1 Pedro 2:21 - Tshwa Bible

²¹ Hakuva hizalezo mu nga vitanelwa zona; hakuva na Kristu i lo xaniseka hi kota ya nwina, a mu siyela a xikombiso, kasi mu fela ku lanzela a nkonzo wakwe. Mat. 16:24; Joh. 13:11

1 Pedro 2:21 Referans Kwoze

1 Johani 2:6

Loyi a wulako aku i tshama ka yena, i yimelwe hi ku famba kota lezi yena a nga fambisa zona. Mat. 11:29; Joh. 15:4, 5; 1 Ped. 2:21

Mateu 16:24

Zonake Jesu i te ngalo ka vapizani vakwe: Loku munhu a ranza ku nzi lanzela, a ti tsike, a rwala xihambano xakwe a nzi lanzela. Xip. 10:38; Mar. 8:34; Lu. 9:23

Johani 13:15

Hakuva nzi mu nyikile xikombiso, kasi na nwinawu ma fela ku maha kota lezi nzi mahileko ka nwina. Fil. 2:5; 1 Ped. 2:21; 1 Joh. 2:6

Va le Efesusi 5:2

mu famba hi liranzo kota lezi Kristu a nga mu ranza, a ti nyikela hi kota ya hina, ava mhamba ni muphahlelo wa masema yo nuhela ka Nungungulu. Gen. 8:21; Levi 1:9; Joh. 13:34; 1 Joh. 3:11

1 Johani 3:16

Ha li tiva liranzo hi kota ya lexi, lezaku Jesu i lo nyikela kuhanya kakwe hi kota ya hina; hikwalaho hi yimelwe hi ku nyikela a kuhanya ka hina hi kota ya vamakabye. Joh. 3:16; Rom. 5:8

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

1 Va le Korinte 11:1

Mahani vapimanyisi va mina, kotisa mina nzi nga mupimanyisi wa Kristu. 2 Tes. 3:9

1 Pedro 4:1

Kota lezi Kristu a nga xaniseka nyameni, hlomaniwo kualakanya kwaloko; hakuva loyi a xanisekileko nyameni i tsawukene ni kuonha; Gal. 5:24

Va le Filipi 2:5

Ngha mu hi ni kupima loku a nga hi nako Kristu Jesu; Joh. 13:15

Mateu 11:29

Rwalani a pingu wa mina, mu gonza ka mina; hakuva nzi rulile, nzi hi ni mbilu yi koramileko; mu ta kuma kuhumula mihefemulweni ya nwina. Joh. 13:15; Fil. 2:5; 1 Ped. 2:21

Va le Roma 8:29

Hakuva vona lava a nga va tiva hi kale, valava i lo va yimisa hi kale a ku ecana ni xiyimo xa Nʼwana wakwe, lezaku a fela ku maha matewula xikari ka vamakabye vanyingi. Ekso. 33:12; Joh. 17:22; Efe. 1:5; Kol. 1:18

Mitiro 14:22

na va tiyisa a mihefemulo ya vapizani, va va khongotela ku tiyiseta kukholweni, vaku hi yimelwe hi ku enghena mufunweni wa Nungungulu hi zikarato zo tala. Xip. 11:23; Mat. 10:38; Rom. 8:17

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26

Mateu 10:38

Loyi a nga rwaliko a xihambano xakwe a nzi lanzela, a nga nzi faneli. Xip. 16:24; Mar. 8:34; Lu. 9:23

1 Pedro 3:9

Mu nga tlheliseli a kubiha hi kubiha, hambu ku tlhelisela a nzhukano hi nzhukano; kanilezi katekisani vanhu, hakuva mu vitanelwe lezo, lezaku mu taga a tshomba ya kukateka. Mat. 5:39

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Kuvululelwa 12:11

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37

Maheberu 2:10

Hakuva zi wa mu fanele Nungungulu, loyi zontlhe zi mahelweko yena, na zi mahilwe hi yena, lezaku loku a neha vana vanyingi kungangameleni, a fela ku mbhelelisa hi kuxaniseka a muvangi wa kuhanyiswa kabye. Lu. 24:46; Miti. 3:15; Rom. 11:36

2 Timote 3:12

Hakunene vontlhe lava va ranzako ku hanya hi wutomi ga wukhozeli legi gi nga ka Kristu Jesu, va ta xaniswa. Mat. 16:24; Joh. 17:14; Miti. 14:22; 1 Kor. 15:19

Tisimu 85:13

A kululama ku ta ranga mahlweni kakwe, Ku ta hi veka hi lanza a zikanzihelo zakwe.

1 Pedro 1:20

Yena i wa yimiselwe a ntiro lowu hi mahlweni a misava na yi nga se ku vangiwa, kanilezi i lo wonekeliswa zikhatini zo gumesa hi kota ya nwina. Mat. 22:21; Gal. 4:4

1 Va le Tesalonika 4:2

Hakuva ma yi tiva a milayo leyi hi nga mu nyika yona ha Hosi Jesu,

1 Va le Tesalonika 3:3

lezaku ku nga tsekatsekiswi ni munwe hi zixaniso lezi; hakuva ma zi tiva lezaku hina hi yimelwe hi kuva nazo. Joh. 16:33; Miti. 9:16; Efe. 3:13

Mitiro 17:3

a va tlhatlhambutela ni ku va kombisa aku zi wa lavekile lezaku Kristu a xaniseka, a tlhela a vuka hi ka vafileko; ni lezaku Jesu loyi nzi mu kanelako ka nwina, hi yena Kristu. Lu. 24:26, 46; Xip. 18:28

Mitiro 9:16

hakuva nzi ta mu komba zontlhe lezi a ta nga xaniseka ha zona hi kota ya vito ga mina. Xip. 20:23; 21:11

Luka 24:26

Xana zi wa nga faneli lezaku Kristu a xaniseka kota lezi, a enghena kungangameleni kakwe ke? Miti. 17:3; 1 Ped. 1:1

1 Pedro 4:13

Kanilezi tsakani loku mu hlengela kuxanisekeni ka Kristu, kasi laha kuvululelweni ka kungangamela kakwe mu fela ku tsaka muva ni zigingi. Miti. 5:41; Rom. 8:17