hi liranzo la wumakabye; loyi ni loyi a dzunza munwani ku hunza wutsumbu.

1 Pedro 1:22

Kota lezi mu basisileko mihefemulo ya nwina hi ku ingisa zinene, mu kala mu ranza a vamakabye hi liranzo li nga xengeteliko, ranzanani hi timbilu ti basileko.

Va le Efesusi 4:31

A titsheku tontlhe, ni khulo, ni zanga, ni guwa, ni wuxezi, ngha zi suswa ka nwina, zinwe ni mona wontihe.

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

Va le Efesusi 4:2

muva ni kutikoramisa kontlhe, ni lihlaza-mbilu, mu timiselana hi liranzo, Gal. 5:22

Zakaria 7:9

Jehova wa tiyimpi i ngalo: Lamulani hi nongameto, a munwe ni munwani a zwela wuxinji ni ku hawukela a nakulobye.

Va le Kolosi 3:12

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu. Gal. 5:22; Fil. 2:1; 1 Ped. 1:2

1 Va le Korinte 12:26

Hikwalaho loku a xiro xinwe xi xaniseka, ziro zontlhe zi xaniseka zinwe naxo; ni loku xiro xinwe xi dzunziwa, ziro zontlhe zi tsaka zinwe naxo.

Mateu 18:33

xana u wa nga fanelangi a kuva ni wuxinji ka nanza-kuloni, kota lezi mina nzi nga ku mahela wuxinji ke?

1 Johani 3:14

Hina ha zi tiva lezaku hi humile kufeni hi enghena kuhanyeni, hakuva ha ranza vamakabye. Loyi a nga ranziko wa ha tshamile kufeni.

1 Va le Korinte 1:10

Makunu nza mu khongotela, vamakabye, hi vito ga Hosi ya hina Jesu Kristu, lezaku mu wulawula xilo xinwe, kasi ku ngavi kona kuhambana xikari ka nwina, kanilezi mu zwanana hi kualakanya ni kupima.

Mitiro 4:32

Hi linyingi la vona lava va kholilweko va wa hi va mbilu yinwe ni muhefemulo munwe; ku wa nga hi kona ni munwe a ngaku ngalo, a zilo a nga nazo za yena yece; kanilezi va lo hlengela zilo zontlhelele. Rom. 15:5; Fil. 1:27; 1 Ped. 3:8; Xip. 2:24

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.

Maheberu 13:1

Ngha li simamisa a liranzo la nwina la wumakabye.

2 Pedro 1:7

ni kuchaveni ka nwina Nungungulu ngha mu ranza vamakabye, ni kuranzeni ka nwina vamakabye muva ni liranzo. Gal. 6:10

1 Pedro 2:17

Dzunzani vanhu vontlhe, mu ranza vamakabye; chavani Nungungulu, mu dzunza hosi ya tiko.

Tisimu 103:13

Khwatsi hi dadani a hawukelako a vanana vakwe, Hilezo Jehova wa va hawukela lava va mu chavako. Isa. 63:16; 64:8; Jer. 31:9

Jakobe 5:11

Hi ngalo: Va katekile lava va nga timisela. Mu zwile hi kutimisela ka Joba, mu wonile a kugumelwa ka Hosi; hakuva a Hosi yi tele hi ku zwela wusiwana ni wuxinji. Mitse. 14:8; Joba 1:21; Tis. 103:8

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15

Va le Filipi 3:16

Kanilezi a hi fambeni hi lezi hi chikeleko ka zona.

Va le Roma 15:5

Makunu ngha Nungungulu wa kutiya ni kuchavelela a mu nyika a kuva ni mbilu yinwe ka Kristu Jesu, 1 Kor. 1:10

Mitiro 28:7

Ku wa hi kona kusuhi ni wutshamu lego, a zipetso za munhu wa hombe wa xihlale, a vito gakwe hi Pu-bliu; yena i lo hi amukela, a hi rurela khwatsi a masiku manharu.

Mitiro 27:3

Hi manziko wa kona hi lo chikela Sidoni; Juliu i lo khoma Paule khwatsi, a mu vumela a ku ya wona maxaka yakwe, a ya vunetelwa hi wona. Xip. 24:23; 28:16

Mitiro 2:1

Laha a siku ga Pentekosta gi nga wa chikele, vona vontlhe va wa tsombene wutshamu ginwe. Levi 23:15; Deut. 16:9

Mavingu 28:8

Loyi a anzisako a tshomba yakwe hi bhinzu gi bihileko, yi hlengeletelela loyi a hawukelako Zisiwana.

Luka 10:33

Kanilezi a muSamaria wo kari loyi a nga famba hi ndlela leyo, i lo chikela laha a nga wa hi kona; laha a nga mu wona, i lo mu zwela wusiwana. Joh. 4:9

Va le Efesusi 4:32

Ngha mu hi ni wunene ka munwe ni munwani, mu zwelana wusiwana, ni ku tsetselelana, kota lezi Nungungulu kambe a nga mu tsetselela ha Kristu.

Va le Filipi 2:3

mu nga mahi nchumu hi mubango ni kutikukumukisa, kanilezi ngha munwe ni munwani a ti koramisa a wula munwani aku i chukwana ku hunza yena. Jak. 3:14; 1 Ped. 5:5