1 Kronekele 11:3 - Tshwa Bible

³ Zinghaho wontihe masingalakati ya ka Israeli ma lota ka hosi le Hebroni, Davida a maha xivumelwano navo mahlweni ka Jehova, zonake vona va tota Davida a kuva hosi ya va ka Israeli le Hebroni, khwatsi hi lezi Jehova a wulileko hi nomu wa Samueli.

1 Kronekele 11:3 Referans Kwoze

1 Samueli 16:1

Jehova i te ngalo ka Samueli: Kala rini na wa ha rilela Saule, laha u zi wonako lezaku mina nzi mu alele kuva hosi ya ka Israeli? Tata xikudzana xa wena hi mafura uta, nzi ta ku ruma ka Jese wa le Betlehema, i kona nzi mu wonileko xikari ka vanana va Jese, loyi a faneleko ku maha hosi. Miti. 13:22

2 Samueli 5:3

Zinghaho wontihe masingalakati ya va ka Israeli ma loya hosini le Hebroni, zonake hosi Davida i lo maha navo xivumelwano le Hebroni mahlweni ka Jehova; va lo wumbela Davida a kuva hosi hehla ka va ka Israeli.

2 Samueli 2:4

A vavanuna va ka Juda va lota laho va ta tota Davida a kuva hosi hehla ka yindlu ya ka Juda. Zonake va lo byela Davida, vaku: A vanhu va le Jebexe-Gileade hi vona va nga lahla Saule.

1 Samueli 16:3

Kwalaho ka muphahlelo lowo u ta vitana Jese, zonake mina nzi ta ku kombisa lezi u ta nga maha; loye nzi ta nga ku komba yena, u ta mu tota ave wa mina.

2 Kronekele 23:3

Wontihe tlhangano wu lo maha xivumelwano ni hosi lomu ndlwini ya Nungungulu. Jehoiada i te ngalo kabye: Hi loyi nʼwana wa hosi, loyi a faneleko ku fuma, khwatsi hi lezi Jehova a wulileko xungetano hi vana va Davida.

2 Tihosi 23:30

A malanza yakwe ma lo suka le Megido na ma mu rwele hi kareta, ma mu yisa le Jerusalema, ma ya mu lahla xilahleni xakwe. Zonake a vanhu va tiko va lo teka Jehoahaza nʼwana Josia va mu tota hi mafura, va mu wumbela wuhosi xikhundleni xa raru wakwe. Jehoahaza a khomiwa hi vaGipite.

2 Tihosi 11:17

Jehoiada i lo maha xivumelwano xikari ka Jehova ni hosi ni vanhu, lezaku vona va tava vanhu va Jehova, a maha kambe xikari ka hosi ni vanhu.

1 Samueli 28:17

Jehova i mahile ka wena khwatsi hi lezi a wulileko hi nomu wa mina. Jehova i wutlile wukosi ga wena a gi nyikela ka muakelane wa wena, a nga Davida.

1 Samueli 23:18

Zonake va lo maha xivumelwano hi wumbiri gabye mahlweni ka Jehova. Davida i lo tshama lomu makhwatini, Jonatani yena a famba kaya kakwe.

1 Samueli 15:28

Samueli i te ngalo kakwe: Inyamutlha Jehova i hanzule a mufumo wa ka Israeli hehla ka wena, a wu nyikela ka muakelane wa wena, loyi a nga chukwana ku hunza wena.

1 Samueli 11:15

Zonake a vanhu vontlhe va loya le Gilgali; va lo ya yimisa Saule a ku maha hosi mahlweni ka Jehova le Gilgali. Va lo nyikela miphahlelo ya kurula mahlweni ka Jehova. Zonake Saule ni vontlhe va ka Israeli va lo tsaka nguvu.

Valamuli 11:11

Zonake Jefta i lo famba zinwe ni masingalakati ya le Gileade; a vanhu va lo mu yimisa ku maha hosi ni murangeli wabye. Jefta i lo wulawula tontlhe timhaka takwe mahlweni ka Jehova le Mizpa.

2 Samueli 5:5

Le Hebroni i lo fumela Juda 7 wa malembe ni 6 wa tihweti. Le Jerusalema i lo fumela va ka Israeli vontlhe ni va ka Juda 33 wa malembe.

1 Kronekele 11:10

Makunu leti hi tinhenha ta hombe ta Davida, leti ti mu tiyisetako lomu mufunweni wakwe, zinwe ni vontlhe va ka Israeli, a ku mu maha hosi, khwatsi hi lezi Jehova a wulileko xungetano ni va ka Israeli.