1 Pedro 2:11 - Tshwa Bible

¹¹ Varanzekako, nza mu khongotela kota lezi mu nga valuveli ni vaenzi, lezaku mu tsika a kumbilukela ka nyama, loku ku lwako ni muhefemulo;

1 Pedro 2:11 Referans Kwoze

Va le Galatia 5:24

Vona lava va nga va Kristu Jesu va belele a nyama yabye zinwe ni kumbilukela ni kunavela ka yona. Rom. 6:6

1 Pedro 4:2

lezaku mu nga ha hanyeli a kunavela ka vanhu, kanilezi mu hanyela kuranza ka Nungungulu, a xikhati lexi xi seleko ka nwina ku hanya nyameni. Rom. 14:7; Jak. 1:18

Maheberu 11:13

Vontlhe lava va lofa kukholweni, na va nga se ku amukela lezi zi tsumbisilweko, kanilezi va wa zi wonile, va zi tsakela na zi hi kule, va ti wula lezaku vapfhumba ni vaenzi laha misaveni. Gen. 23:4; 47:9; Joh. 8:56

Va le Roma 8:13

hakuva loku mu hanya hi ka nyama mu tafa; kanilezi loku mu daya a mitiro ya miri hi moya mu ta hanya. Gal. 6:8

1 Kronekele 29:15

Hakuva hina hi valuveli ni vaenzi mahlweni ka wena, kota vontlhe vadadani va hina; a masiku ya hina laha misaveni ma fanana ni nzhuti, a ku na kutsumba laha. Levi 25:23; Joba 8:9; Maheb. 11:13

Jakobe 4:1

Kuta hi kwihi a kulwa ni kukanetisana xikari ka nwina ke? Xana a ku humi kumbilukeleni loku ku lwako zirweni za nwina ke? Rom. 7:23; Gal. 5:17

2 Timote 2:22

Potsoloka a kumbilukela ka lava vaswa, u lanza kululama, ni kukholwa, ni liranzo, ni kurula, zinwe ni lava va khongelako ka Hosi hi timbilu ti basileko.

2 Va le Korinte 7:1

Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. 1 Joh. 3:3

Va le Roma 12:1

Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko. 1 Kor. 6:13; Maheb. 10:20

Va le Efesusi 4:1

Hikwalaho mina loyi nzi nga peresu Hosini, nza mu khongotela a kuva ni mafambela lawa ma faneleko a kuvitanwa loku mu nga vitanwa ha kona; Kol. 1:10

Va le Roma 7:23

Kanilezi nza wona munwani nayo zirweni za mina, lowu wu lwako ni nayo wa kupima ka mina, wu nzi kokela wukhumbini ga nayo wa kuonha lowu wu nga kona zirweni za mina.

Mitiro 15:29

zi nga lezaku mu tsika lezi zi phahlelweko ka zifananiso, ni nkhata, ni lezi zi fileko hi ku tlimbiwa, ni kubhaya. Loku mu ti wonela ka lezo, mu tava mu mahile khwatsi. Salani khwatsi! Levi 17:14; Xip. 21:25; Kuv. 2:14

Luka 21:34

Kanilezi ti woneleni, kasi a timbilu ta nwina ti nga binziwi hi limito ni kuphophiwa, ni kukaratekela ka loku kuhanya, a siku lego gi nga dzuka gi mu chikelela hi xitshuketi kota wugungu. Rom. 13:13; 1 Tes. 5:6; 1 Ped. 4:7

Tisimu 119:19

Nzi muenzi laha misaveni; U nga nzi fihleli zileletelo za wena. 1 Kro. 29:15; Maheb. 11:13

Tisimu 39:12

Jehova, zwana mukombelo wa mina, dembela ndleve kurileni ka mina, U nga miyeli loku nzi kari nzi rila mihloti; Hakuva nzi mupfhumba ka wena, Nzi muluveli khwatsi hi vadadani va mina vontlhe. Gen. 47:9; Maheb. 11:13; 1 Ped. 2:11

Levi 25:23

A masimu ma nga xaviselwi magumo, hakuva a misava nja mina; hakuva nwina mu valuveli ni vaenzi ka mina.

1 Pedro 1:17

Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11

2 Va le Korinte 6:1

Kota lezi hi tirisanako naye ha mu khongotela lezaku mu nga amukeli tipswalo ta Nungungulu mahala, 1 Kor. 3:9; Xip. 5:20; Maheb. 12:15

2 Va le Korinte 5:20

Hikwalaho hina hi mitsumi ya Kristu, hi Nungungulu a mu khongotelako ha hina; ha mu khongotela hi kota ya Kristu, ngha mu tlhanganyiswa ni Nungungulu. Mal. 2:7; Efe. 6:20

Mitiro 15:20

kanilezi va tsaleliwa lezaku va tsika a manyala ya zifananiso, ni kubhaya, ni lezi zi fileko hi ku tlimbiwa, ni nkhata. Gen. 35:2; Ekso. 20:3; 1 Kor. 6:9; Levi 3:17; 1 Ped. 4:3

Genesisi 47:9

Jakobe aku ka Faro: A malembe ya wutomi ga mina i 130, kanilezi a malembe ya wutomi ga mina ma komile, ma tlhela ma biha; cima a nzi chikelangi malembeni ya vadadani va mina, xikhatini xa kuhanya kabye.

1 Pedro 1:1

Mina Pedro, nzi nga mupostoli wa Jesu Kristu, nza rungula a vahlawulilweko, a valuveli lava va hangalakileko le Pontu, ni le Galatia, ni le Kapadokia, ni le Asia, ni le Bitunia, Miti. 2:5, 9; Jak. 1:1

Tisimu 119:54

A ziyimiso za wena tisimu ta mina, A ndlwini ya wuenzi ga mina.

Genesisi 23:4

Mina nzi muluveli ni muenzi xikari ka nwina; nzi heni wutshamu ga xilahla xikari ka nwina, kasi nza lahla a mufi wa mina, kasi a nga havi kona mahlweni ka mina.

Va le Efesusi 2:19

Hikwalaho a ma ha hi vapfhumba ni valuveli, kanilezi mu zisumbulwa zinwe ni vobasa, mu va le ngangweni wa Nungungulu.

Maheberu 6:9

Kanilezi, varanzekako, hina hi cuwukele a zilo za chukwana ka nwina, lezi zi xungeteneko ni kuhanyiswa, hambu loku hi wulawulisa lezo.

1 Pedro 4:12

Varanzekako, mu nga dzukiswi hi nzilo lowu wu nga xikari ka nwina lowu wu tako ku ta mu ringa, aku khwatsi xilo xiswa xi mu humeleleko. 1 Kor. 3:13

2 Pedro 3:1

Varanzekako, legi i papilo ga wumbiri nzi mu tsalelako gona; hi wumbiri ga wona nzi vuxa a kupima ka nwina loku ku basileko hi ku mu alakanyisa,

Genesisi 21:34

Abrahama i lo tshama lomo tikweni ga maFilistia masiku yo tala.

Levi 15:18

Ni wasati loye a etlelako ni wanuna loyi yi humileko a mbewu ya libeleko ka yena, vona vambiri va ta hlamba lomu matini, hambu lezo va tava va nga hlazekangi kala laha gambyeni.