1 Pedro 1:25 - Tshwa Bible

²⁵ Kanilezi a mhaka ya Hosi yi simamisa kala kupinzuka. Legi hi gezu ga mahungu yo saseka lawa ma nga kanelwa ka nwina.

1 Pedro 1:25 Referans Kwoze

Isaya 40:8

A byanyi ga woma, ni xitsangi xa wuna, Kanilezi a mhaka ya Nungungulu wa hina yi ta simama kala kupinzuka. Mat. 5:18; Lu. 16:17; 21:33

Mateu 5:18

Hizinene nziku ka nwina: Ku ta kala ku hunza a tilo ni misava, na cima ku nga fuvangi a nzhatana munwe kutani xidokho xinwe xa nayo, kala zontlhe lezi zi maheka. Lu. 16:17

Tisimu 119:89

Jehova, a mhaka ya wena yi tiyile le tilweni Kala kupinzuka. Isa. 40:8; Lu. 21:33

1 Johani 1:1

Lexi xi nga wa hi kona hi le kusanguleni, lexi hi xi zwileko, lexi hi xi wonileko hi mahlo ya hina, ni ku xi khumba hi mandla ya hina, xungetano ni Gezu ga wutomi. Lu. 24:39; Joh. 1:1, 14; 20:27

2 Pedro 1:19

Makunu ku tiyisilwe nguvu, ka hina a mhaka ya kuprofeta; mu maha khwatsi loku mu yi khatalela, khwatsi hi kandiya leyi yi woningako wutshanwini ga munyama gi kala gica, ni mahlahla a huma timbilwini ta nwina. Tis. 119:105; Joh. 5:35; Kuv. 22:18

Tisimu 102:12

Kanilezi wena Jehova u tshama kala kupinzuka, Va ku khumbula ka xizukulwana ni xizukulwana.

Luka 16:17

Kanilezi za hehuka lezaku a tilo ni misava zi nyamalala, ku hunza lezaku wuwa a nzatana munwe wa nayo. Tis. 102:26, 27; Isa. 40:8; 51:6

Va le Efesusi 2:17

I lo ta kanela kurula ka nwina lava mu nga hi kule, ni kurula ka lava va nga hi kusuhani. Isa. 57:19; Zak. 9:10

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 1:1

A kusanguleni gi wa hi kona Gezu, Gezu gi wa hi na Nungungulu, Gezu gi wa hi Nungungulu. Mat. 8:22; Kol. 1:17; 1 Joh. 1:2; 3:7

Tisimu 102:26

Ma ta hunza, kanilezi wena u ta tshama uku tsonzoma, Wontihe ma ta hlakala khwatsi i nguwo; U ta ma hunzula kukotisa kuhendleletwa ka tinganju, Wona ma ta hunza. Isa. 51:6; Mat. 24:35; 2 Ped. 3:7

1 Johani 1:3

lexi hi xi wonileko ni ku xizwa, hi lexo hi bako hungu ka nwina ha xona, kasi na nwinawu mu fela ku hlengela zinwe na hina; ina, a kuhlengela ka hina ku zinwe na Dadani ni Nʼwana wakwe Jesu Kristu. Miti. 4:20; 1 Kor. 1:9

1 Pedro 2:2

Lavani a masi ma nene ya moya, khwatsi hi zihlangana za ha belekiwako, kasi ma fela ku kula ha wona mu hanyiswa, Mat. 18:3; 1 Kor. 3:2

1 Pedro 1:23

Nwina mu belekilwe luswa hi mbewu yi nga boliko, na ku nga hi leyi yi bolako; mu belekilwe hi mhaka ya Nungungulu, leyi yi hanyako yiku tsoma. Joh. 8:5

1 Pedro 1:12

Ku lo wonekeliswa ka vona lezaku a va ti tirelangi wutsumbu gabye, kanilezi va tirela nwina a timhakeni leti ti tlhatlhambutelweko ka nwina makunu hi lava va nga kanela ivangeli ka nwina hi Moya wa ku Basa, wu nga rumelwa hi le tilweni; hambu ni tona tingelosi ti xuva ku hlomela timhakeni leti. Dan. 8:13; 9:24

Titusi 1:3

kanilezi hi xikhati xakwe i lo wonekelisa a mhaka yakwe hi mahungu lawa nzi nga nyikiwa wona hi kulaya ka Nungungulu, a Muhanyisi wa hina. 1 Tes. 2:4; 2 Tim. 1:10

Va le Efesusi 3:8

Mina loyi nzi nga tsongwanyanyani xikari ka vobasa vontlhe, nzi lo nyikiwa a tipswalo leti ta ku kanela ka vamatiko a ivangeli ya titshomba ta Kristu leti ti nga kambiwiko; 1 Kor. 15:9; Kol. 1:27

1 Va le Korinte 2:2

Hakuva nzi wa tiyisile lezaku nzi nga ta tiva nchumu xikari ka nwina, ntsena yena Jesu Kristu, loyi a nga belelwa. Gal. 6:14; Fil. 3:8

Isaya 40:6

A gezu go kari giku: Kanela! Munwani a hlamula, aku: Nzi ta kanela yini? A nyama yontlhe yi fanana ni byanyi, Ni kusaseka kontlhe ka yona ku fanana ni xitsangi xa khwati. Joba 14:2; Tis. 90:5; Jak. 1:10

Maheberu 6:5

vazwa a kunanziha ka mhaka yi nene ya Nungungulu, ni mintamu ya xikhati xa ha tako,

Kuvululelwa 14:6

Zonake nzi lo wona yinwani ngelosi na yi puruma xikari ka tilo, na yi hi ni ivangeli ya pinzukelwa a kuva yiba hungu ha yona ka lava va akileko misaveni, ni ka wontihe matiko ni tixaka ni tirimi ni mifumo.