1 Pedro 2:1 - Tshwa Bible

¹ Hikwalaho tsikani a kubiha kontlhe, ni kukanganyisa kontlhe ni kuxengetela, ni kunavela, ni mahlevo wontihe.

1 Pedro 2:1 Referans Kwoze

Va le Efesusi 4:31

A titsheku tontlhe, ni khulo, ni zanga, ni guwa, ni wuxezi, ngha zi suswa ka nwina, zinwe ni mona wontihe.

Jakobe 1:21

Hikwalaho hoxani a zivi zontlhe ni kubiha kontlhe, mu amukela hi kutikoramisa a mhaka leyi yi byalilweke ka nwina, leyi yi zi kotako ku hanyisa a mihefemulo ya nwina. Rom. 1:16; Kol. 3:8; 1 Ped. 1:9

Jakobe 4:11

Mu nga hlevani, vamakabye. Loyi a hlevako makabye, kutani a lamula makabye, yena i hleva nayo, a lamula nayo; kanilezi loku u lamula nayo, a ku mumahi wa nayo, kanilezi u mulamuli wa wona. Mat. 7:1; Rom. 2:1; Efe. 4:31

1 Pedro 3:10

Hakuva: Yena loyi a lavako a kuva a tsakela wutomi Ni ku wona a masiku ya kusaseka, Ngha a tsimbetela a lirimi lakwe ka za kubiha, Ni milomu yakwe lezaku yi nga wulawuli kukhohlisa. Tis. 34:12; Jak. 1:26

1 Pedro 4:4

Hi lezi va hlamalako ha zona loku mu nga ha tsutsumi navo nzhopeni ya wuoswi, zonake va mu hleva. Miti. 13:45

1 Pedro 4:2

lezaku mu nga ha hanyeli a kunavela ka vanhu, kanilezi mu hanyela kuranza ka Nungungulu, a xikhati lexi xi seleko ka nwina ku hanya nyameni. Rom. 14:7; Jak. 1:18

Jakobe 5:9

Vamakabye, mu nga konyelaneni, lezaku mu nga lamulwi; langutani, a mulamuli i yimile laha nyangweni. Mat. 24:33; 1 Kor. 4:5

Maheberu 12:1

Hikwalaho kota lezi hi ranzelweko hi xidlemo xa hombe xa vakustumunyu, a hi hoxeni zontlhe lezi zi hi binzisako, hi tsika ni kuonha loku ku hi namarelako, hi tsutsuma hi kutiyisela a kusiyana loku ku vekilweko mahlweni ka hina, 1 Kor. 9:24; Kol. 3:8

1 Timote 3:11

Loku va hi vavasati, va fanele kuva lava va dzunzekako, va nga hiko vamahlevo, a va ti khomako, va tsumbekako zilweni zontlhe.

Tisimu 34:13

Hlayisa lirimi la wena kubiheni, Ni milomu ya wena ka magezu ya kukhohlisa. Efe. 4:29; 5:4; Kol. 4:6

1 Pedro 2:22

Yena a nga onhangi, ni kukanganyisa a ku kumiwangi nonwini wakwe; Isa. 53:9; Lu. 23:41

Titusi 2:3

Hizalezo ni vavasati va kale a vave ni matshamela ma khesekako, na va nga hi na mahlevo, va nga ti nyikeliko kunweni ka byala; kanilezi va gonzisa lezi za zinene; 1 Ped. 3:3, 4

Tisimu 32:2

I katekile a munhu loyi Jehova a nga mu hlayeliko kuonha, Loyi a moya wakwe wu nga hiko na kukhohlisa.

1 Va le Korinte 14:20

Vamakabye mu nga mahi zihlangi kupimeni ka nwina, kanilezi mahani zihlangi ka zakubiha, mu maha madota kupimeni. Tis. 119:99; 131:2; Mat. 11:25; 18:3; 1 Ped. 2:2

Va le Roma 1:29

Va tele hi kungalulami kontlhe, ni kubiha, ni timbilu, ni matsoho; va tele hi makangwa, a kudaya, a kukanetisana, a kukanganyisa, a mona; a vahlevi,

Luka 6:42

U nga wulisa kuyini ka makabye wa wena, uku ngalo: Makabye, khwatsi, nzi susa a xitoti lexi xi nga lomo tihlweni ga wena, loku u nga woni a tsanza lowu wu nga lomo tihlweni ga wena nwinyi ke? Muxengeteli! susa kuranga a tsanza lomu tihlweni ga wena nwinyi, zonake u ta su wona ku te dlunya a ku susa xitoti xi nga lomu tihlweni ga makabye wa wena.

Mateu 23:28

Hizalezo na nwina, lahandle ka nwina mu woneka ka vanhu na mu lulamile, kanilezi lomu nzeni mu tele hi kuxengetela ni kubiha.

Mateu 7:5

Wena muxengeteli, susa kuranga a tsanza lomo tihlweni ga wena nwinyi, zonake u ta wona ku te dlunya a ku susa xitoti xi nga tihlweni ga makabye wa wena.

Tisimu 37:1

U nga zangari hi kota ya vakubiha; Ngha u ngave na timbilu ha vona lava va tirako leʼzo biha. Mav. 24:19; Mutsa. 7:10

2 Va le Korinte 12:20

Hakuva nza chava lezaku, loku nzita nzi ta ta mu kuma na mu nga hi lezi nzi zi ranzako, na nwinawu mu nzi kuma na nzi hi lezi mu nga zi ranziko; ni lezaku ku nga dzuka kuva kona kuholova, ni xiluse, ni zanga, ni kuhambana, ni mahlevo, ni kulumbetana, ni kutikukumukisa, ni mazolonga. 1 Kor. 4:21

Mavingu 24:1

U nga naveli vanhu va bihileko; e hambu ku navela ku tshama zinwe navo.

Mavingu 3:31

U nga naveli a munhu wa lunya, nga hlawuli ni yinwe ya tindlela takwe.

Kuvululelwa 14:5

A ku kumiwangi mawunwa milonwini yabye; a va na nanzu. Tis. 32:2; Zef. 3:13

1 Pedro 2:16

Nwina mu tlhatlhekile, kanilezi ngha kutlhatlheka ka nwina ku nga mahi a xifenengelo xa mitiro ya kubiha, kanilezi mahani malanza ya Nungungulu.

Jakobe 4:5

Kutani mu alakanya lezaku a Mitsalo yi wula mahala ke? Wa wu navela hi xiluse a moya lowu a wu mahileko lezaku wu tshama ka hina. Ekso. 34:14

Jakobe 3:14

Kanilezi loku mu hi ni xiluse xa mona ni kuhambana timbilwini ta nwina, mu nga ti kulisi, mu hembela zinene. Rom. 2:17, 23; 13:13

1 Va le Tesalonika 2:3

Hakuva a kukhongotela ka hina a hi timhaka ti kanganyisako ni kungahlazeki, hambu hi mano.

1 Va le Korinte 5:8

Hikwalaho a hi hlayiseni a mubuzo wa kona, na ku nga hi comelo ga kale, hambu hi comelo ga livengo ni kubiha; kanilezi hi xibaba xi nga comelwangiko xa kuhlazeka ni zinene. Ekso. 12:15; Deut. 16:3

Johani 1:47

Jesu i lo wona Nataneli na a kari ata kakwe, aku ngalo: Langutani a muIsraeli wa zinene, loyi a nga hiko na kuxengetela. Tis. 32:2; Xip. 8:39; Rom. 2:28

Luka 11:44

Khombo a give ka nwina; hakuva mu fanana ni zilahla zi nga wonekiko; lezi vanhu va zi kanzihelako va nga zi tivi. Tis. 5:9; Mat. 23:27

Isaya 30:22

Zonake mu ta nyenyezisa a siliva leyi yi nameketilweko zifananisweni za nwina, ni nzalama leyi yi nameketilweko zifananisweni mu ta yi hoxa kota zilo za chaka, muku: Suka!

Mavingu 24:19

U nga ti karati hi kota ya vanhu va kubiha; e hambu ku navela a va kubiha:

Mavingu 14:30

A mbilu ya kurula yi nyika wutomi nyameni; anilezi a wukhuxu kubola ka marambu.

Joba 36:13

Kanilezi a va timbilu ta wukhohlisi, va ti veketelela zanga, A va kombeli ku vuniwa loku yena a va boha.

Luka 12:1

A xikhatini lexo, laha a mazanazana ya vanhu va nga wa tsombene, laha ka kuva va kanzihelana, Jesu i lo sangula ku wulawula ka vapizani vakwe, aku: Tlharihani a comelo ga vaFarisi, legi gi nga wuxengeteli. Mat. 16:6, 12; Mar. 8:15

Marku 12:15

Kanilezi yena na a tiva a wuxengeteli gabye, aku ngalo ka vona: Mu nzi ringela yini ke? Nehani a denario, kasi nzi fela ku yi wona.

Mateu 24:51

yi ta gi pulakanyisa, yi gi nyika xiavelo xa gona zinwe ni vaxengeteli; laha mikosi yi ta ngava kona ni kugetsela ka meno. Xip. 8:12; 25:30

Mateu 15:7

Vaxengeteli, i profetile khwatsi ha nwina Isaya, aku:

Isaya 2:20

A ka siku lego a vanhu va ta hoxa ka mabhonyani ni ka makhoha a zifananiso zabye za siliva ni za nzalama, lezi va nga ti mahela kasi ku zi khozela;

Tisimu 73:3

Hakuva nzi wa hi ni xiluse hi lava va matshanza, Loku nzi wona a kuvuvuma ka vakubiha. Joba 21:7; Jer. 12:1