1 Kronekele 22:3 - Tshwa Bible

³ I lo longisa a ziketse zo tala zo maha ha zona tikhokho ta tivati ta tinyangwa ni ta timhingu, ni suku wo tala nguvu wu nga hiko na kupimiwa.

1 Kronekele 22:3 Referans Kwoze

1 Kronekele 22:14

Languta, kwalomu kuhlokisweni ka mina nzi longisile za yindlu ya Jehova 100,000 wa titalenta ta nzalama, ni 1,000,000 wa titalenta ta siliva, ni suku ni ziketse, lezi zi nga hiko na kupimiwa xikalweni hi kota ya wunyingi ga zona. Nzi longisile ni tisinya ni maribye, wenawu kambe u ta zi engetela.

1 Kronekele 29:2

Nzi ti karatile hi ntamu wa mina wontihe nzi longisela a yindlu ya Nungungulu wa mina, a nzalama ya lezi zi ta ngava za nzalama; a siliva ya lezi zi ta ngava za siliva; a suku wa lezi zi ta ngava za suku; a ziketse za lezi zi ta ngava za ziketse; a tisinya ta lezi zi ta ngava za tisinya; a maribye ya berile, ni maribye lawa ma ta nga tlhatekelwa, ni maribye yo khazamula, ni maribye ya mivala ya tixakaxaka, ni tixaka tontlhe ta maribye ya malongo, ni marmore yo basa yo tala nguvu.

1 Tihosi 7:47

Solomoni i lo siya zontlhe zibya na zi nga pimiwangi kutika ka suku, hakuva zi wa tele nguvu; a ku pimiwangi a kutika ka suku.

1 Kronekele 29:7

Va lo nyikela a ku vuna a ntiro wa yindlu ya Nungungulu, 5,000 wa titalenta ta nzalama ni 10,000 wa tidarike, ni 10,000 wa titalenta ta siliva, ni 18,000 wa titalenta ta suku, ni 100,000 wa titalenta ta ziketse.

Jeremia 52:20

A timhanze leʼta timbiri, ni bimbi, ni 12 wa tikuzi ta suku leti ti nga hi lahasi ka zikhatelo, lezi hosi Solomoni a nga zi mahela a yindlu ya Jehova, a suku wa kona wa zontlhe lezo a wu na nga pimiwa xikalwini. 1 Tih. 7:15

2 Kronekele 4:18

Zinghaho Solomoni i lo maha a zibya zo tala nguvu, kasi a kutika ka suku ku wa nga tibyiwi.

Deuteronome 8:9

a tiko legi u ta ngaga zakuga za wena na u nga vileli nchumu, laho u to kala u nga vumali nchumu; a tiko lego a maribye ya kona ma nga ziketse, legi u to kela a suku lomu zitsungeni za gona.