1 Pedro 3:15 - Tshwa Bible

¹⁵ Dzunzani Kristu kota Hosi timbilwini ta nwina; na mu longile ku hlamula hi kurula ni xichawo ni wihi munhu loyi a mu wutisako hi xigelo xa kutsumba ka nwina, Kol. 4:6

1 Pedro 3:15 Referans Kwoze

Va le Kolosi 4:6

Ngha kuwulawula ka nwina ku hi ni tipswalo xontlhe xikhati, na ku lungilwe hi munyu, lezaku mu fela ku tiva lezi mu ta nga hlamulisa zona ka munwe ni munwani. Mutsa. 10:12; Mar. 9:50; 1 Ped. 3:15

1 Pedro 3:2

na va wona a mahanyela ya nwina ya kubasa zinwe ni xichawo.

1 Samueli 12:7

Makunu sukani mu yima, kasi nza fela ku wulawula na nwina mahlweni ka Jehova hi zilo zontlhe zo lulama za Jehova, lezi a mu maheleko nwina ni vararu va nwina.

Titusi 1:2

hi ku tsumba a wutomi ga pinzukelwa, legi Nungungulu loyi a nga hembiko a nga tsumbisa hi kaleloko ka matiko; 2 Tim. 1:9

Va le Kolosi 1:27

Hakuva Nungungulu i lo ranza ku va tivisa lezaku ku talisile kuyini a kungangamela ka fihlakalo lowu xikari ka vamatiko, lowu wu nga lezaku Kristu i xikari ka nwina, loyi a nga kutsumba ka kungangamela.

Maheberu 6:1

Hikwalaho a hi tsikeni ku wulawula hi timhaka to sangula ta gonzo ya Kristu, hi komama mahlweni kumbheleni; hi nga ha aki a xiseketelo, ku nga kuhunzuluka mitirweni leyi yi fileko, ni kukholwa ka Nungungulu, Fil. 3:12-14; Xip. 5:12

Tisimu 119:46

Nzi ta hlawutela wumboni ga wena mahlweni ka tihosi, Cima nzi nga tava na tingana.

Va le Kolosi 1:5

hi keta ya kutsumba loku ku vekelweko nwina le matilweni. Kale na mu zwile hi kutsumba loku a mhakeni ya zinene ya ivangeli, Mat. 5:12; 2 Tim. 4:8; 1 Ped. 1:4

Va le Kolosi 1:23

loku nwina mu simamisa kukholweni, na mu zimekilwe muku nde, mu nga tsiki ku tsumba a ivangeli leyi mu yi zwileko, leyi yi nga kanelwa ka zivangwa zontlhe lahasi ka tilo, leyi mina Paule nzi nga mahiwa nanza ga yona.

Maheberu 3:6

kanilezi Kristu i wa tsumbekile khwatsi hi nʼwana hehla ka yindlu ya Nungungulu. A yindlu yakwe yi nga hina, loku hi khomisisa a kutiya ka hina, ni ku kulisa a kutsumba ka hina kala kugumeseni. Mat. 24:13; 2 Kor. 6:16; Efe. 2:21, 22

1 Pedro 3:4

kanilezi ngha mu bombisa a munhu loyi a fihlilweko wa mbilu, hi tinguwo leti ti nga boliko ta moya wa kurula ni kuolova, lowu wu nga ni tsengo wa hombe mahlweni ka Nungungulu. Tis. 45:13; Rom. 2:29; 7:22

Isaya 41:21

Tlhatihambutelani a timhaka ta nwina, ku wula Jehova; Humesani wumboni ga nwina, ku wula Hosi ya Jakobe.

Isaya 1:18

Tanani, hi wulawulisana timhaka, ku wula Jehova. Hambu loku zionho za nwina zi pswhukile, zi nga basa khwatsi i gapongo; hambu loku zi pswhukisile ku zirila, zi nga ku khwatsi i woya go basa.

Isaya 29:23

Hakuva laha vana vakwe va ta nga wona mitiro ya mina xikari kabye, Va ta chava vito ga mina, va dumisa Loyi a Basileko wa ka Jakobe, Va ta chava Nungungulu wa ka Israeli.

1 Pedro 1:17

Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11

Isaya 5:16

Kanilezi Jehova wa tiyimpi i ta tlakuswa hi kulamula, Na Nungungulu wa ku Basa i ta woneka na basile kululameni.

Mitiro 24:25

Kanilezi laha a nga kanela hi kululama, ni kutikhoma, ni kulamula ku tako, Felisi i lo chava, a hlamula, aku: Ti fambele makunu, nzi ta tlhela nzi ku vitana loku nzi kuma xikhati xi nene.

Mitiro 21:39

Paule aku ngalo: Mina nzi muJuda wa le Tarsusi le Kilikia, nzi munhu wa muti wu dzunzekileko; nza ku khongotela u nzi vumela ku kanela ka vanhu. Xip. 9:11; 22:3

Mitsengo 20:12

Jehova i te ngalo ka Mosi na Aroni: Kota lezi mu nga kholwangiko ka mina, mu nzi basisa mahlweni ka vanana va ka Israeli, cima mu nga ta chiketa lowu hlengeletano ka tiko legi nzi va nyikileko; gona.

Mitsengo 27:14

Hakuva mu lo kaneta kuleletela ka mina le xiwuleni xa Zini, laha a tlhangano wu nga nzi hluwuka, nwinawu a mu nzi basisangi mahlweni ka vona hi tlhelo ga mati ya le Meriba le Kadexe, xiwuleni xa Zini.

Mavingu 15:28

A mbilu ya loyi a lulamileko yi alakanya na yi nga se hlamula; anilezi a nomu wa munhu wo biha wu chulula manyala.

Mavingu 22:21

Kasi ku ku gonzisa a zinene za timhaka ta lisine; ezaku u ta tiva ku hlamula a timhaka ta lisine ka lava va ku rumileko ke?

Isaya 8:12

Mu nga wuli, muku: I gujeguje; a ka zontlhe lezi a vanhu lava va wulako ku i gujeguje; mu nga dzuki mu chava lezi va zi chavako.