Tito 3:14 - Triqui de San Juan Copala

¹⁴ Ne̱ me rá ꞌu̱nj nari̱ꞌ ꞌó nij tinúú níꞌ quiꞌya̱j ndoꞌo nij soꞌ suun sa̱ꞌ cheꞌé tuviꞌ nij soꞌ síí achiin ya̱ rasu̱u̱n man uún chugua̱nj. Sese da̱nj ꞌyaj nij soꞌ, ne̱ vaa se gúnꞌ man nij soꞌ chugua̱nj.

Tito 3:14 Referans Kwoze

Colosenses 1:10

cheꞌé rej quiꞌya̱j soj nu̱ꞌ se vaa no̱ xcúún níꞌ si̱j noco̱ꞌ man Síí ꞌNi̱j Raꞌa man níꞌ quiꞌya̱j níꞌ, ne̱ gu̱un niha̱ꞌ rá Yaꞌanj ni̱ꞌyaj Yaꞌanj man soj á. Ne̱ cunuda̱nj suun sa̱ꞌ quiꞌya̱j ndoꞌo soj, ga̱a ne̱ doj a̱ sa̱ꞌ xca̱j soj cuentá da̱j vaa maꞌa̱n Yaꞌanj a.

Tito 3:8

Ya̱ uxrá vaa nu̱ꞌ nana̱ nihánj ado̱nj. Ne̱ me rá ꞌu̱nj sca̱ꞌ caꞌmi̱i̱ so̱ꞌ nu̱ꞌ nana̱ nihánj rihaan nij yuvii̱ amán rá niꞌya̱j man Yaꞌanj, cheꞌé rej xca̱j nij soꞌ cuentá se vaa no̱ xcúún nij soꞌ quiꞌya̱j nij soꞌ suun sa̱ꞌ ina̱nj á. Sese da̱nj quiꞌya̱j nij soꞌ, ne̱ si̱j vaa sa̱ꞌ me nij soꞌ, ne̱ cavi̱i̱ sa̱ꞌ doj yuvii̱, quiꞌya̱j nij soꞌ ado̱nj.

Filipenses 1:11

Dan me se ya̱ gu̱un soj yuvii̱ cunuu sa̱ꞌ nimán quiꞌya̱j Jesucristó, cheꞌé rej xca̱j nii cuentá se vaa niꞌndaj ya̱ veꞌé vaa Yaꞌanj ne̱ cata̱j nii se vaa sa̱ꞌ uxrá vaa soꞌ ado̱nj.

San Mateo 7:19

Ne̱ sese nuviꞌ chruj sa̱ꞌ raa̱ ꞌo̱ chruun, ne̱ aꞌneꞌ nii man chruun yoꞌ, ne̱ axríj yaꞌan nii man chruun yoꞌ na̱nj ado̱nj.

2 Pedro 1:8

Dan me se sese doj a̱ doj a̱ nari̱ꞌ soj quiꞌya̱j soj nu̱ꞌ da̱nj da̱j a̱ güii, ga̱a ne̱ se̱ caꞌvee gu̱un soj síí niꞌyo̱n síí ne neꞌen quiꞌya̱j se‑su̱u̱n Yaꞌanj a̱ maꞌ. Tana̱nj sa̱ꞌ uxrá doj queneꞌe̱n soj man Jesucristó Si̱j ꞌNi̱j Raꞌa man níꞌ ado̱nj.

Filipenses 4:17

Né cheꞌe̱ se me raj rque̱ u̱u̱n soj doj saꞌanj manj me tuꞌva uún ꞌu̱nj da̱nj nihánj cuano̱ maꞌ. Ma̱an se cheꞌé se me raj na̱ruꞌvee Yaꞌanj doj se sa̱ꞌ rihaan soj, cheꞌé dan tuꞌvaj da̱nj ado̱nj.

Efesios 4:28

Sese vaa síí itu̱u̱ ꞌni̱j scaꞌnúj soj, ne̱ caꞌne̱ꞌ rá soꞌ ga̱ suun ꞌyaj itu̱u̱ rasu̱u̱n na̱nj á. Tana̱nj veꞌé quiꞌya̱j suun maꞌa̱n soꞌ suun sa̱ꞌ, ga̱a ne̱ sese achiin rasu̱u̱n rihaan tinúú soꞌ, ne̱ gu̱un nucua̱j soꞌ rque̱ maꞌa̱n soꞌ rasu̱u̱n rihaan tinúú soꞌ á.

San Juan 15:16

’Ne nari̱i̱ soj manj a̱ maꞌ. Tana̱nj ma̱ꞌán ꞌu̱nj narii man soj ne̱ cunéꞌ ꞌu̱nj man soj, yan cavi̱i̱ soj quiꞌya̱j ndoꞌo soj se vaa me rá Yaꞌanj quiꞌya̱j soj, ne̱ se̱ navij suun sa̱ꞌ ꞌyaj soj daj chiha̱a̱ míj maꞌ. Ne̱ cheꞌé se cunéꞌ ꞌu̱nj man soj, cheꞌé dan me maꞌa̱n rasu̱u̱n cachi̱nj soj rihaan Réj Yaꞌanj cheꞌé se‑chu̱vií ꞌu̱nj, ne̱ rque̱ soꞌ rasu̱u̱n yoꞌ man soj ado̱nj.

San Juan 15:8

Cheꞌé se uno soj rihanj, cheꞌé dan sa̱ꞌ uxrá aꞌmii yuvii̱ cheꞌé Réj Yaꞌanj a. Cheꞌé dan gu̱un nucua̱j soj quiꞌya̱j ndoꞌo soj suun sa̱ꞌ, ne̱ sese cuno̱ sa̱ꞌ soj rihanj, ne̱ ya̱ síí tucuꞌyón snana̱j me soj ado̱nj.

2 Tesalonicenses 3:8

Ne̱ ne cha̱ u̱u̱n núj rihaan soj maꞌ. ꞌO̱ se nu̱ꞌ se chá núj naruꞌvee núj saꞌanj rihaan soj ado̱nj. Tza̱j ne̱ ꞌo̱ se nuvi̱i niga̱nꞌ quiꞌyaj suun uxrá núj quiri̱ꞌ núj cha̱ núj, ne̱ ne quiꞌya̱j suun soj cheꞌé núj, quiꞌyaj núj maꞌ.

Hechos 20:35

Cunuda̱nj quiꞌyaj suun ꞌu̱nj, cheꞌé se guun raj xca̱j soj cuentá se vaa no̱ xcúún soj quiꞌya̱j suun maꞌa̱n soj, cheꞌé rej caꞌve̱e ra̱cuíj soj man tinúú níꞌ síí achiin rasu̱u̱n man a. Ne̱ ꞌo̱ cu̱nuû rá soj nana̱ nihánj nana̱ caꞌmii maꞌa̱n Jesús Si̱j ꞌNi̱j Raꞌa man níꞌ a: “Síí rqué rasu̱u̱n rihaan tuviꞌ roꞌ, uun niha̱ꞌ rá soꞌ doj rihaan síí riꞌ rasu̱u̱n yoꞌ raꞌa tuviꞌ a”, taj Jesús a ―taj Pabló rihaan nij síí tumé sa̱ꞌ rihaan Yaꞌanj man xꞌneꞌ nij síí noco̱ꞌ man Cristó ya̱nj chumanꞌ Éfeso a.

San Mateo 21:19

Ga̱a ne̱ queneꞌen soꞌ ꞌo̱ chruun higó nicu̱nꞌ tuꞌva chrej, ne̱ caꞌanj soꞌ tacóó chruun yoꞌ, tza̱j ne̱ taj va̱j a̱ ꞌó chruj higó ne quiri̱ꞌ soꞌ a̱ maꞌ. Ma̱an na̱nj coj u̱u̱n táá raa̱ chruun yoꞌ a. Ga̱a ne̱ caꞌmii soꞌ rihaan chruun yoꞌ, cataj soꞌ a: ―Daj chiha̱a̱ míj se̱ cumán chruj raá so̱ꞌ maꞌ ―taj Jesús a. Ne̱ nu̱ꞌ caꞌmii soꞌ rihaan chruun, ne̱ ma̱an orá dan canacoo̱ chruun higó yoꞌ a.

Hechos 18:3

ne̱ cheꞌé se cuya̱a̱n vaa suun ꞌyaj suun Pabló ga̱ suun ꞌyaj suun ro̱j soꞌ roꞌ, cheꞌé dan caranꞌ Pabló ga̱ ro̱j soꞌ, ne̱ quiꞌyaj suun soꞌ ga̱ ro̱j soꞌ a.

1 Tesalonicenses 2:9

Dan me se neꞌen soj se vaa nuvi̱i niga̱nꞌ ꞌyaj suun núj, ga̱a ne̱ riꞌ núj saꞌanj, ne̱ ránj maꞌa̱n núj rasu̱u̱n achiin rihaan núj, cheꞌé se ne caꞌve̱j rá núj rquee̱ núj rque̱ soj rasu̱u̱n man núj, maan tinu̱j, maan nocoj. Da̱nj ina̱nj quiꞌyaj núj ga̱a caꞌmii natáj núj snana̱ Yaꞌanj nana̱ sa̱ꞌ rihaan soj ado̱nj.

Romanos 15:28

Cheꞌé dan vaa suun rihanj ta̱cuachenj saꞌanj rihaan nij síí noco̱ꞌ man Cristó ya̱nj chumanꞌ Jerusalén, ne̱ dan me se nago̱j saꞌanj ston nij soꞌ, ne̱ xꞌnu̱u̱ rihanj, ne̱ asa̱ꞌ vaj ꞌu̱nj chrej caꞌa̱nj ꞌu̱nj yoꞌóó noco̱o cuꞌna̱j España, ne̱ ca̱ránꞌ ꞌu̱nj chiháán soj a.

Romanos 12:13

Sese vaa se achiin rihaan tinúú soj síí noco̱ꞌ man Cristó, ne̱ ra̱cuíj soj man nij soꞌ a. Ne̱ veꞌé quiꞌya̱j soj caꞌve̱j soj cara̱nꞌ yuvii̱ tucuá soj do̱ꞌ, cha̱ yuvii̱ ga̱ soj do̱ꞌ á.

Filipenses 4:16

Ga̱a cayánj chumanꞌ Tesalónica, ne̱ queꞌe̱e̱ ya̱ rqué soj saꞌanj cachiin manj na̱nj niha̱nꞌ.

Tito 2:8

Ina̱nj nana̱ sa̱ꞌ caꞌmi̱i̱ so̱ꞌ á. Ga̱a ne̱ gu̱un naꞌa̱j nij síí ta̱j riꞌyunj man níꞌ cheꞌé se se̱ caꞌvee caꞌmi̱i̱ nij soꞌ nana̱ nij cheꞌé níꞌ a.