1 Pedro 1:2 - Tshwa Bible

² va hlawulilweko hi ku va tiva kakwe Nungungulu Dadani hi mahlweni, hi kubasiswa hi Moya, kasi va ingisa Jesu Kristu ni ku nwatsekelwa hi nkhata wakwe, nziku: A tipswalo ni kurula a zi anziswe ka nwina. Rom. 8:29; 2 Tes. 2:13; Maheb. 10:22

1 Pedro 1:2 Referans Kwoze

2 Va le Tesalonika 2:13

Kanilezi hina hi yimelwe hi ku mu bonga Nungungulu xontlhe xikhati ha nwina, vamakabye va ranzekako va Hosi; hakuva Nungungulu i lo mu hlawula hi le kusanguleni a kuva mu hanyiswa hi kubasiswa hi Moya ni kukholwa ka zinene.

1 Pedro 1:22

Kota lezi mu basisileko mihefemulo ya nwina hi ku ingisa zinene, mu kala mu ranza a vamakabye hi liranzo li nga xengeteliko, ranzanani hi timbilu ti basileko.

Maheberu 12:24

ni ka Jesu a mutlhanganyisi wa xivumelwano xiswa, ni ka nkhata wa kunwatsekela, lowu wu wulako a timhaka ti nene to hunza a wa Abeli. Ekso. 24:8

Va le Roma 11:2

Nungungulu a nga hoxangi a vanhu vakwe lava a nga va tiva hi kale. Kutani mu kohlwa hi lezi mutsalo wu zi wulako ha Elija ke? Lezi a nga khongelisa zona a ranisa a va ka Israeli ka Nungungulu, aku: Xip. 8:29

2 Pedro 1:2

A tipswalo ni kurula a zi anziswe ka nwina, hi ku tiva Nungungulu na Jesu a Hosi ya hina. Dan. 4:1; Juda 2

Mitiro 2:23

loyi a nyikelweko ntanwini wa nwina, hi khungo gi tiyileko ga Nungungulu, ni kutiva kakwe ka kale; nwina mu mu belele, mu mu daya hi mandla ya zihunza-milayo. Lu. 24:44; Xip. 4:28

Va le Roma 16:26

kanilezi makunu yi wonekelisilwe hi Mitsalo ya vaprofeti, khwatsi hi kulaya ka Nungungulu wa pinzukelwa, yi tibyisilwe ka matiko wontihe kuva kuingisa ka kukholwa; 2 Tim. 1:10

2 Timote 2:10

Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8

1 Va le Korinte 6:11

A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22

Marku 13:27

I ta ruma tingelosi, a tsombanyisa a vahlawulilweko vakwe le matlhelweni ya mune, kusukela magemeta-musi ya misava ku kala magemetamusi ya tilo,

Marku 13:20

Loku Hosi yi wa nga komisangi lawo masiku, ngha ku nga hi kona ni munwe a hanyisilweko, kanilezi hi kota ya vahlawulilweko, lava yi va hlawulileko, yi ma komisile lawo masiku.

Maheberu 10:22

ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6

Va le Roma 16:19

Hakuva a kuingisa ka nwina ku la su gafe ka vanhu vontlhe. Hikwalaho nza tsaka ha nwina, kanilezi nza lava a kuva mu tlhariha zilweni zo saseka, muva lava va nga tlharihangiko ka lezo za kubiha. Mat. 10:16

Va le Roma 8:33

Himani a ta nga kecara a vahlawulilweko va Nungungulu ke? Hi Nungungulu a va hlayelako kululama. Isa. 50:8

Luka 18:7

Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10

Mateu 24:24

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka. Deut. 13:1; Rom. 8:28; 2 Tim. 2:19

Mateu 24:22

Loku lawo masiku ma wa nga komiswangi, ngha ku nga hi kona ni munwe a hanyisilweko; kanilezi hi kota ya vahlawulilweko a masiku lawo ma ta komiswa. Isa. 65:8, 9; Zak. 14:2, 3

Deuteronome 7:6

hakuva nwina mu vanhu va kubasa va Jehova Nungungulu wa nwina; na Jehova Nungungulu wa wena i ku hlawulile kasi u fela ku maha tiko gakwe wutsumbu, a xikari ka wontihe matiko lawa ma nga laha misaveni.

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

Maheberu 11:28

Hi kukholwa i lo yimisa a pasika ni ku nwatsekelwa hi nkhata, lezaku kasi a mudayi wa matewula a nga henyi ya vaIsraeli. Ekso. 12:21

Va le Roma 15:16

lezaku nzi tava xitiri xa Jesu Kristu xikari ka vamatiko, nzi khozela kota mupristi wa ivangeli ya Nungungulu, lezaku a vamatiko vave a munyileko wu amukelekako, na wu basisilwe hi Moya wa ku Basa. Gal. 2:7, 9; 1 Tim. 2:7

Va le Roma 8:13

hakuva loku mu hanya hi ka nyama mu tafa; kanilezi loku mu daya a mitiro ya miri hi moya mu ta hanya. Gal. 6:8

Va le Roma 1:7

Mina Paule nza rungula nwina nwentlhe mu nga le Roma, nwina varanziwa va Nungungulu mu vitanilweko a kuva vobasa, nziku: A tipswalo ni kurula a zive na nwina, zi tako hi ka Nungungulu Dadani wa hina ni ka Hosi Jesu Kristu.

Va le Roma 1:5

loyi nzi nga amukela hi yena a tipswalo ni wupostoli, lezaku a vitweni gakwe nzi yisa a vanhu va matiko wontihe a kuingiseni ka kukholwa. Efe. 3:8; Miti. 9:15

Mitiro 15:18

Ku wula Hosi, leyi yi tivekisako lezi zilo hi kale ka matiko.

Danieli 4:1

Mina hosi Nebukadnezzare nza mu tsalela nwina nwentlhe matiko, tixaka ni tirimi, lava mu akileko misaveni yontlhe, nziku: A kurula a ku anze xikari ka nwina.

Isaya 65:22

Va nga ta akela ku kasi vanwani va tshama lomo, Va nga ta byalela ku kasi vanwani vaga mihanzu ya kona; Hakuva a masiku ya vanhu ma ta ringana ni masiku ya tisinya, Ni vahlawulilweko va mina va ta tsakela mitiro ya mandla yabye.

Juda 1:2

A wuxinji ni kurula ni liranzo a zi anziswe ka nwina. A ku lwela kukholwa.

Maheberu 5:9

na a mbhelelisilwe i lo maha a muvangi wa kuhanyiswa ka pinzukelwa, ka vontlhe lava va mu ingisako;

Va le Kolosi 3:12

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu. Gal. 5:22; Fil. 2:1; 1 Ped. 1:2

2 Va le Korinte 13:14

A tipswalo ta Hosi Jesu Kristu, ni liranzo la Nungungulu, ni kutlhangana ka Moya wa ku Basa, a zive na nwina nwenthle.

2 Va le Korinte 10:5

Hi hangalasa a maalakanyo, ni tigingisi tontlhe leti ti tlakukileko to bhiyela a kutiva ka Nungungulu, hi khozisa a maalakanyo wontihe mava tikhumbi ta ku ingisa Kristu; 1 Kor. 1:19; 3:19

Va le Roma 11:28

Hi tlhelo ga ivangeli mbalala va Nungungulu hi kota ya nwina; kanilezi hi tlhelo ga kuhlawulwa, varanziwa hi kota ya vakokwani. Deut. 9:5

Mitiro 20:32

Makunu nza mu veka ka Nungungulu, ni ka mhaka ya tipswalo takwe, leyi yi zi kotako a ku mu aka, ni ku mu nyika tshomba xikari ka vontlhe lava va basisilweko. Maheb. 9:15; Efe. 1:18; 1 Ped. 1:4

Titusi 1:1

Paule, a nanza ga Nungungulu, tlhelo mupostoli wa Jesu Kristu, a rumelweko hi kota ya kukholwa ka vahlawulilweko va Nungungulu, ni kutiva kabye a zinene lezi zi xungeteneko ni ku khozela Nungungulu, 1 Tim. 6:3; 2 Tim. 2:25

1 Va le Korinte 1:30

Kanilezi i ntiro wakwe lezi nwina mu nga ka Kristu Jesu, loyi Nungungulu a nga mu yimisa a kuva wutlhari ga hina, ni kululama ka hina, ni kubasiswa ni kutirulwa.

Marku 13:22

Hakuva ku ta huma vaKristu va mawunwa, ni vaprofeti va mawunwa; va ta maha zirewukiso ni zihlamaliso, kasi va fela ku pengisa ni vahlawulilweko loku zi koteka.

Mateu 24:31

Yena i ta ruma a tingelosi, takwe na tiba mimpunzu yo vuma nguvu; ti ta tsombanyisa a vahlawulilweko vakwe hi ka mune wa matlhelo ya misava, kusukela magemeta-musi ya tilo kala ka manwani magemeta-musi. 1 Kor. 15:52; 1 Tes. 4:16

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

2 Johani 1:13

A vana va makwenu a hlawulilweko va ku rungula.

2 Johani 1:1

A singalakati ga rungula a muzinza loyi a hlawulilweko hi vana vakwe, lava nzi va ranzako zineneni; na ku nga hi mina nzoce, kanilezi ni vontlhe lava va tivako zinene. Joh. 8:32; 1 Joh. 3:18

Danieli 6:25

Zonake hosi Dariusi i lo tsalela a va matiko wontihe ni tixaka ni tirimi, ka vontlhe lava va akileko laha misaveni, aku: A kurula a ku anze xikari ka nwina!

Isaya 65:9

Nzi ta humesa vana hi ka Jakobe, Ni xiga-tshomba xa zitsunga za mina hi ka Juda. A va hlawulilweko va mina va ta fumela tiko, Ni malanza ya mina ma ta aka kona.

Levi 1:5

Yena i ta tlhava a nkuzi mahlweni ka Jehova, zonake a vapristi, a vana va Aroni, va ta teka a nkhata va nwatsekela ha wona matlhelweni wontihe hehla ka alati legi gi nga laha nyangweni ya tabemakeli ga mutlhangano.

1 Pedro 1:14

Ngha mu maha vanana va kuingisa; lezaku mu nga lanzeli a kunavela ka nwina ka kale, laha mu nga kala mu nga se tiva nchumu.

1 Pedro 1:19

na ku nga hi hi zilo zi bolako, a siliva kutani nzalama, kanilezi mu tirulwe hi nkhata lowu wa malongo, wo kota wa yivana yi nga hiko na khwanga ni bawa, wu nga wona nkhata wa Kristu. Ekso. 12:5; Joh. 1:29; Kuv. 5:9

1 Pedro 1:20

Yena i wa yimiselwe a ntiro lowu hi mahlweni a misava na yi nga se ku vangiwa, kanilezi i lo wonekeliswa zikhatini zo gumesa hi kota ya nwina. Mat. 22:21; Gal. 4:4