1 Kronekele 26:12 - Tshwa Bible

¹² A ntiro wa ku hlayisa a yindlu ya Jehova wu wa vekilwe mandleni ya mitlawa leyi ya vahlayisi, ni ka tihosana ta tiyindlu tabye, ni ka vanakulobye, kasi va tira lomu ndlwini ya Jehova.

1 Kronekele 26:12 Referans Kwoze

1 Kronekele 25:8

Va wa hlawuliwa ka ntiro wabye hi kuhlahluva, ku nga hambanyiswi a vatsongwani ni vahombe, a vagonzisi ni zigonzani.

2 Tihosi 7:10

Zinghaho va lo ya vitana a murinzeli wa muti, va mu tivisa vaku: Hi enghenile lomu wugovelweni ga maSiria, kanilezi a hi kumangi munhu hambu ni kuzwa a gezu ga munhu, ntsena a mahaxi ni timbongola ti bohilweko, ni matenda ma wa siyisihve zalezo.

1 Kronekele 26:11

ku gamela Hilkia, a wa wunharu hi Tibalia, a wa wumune hi Zakaria; a ku patsa a vana va Hosa ni vanakulobye, va wa hi 13.

1 Kronekele 26:13

Va lo hlawutelwa a nyangwa yinwe ni yinwani hi ku hlahluva, a vatsongwani ni vahombe, ka tiyindlu ta vararu vabye.

2 Kronekele 35:15

A vayimbeleli, a vana va Asafa, va wa hi wutshanwini gabye, khwatsi hi kuleletela ka Davida, na Asafa, na Hemani, na Jedutuni a muwoni wa hosi, ni vahlayisi va tinyangwa va wa hi lomu tinyangweni tontlhe; a va sukangi mitirweni yabye, hakuva a vanakulobye, a vaLevi, va va longisele Pasika.

1 Kronekele 9:23

Zinghaho vona ni vana vabye va yimisilwe lomu tinyangweni ta yindlu ya Jehova, a Tabemakeli, a kuva vahlayisi.

2 Kronekele 31:14

Kore nʼwana Imna a muLevi, a muhlayisi wa nyangwa ya tlhelo ga Muhuma-gambo, i wa hi muhlayisi wa minyikelo leyi yi nyikelwako ka Nungungulu hi liranzo la matsenya, ni ku avela a mihlengo leyi yi nyikelwako ka Jehova ni zilo lezi zi basisilweko nguvu.